Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

Aegama organiza na Casa de Galicia en Madrid a xornada empresarial "Venda sen freos"

Co obxecto de ofrecer aos empresarios recursos para mellorar os seus resultados
Madrid, 20 de abril de 2017.

A Asociación de Empresarios Gallegos en Madrid (Aegama), que preside Julio Lage, celebrou hoxe na Delegación da Xunta de Galicia en Madrid/Casa de Galicia a xornada empresarial "Vendas sen freos", que estivo a cargo de Pablo Carcelén, director de Expansión da escola de negocios Level Up, Máster en Márketing, Finanzas e Recursos Humanos e experto asesor empresarial. Unha iniciativa que tiña por obxecto ofrecer aos empresarios recursos para mellorar os seus resultados.

O relator foi presentado, en representación de Aegama, por José Cerdeira, quen destacou del que asesorou a máis de vinte empresas en menos de dous anos, a súa experiencia emprendedora -puxo en marcha varios negocios- e a súa faceta formadora e de consultor estratéxico en Level Up, convidando aos asistentes a aproveitar os seus ensinos.

A través de exemplos concretos, Carcelén disertou sobre o mundo das vendas, os seus acertos e erros, a evolución dalgunhas empresas e a maneira de trasladar algúns dos modelos expostos ás empresas dos interesados.

 Tras a exposición de Carcelén, os asistentes puideron dirixirse a el para aclarar dúbidas. O acto pechouse cun tempo para que os participantes fixesen "networking" (contactos para crear oportunidades de negocio).

 

 

Departamento: Prensa

Compárteo:

Facebook Twitter

Imaxes