Medios
- 1. De esq. a dereita o coronel Hernández Turiño, o pintor Dalmau, a Dra. Fidalgo, o delegado da Xunta en Madrid J. Ramón Ónega, o xefe de E. M. do E. T. Fco. J. Varela, o húsar e o suboficial maior M. Navas. (2697x3596px., 1657 Kb.)
- 2. Pita da Veiga, o xefe de Estado Maior do E. T. Fco. J. Varela, o delegado da Xunta en Madrid José Ramón Ónega, o pintor Dalmau e a Dra. Fidalgo. (3024x4032px., 2025 Kb.)
- 3. A mesa cos intervenientes e parte do público que asistiu ao acto. (3024x4032px., 2346 Kb.)
- 4. Panorámica da sala coa mesa dos intervenientes á esquerda e o público á dereita e no medio o cadro custodiado por un húsar. (1823x5793px., 2559 Kb.)
- 5. O coronel Miguel Hernández Turiño agradece ao pintor a entrega do HEROE DE PAVÍA. (4032x3024px., 1582 Kb.)
- 6. Húsar custodiando o cadro. (4032x3024px., 2040 Kb.)
A Delegación da Xunta en Madrid/Casa de Galicia acolleu hoxe a presentación do cadro "Alonso Pita dá Veiga, o heroe galego da batalla de Pavía", de Augusto Ferrer-Dalmau
A Delegación da Xunta en Madrid/Casa de Galicia acolleu esta tarde a presentación do cadro "Alonso Pita da Veiga, o heroe galego da batalla de Pavía" do artista de recoñecido prestixio Augusto Ferrer-Dalmau, quen quixo cos seus pinceis lembralo e renderlle homenaxe pola súa xesta.
No acto interviñeron o delegado da Xunta en Madrid e director da Casa de Galicia José Ramón Ónega quen presidiu o acto e deu a benvida aos asistentes; o xefe de Estado Maior do Exército de Terra, Francisco Javier Varela Salas; o almirante da Armada Española, descendente de Alonso Pita da Veiga, quen falou do seu ilustre antepasado e dos 500 anos ininterrompidos da familia no Exército, Joaquín Pita da Veiga; a doutora en Historia da arte e especialista en Ferrer-Dalmau, María Fidalgo Casares, quen falou dos valores artísticos deste lenzo; e o autor, Augusto Ferrer-Dalmau, coñecido como o pintor de batallas, e quen entre outras distincións civís e militares está en posesión da de húsar honorífico, e que falou da súa obra.
Ónega, tras as súas palabras de benvida, e agradecer ao autor o lembrar o personaxe, destacou que "o cadro representa ao heroe galego Alonso Pita da Veiga en Pavía, tras a batalla que se librou neste lugar en 1525 pola cabalería e infantería española, chamadas a Pequena Armada de Pavía, co exército francés". Engadiu ademais que "nela, tres soldados españois, entre eles o ferrolán Alonso Pita da Veiga, recuperaron a bandeira branca coa cruz de Borgoña ou Cruz de San Andrés en vermello, que fora capturada polo inimigo, e apresaron ao Rey de Francia, Francisco I". Alonso Pita da Veiga foi o patriarca dunha saga ininterrompida de militares que continua na actualidade en especial na Armada (Armada Invencible, Guerras Portugal, Trafalgar, O Callao, Guerras Cantonales de Cartaxena, Cuba, Filipinas... son algúns dos escenarios bélicos da Historia de España nos que estiveron presentes os seus descendentes directos).
A Dra. Fidalgo, tras destacar o importante labor da Casa de Galicia inaugurada por D. Manuel hai 25 anos, falou das características técnicas e estilísticas de Ferrer-Dalmau, "un pintor de temas históricos que revisa a historia".
Pola súa banda, Ferrer-Dalmau explicou a relevancia da batalla de Pavía e as razóns polas que elixiu a Alonso Pita da Veiga. "A responsabilidade dun pintor ao asumir capítulos da historia esquecidos é enorme. O que máis me satisfai é contribuír a que se coñezan estes feitos e que logo a xente se interese por eles".
Pola súa banda o Tenente Xeral Varela falou da batalla de Pavía e do Rexemento de Cabalería Pavía.
Seguidamente, e para rematar, procedeuse á entrega da obra ao Rexemento Acoirazado de Cabalería Pavía nº 4 na persoa do seu coronel Miguel Hernández Turiño, polo pintor Augusto Ferrer-Dalmau, aínda que antes, todos postos en pé, gardaron un minuto de silencio, por Ignacio Echeverría asasinado no recente atentado terrorista de Londres, por ser o último heroe ferrolán.
Departamento: Prensa
Compárteo:
Imaxes
