Feijóo refírese a Caneiro como exemplo da literatura galega sin murallas, que brota dun pobo tolerante e amigo da palabra

O titular do Goberno galego presidiu a presentación do novo libro de Xosé Carlos Caneiro, Todas las vidas de Madame Bovary
Madrid, 13 de marzo de 2017

O presidente da Xunta, Alberto Núñez Feijóo, referiuse esta tarde ao escritor Xosé Carlos Caneiro como un exemplo da literatura galega sen murallas, que brota dun pobo tolerante e amigo da palabra.

Durante a presentación do libro Todas las vidas de Madame Bovary, Feijóo aseverou que esta obra de Caneiro pon de manifesto a riqueza literaria e expansiva de Galicia e lembrou, ademais, a forza que, desde sempre, ten para os galegos a palabra como vínculo de unión dunha poboación dispersa. "Quizá por iso os galegos interpretamos o noso bilingüismo como unha inmensa sorte e nunca como unha dificultade ou unha causa de conflito", aseverou.

Nesta liña, o presidente do Goberno galego expresou o convencemento de que se os intentos por converter en conflito a convivencia idiomática fracasaron foi porque se toparon cunha cidadanía que cree na liberdade, na tolerancia, "e na riqueza que supón contar con ese inmenso caudal de palabras, que tan ben soan nos libros e artigos de Caneiro", dixo.

Departamento: Prensa

Compárteo:

Facebook Twitter

Imaxes