Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

Actualidade

Mostrando o intervalo 111 - 120 de 758 resultados.

A Delegación da Xunta en Madrid/Casa de Galicia acolleu hoxe a conferencia "Perversións actuais do proceso penal" polo catedrático coruñés Gonzalo Rodríguez Mourullo

1. De esquerda a dereita, o relator Gonzalo Rodríguez Mourullo; o presidente do Consello de Estado J. Manuel Romay; o delegado da Xunta en Madrid J. Ramón Ónega e o presidente de IURISGAMA Carlos Lema.

Tanto o Tribunal Supremo como o Tribunal Constitucional estableceron, ao mesmo tempo, unha doutrina xurisprudencial impecable, pero que na práctica sofre certas desviacións", dixo o catedrático coruñés de Dereito Penal, Gonzalo Rodríguez Mourullo na conferencia "Perversións actuais do proceso penal" que pronunciou esta tarde na Delegación da Xunta de Galicia en Madrid/Casa de Galicia. O relatorio, cuxo peche foi realizado hoxe polo presidente do Consello de Estado, José Manuel romay Beccaría, está enmarcada dentro do ciclo "Temas Xurídicos de Actualidade", organizado pola Asociación de Xuristas Galegos en Madrid (IURISGAMA) que preside o profesor Carlos Lema Devesa.

A Delegación da Xunta en Madrid/Casa de Galicia acolleu esta tarde a presentación de máis de cen referencias de Augardentes e Licores Tradicionais

1. De esquerda a dereita, a enóloga Sonia Otero; a coordinadora de Actividades Económicas Ana R. Barrena; o presidente do Consello Regulador, José Antonio Feijóo e o barman Ángel Camiña.

Case un centenar de persoas de medios e profesionais de gastronomía acudiron esta tarde á Delegación da Xunta en Madrid/Casa de Galicia á presentación dos Augardentes e Licores Tradicionais do Consello Regulador. O acto incluíu unha sesión de coctelería en directo así como unha cata comentada e un Túnel no que se mostraron e ofreceron durante toda a tarde máis dun centenar de etiquetas dos produtos amparados das catro Indicacións Xeográficas (IXs): Augardente de Galicia, Augardente de Herbas de Galicia, Licor de Herbas de Galicia e Licor Café de Galicia. Cabe lembrar que Galicia é a única comunidade autónoma de España que conta cunha Indicación Xeográfica (IX) específica para o augardente, o Orujo de Galicia.

A exposición de pintura "Victoria Gándara" reúne na Delegación da Xunta de Galicia en Madrid/Casa de Galicia obras figurativas con tendencia á abstracción

Victoria Gándara ante unha das súas obras.

A Delegación da Xunta de Galicia/Casa de Galicia en Madrid alberga este mes a exposición de pintura Victoria Gándara que, co nome da súa autora, artista zaragozana de ascendencia galega, reúne en dúas salas da Casa obras de pintura figurativa con tendencia á abstracción. Segundo a artista, nestas obras, realizadas cunha técnica mixta onde predomina a colaxe, "a realidade é unha desculpa para compoñer e crear, xogando coa cor e as texturas".

Asomega falla o Premio Nóvoa Santos 2016 a favor do endocrinólogo Bartolomé Burguera González

Reunión da Xunta Directiva de Asomega.

A Xunta Directiva da Asociación de Médicos Galegos en Madrid (Asomega) acordou esta tarde nunha reunión que celebrou nas instalacións da Delegación da Xunta de Galicia en Madrid/Casa de Galicia conceder o Premio Nóvoa Santos 2016 ao doutor Bartolomé Burguera González. Previamente ás súas deliberacións, foron recibidos polo delegado da Xunta e director da Casa de Galicia, José Ramón Ónega, quen lles desexo un frutífero traballo.

Santalices subliña na Delegación da Xunta en Madrid/Casa de Galicia o "papel insubstituíble de los parlamentos" na sociedade actual

O presidente de Asomega, Julio Ancochea, o presidente de PSN, Miguel Carrero, o presidente do Parlamento de Galicia, Miguel Ángel Santalices e o delegado da Xunta/director da Casa de Galicia,José Ramón Ónega.

O presidente do Parlamento de Galicia, Miguel Ángel Santalices Vieira, destacou esta tarde na Delegación da Xunta de Galicia/Casa de Galicia en Madrid o "papel insubstituíble dos Parlamentos" na sociedade actual, a pesar dos avances rexistrados coas novas ferramentas de comunicación. Fíxoo na conferencia "Parlamento de Galicia, Medicamento e Sociedade", que pronunciou dentro do ciclo "Medicamento e Humanidades", organizado pola Asociación de Médicos Galegos en Madrid (Asomega) e Previsión Sanitaria Nacional (PSN). Interviñeron no acto, ademais do relator, o presidente de Asomega, doutor Julio Ancoechea, o presidente de Prevención Sanitaria Nacional (PSN), Miguel Carrero, e o delegado da Xunta e director da Casa de Galicia, José Ramón Ónega. Entre os asistentes achábanse os deputados Pilar Rojo e Miguel Ángel Viso e numerosos directivos das entidades organizadoras.

A Delegación da Xunta de Galicia en Madrid/Casa de Galicia acolle a presentación do libro "Cervantes e o Quixote. A invención do humorismo", do humorista gráfico Siro López

O director da Real Academia Española, Darío Villanueva Prieto; o humorista gráfico, Siro López; o delegado da Xunta en Madrid/director da Casa de Galicia, José Ramón Ónega; e o coordinador científico do Centro Ramón Piñeiro, Manuel González.

A Delegación da Xunta de Galicia/Casa de Galicia en Madrid acolleu esta tarde a presentación do libro "Cervantes e o Quixote. A invención do humorismo", un ensaio do caricaturista e humorista gráfico Siro López, o primeiro que analiza a creación do humorismo nesta obra fundamental da novela moderna. Está escrito en galego e foi publicado na colección Cadernos de Ramón Piñeiro, promovida pola Secretaría Xeral de Política Lingüística da Xunta de Galicia a través do Centro Ramón Piñeiro para a Investigación en Humanidades, editor do volume. Interviñeron na presentación, ademais do autor, o director da Real Academia Española, Darío Villanueva Prieto, o coordinador científico do Centro Ramón Piñeiro, Manuel González González, e o delegado da Xunta de Galicia e director da Casa, José Ramón Ónega López.

A Xunta Directiva da Sociedade Científica Española de Psicología Social prepara o seu próximo congreso na Delegación da Xunta de Galicia en Madrid/Casa de Galicia

O delegado da Xunta/director da Casa de Galicia, José Ramón Ónega, no centro, con membros da Xunta Directiva da Sociedade Española de Psicoloxía Social.

A Xunta Directiva da Sociedade Científica Española de Psicoloxía Social, que preside o catedrático da Universidade de Santiago de Compostela José Manuel Sabucedo, celebrou hoxe a súa reunión anual nas instalacións da Delegación da Xunta de Galicia en Madrid/Casa de Galicia, onde foron recibidos polo delegado da Xunta e director da Casa, José Ramón Ónega, como xa sucedese en anos anteriores. O encontro tratou, entre outras cuestións, a preparación do seu próximo congreso.

Os viños de Valdeorras, da anada de 2016, conquistan Madrid na Casa de Galicia

Javier Maté, Francisco García Álvarez, a directora xeral Belén do Campo, o delegado da Xunta/director da Casa de Galicia, José Ramón Ónega, Avelino García e Miguel Ángel Viso.

Un total de 53 referencias de brancos e tintos de Valdeorras, pertencentes a 21 adegas, a metade das que conforman a Denominación de Orixe (D.O.), puideron degustarse esta tarde na Delegación da Xunta/Casa de Galicia en Madrid no acto de presentación da anada 2016 da comarca, no que participaron representantes dos ámbitos institucional, político, empresarial e social da capital de España, así como diversos distribuidores e restauradores de prestixio.

Aegama organiza na Casa de Galicia en Madrid a xornada empresarial "Venda sen freos"

Pablo Carcelén, o locutor Elías Rodríguez e José Cerdeira.

A Asociación de Empresarios Gallegos en Madrid (Aegama), que preside Julio Lage, celebrou hoxe na Delegación da Xunta de Galicia en Madrid/Casa de Galicia a xornada empresarial "Vendas sen freos", que estivo a cargo de Pablo Carcelén, director de Expansión da escola de negocios Level Up, Máster en Márketing, Finanzas e Recursos Humanos e experto asesor empresarial. Unha iniciativa que tiña por obxecto ofrecer aos empresarios recursos para mellorar os seus resultados.

A Casa de Galicia en Madrid acolle a presentación do libro "Mazurca para Camilo José Cela"

Pousado de Paco López-Barxas, o delegado da Xunta/director da Casa de Galicia, José Ramón Ónega, Xosé A. Perozo, Darío Villanueva, o secretario xeral de Cultura, Anxo Lorenzo, e César Antonio Molina.

A Delegación da Xunta de Galicia/Casa de Galicia en Madrid acolleu esta tarde a presentación do libro ‘Mazurca para Camilo José Cela', un volume coordinado por Paco López-Barxas e publicado por Auga Editora coa colaboración da Xunta de Galicia -a través da Consellería de Cultura- que reúne 16 traballos sobre a figura e a obra do escritor padronés nos que se recupera a memoria do que foi un dos artífices das mellores páxinas da literatura española de todos os tempos. Conta cun prólogo de Darío Villanueva e textos de César Antonio Molina, Xosé A. Perozo, Mariano Tudela e García Sabell, entre outros.
 

Mostrando o intervalo 111 - 120 de 758 resultados.