Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

Actualidade

Mostrando o intervalo 151 - 160 de 725 resultados.

O Pergamiño Vindel, que contén íntegra a obra de Martin Codax é o único testemuño de cantigas de amigo con notación musical

1. De esquerda a dereita, Mariña Arbor, o delegado da Xunta en Madrid e director da Casa de Galicia José Ramón Ónega, o embaixador de Serbia Danko Prokic e o editor Manuel Moleiro.

"A importancia do Pergamiño Vindel radica non só no feito de que contén a obra íntegra do xograr galego Martin Codax, senón en que é o único testemuño conservado de cantigas de amigo con notación musical", dixo Manuel Moleiro na conferencia, organizada pola súa editorial baixo o título "O Pergamiño Vindel: un enigma desvelado", que pronunciou na delegación da Xunta en Madrid/Casa de Galicia a profesora da Universidade de Santiago de Compostela Mariña Arbor Aldea, coincidindo coa exposicición que pode verse na Casa ata o 28 deste mes: "Tesouros bibliográficos (S.X-XVI): a arte e o xenio ao servizo do poder", que inclúe un clon do Pergamiño, a obra máis importante da lírica galego-portuguesa (Cantigas de amigo de Martin Codax).

"Ángeles" exposición de gravados do artista serbio Veljko Mihajlovic, na Casa no mes de outubro

1. De esquerda a dereita Ana Milutinovic, o embaixador Danko Prokic, o autor Veljko Mihajlovic. o ex ministro César Antonio Molina e o delegado da Xunta en Madrid José Ramón Ónega.

A Delegación da Xunta de Galicia en Madrid/Casa de Galicia acolleu esta tarde a inauguración da mostra "Ángeles" do artista serbio Veljko Mihajlovic, un acto que contou coa intervención do delegado da Xunta en Madrid e director da Casa, José Ramón Ónega; do embaixador de Serbia en España, Danko Prokic; do ex ministro de Cultura e actual director da Casa do Lector de Madrid, César Antonio Molina; da responsable cultural da Embaixada de Serbia Ana Milutinovic, e do propio autor. A exposición, que poderá verse na Casa ata o 28 de outubro, está programada con ocasión do Centenario do establecemento das relacións diplomáticas entre España e Serbia.

A Casa de Galicia acolle a presentación en Madrid do clon do Pergamiño Vindel realizado por M. Moleiro

Manuel Moleiro, Mariña Arbor e o delegado da Xunta, José Ramón Ónega.

A Delegación da Xunta de Galicia en Madrid/Casa de Galicia acolle un relevante evento cultural: a presentación en Madrid do clon do Pergamiño Vindel, o testemuño máis valioso da lírica trovadoresca galego-portuguesa, que contén as Cantigas de amigo de Martin Codax, realizado pola prestixiosa firma editorial M. Moleiro. Poderá admirarse desde hoxe e ata o próximo día 28 nas instalacións da Casa xunto a unha exquisita selección de máis dunha vintena de obras mestras da arte da iluminación, clonadas por Moleiro, que compoñen a mostra "Tesouros bibliográficos (s.X-XVI): a arte e o xenio ao servizo do poder".

Presentado o libro "El Camino de Santiago. Vía de peregrinos. Camino de fe y esperanza", do pontevedrés Juan Caamaño Aramburu

Pousado A: A presentación do libro "El Camino de Santiago. Vía de peregrinos. Camino de fe y esperanza", de Juan Caamaño Aramburu, publicado por CEU Ediciones, reuniu na Delegación da Xunta en Madrid-Casa de Galicia, entre outros, a, de izda. a dcha.: Teresa Lacave, a directora de CEU Ediciones, Ana Rodríguez de Agüero, o presidente da Asociación de Amigos dos Camiños de Santiago de Madrid, José Antonio Ortiz, o viceconsiliario nacional da Asociación Católica de Propagandistas e capelán das asociacións galegas en Madrid, Andrés Ramos, o autor do libro, Juan Caamaño Aramburu, o delegado da Xunta en Madrid e director da Casa de Galicia, José Ramón Ónega, a concelleira presidenta do madrileño distrito de Tetuán, Paloma García Romero, o avogado José Esteban Verdes, o primeiro director da Casa de Galicia, Francisco Díaz Rey, e o secretario xeral da Asociación Católica de Propagandistas e director do Colexio Maior Universitario San Pablo, Antonio Rendón-Luna de Dueñas.

O Camiño de Santiago foi novamente protagonista na Delegación da Xunta de Galicia en Madrid-Casa de Galicia coa presentación do libro "El Camino de Santiago. Vía de peregrinos. Camino de fe y esperanza", do pontevedrés, de Marín, capitán de navío da Armada e licenciado en Ciencias Relixiosas pola Universidade Pontificia de Comiñas Juan Caamaño Aramburu, publicado por CEU Ediciones. Participaron nela, ademais do autor, o delegado da Xunta de Galicia en Madrid e director da Casa, José Ramón Ónega López, o presidente da Asociación de Amigos dos Camiños de Santiago de Madrid, José Antonio Ortiz, o viceconsiliario nacional da Asociación Católica de Propagandistas, Andrés Ramos Castro, a directora de CEU Ediciones, Ana Rodríguez de Agüero y Delgado, e o presidente do Consello de Estado, José Manuel Romay Beccaría, que pechou o acto.

A Casa acolleu hoxe a presentación de "El estornudo de la mariposa" de José de Cora, a que asistiron máis dun centenar de persoas

1. De esquerda a dereita Romero Fontao, Conde de Fontao; o director xral. do Grupo El Progreso, José de Cora; o pte. do Consello de Estado, José Manuel Romay; o delegado da Xunta en Madrid, José Ramón Ónega e o editor e pte. de Edhasa, Daniel Fernández.

A novela do xornalista e escritor lucense José de Cora, "El estornudo de la mariposa. Los Garbo contra Hitler" presentouse hoxe na Delegación da Xunta en Madrid/Casa de Galicia e no acto, ao que asistiron máis dun centenar de persoas,  interviñeron, ademais do autor, o delegado da Xunta en Madrid e director da Casa, José Ramón Ónega; o editor e presidente de Edhasa, Daniel Fernández, e o avogado e profesor universitario, José Manuel Romero Fontao, conde de Fontao.

A Fundación Barrié inicia hoxe na Casa de Galicia en Madrid a edición nacional do Programa Formativo Más Social

1. O delegado da Xunta en Madrid, José Ramón Ónega (terceiro pola dereita) con Mª Isabel Pérez (cuarta) e algúns dos representantes das Federacións.

A Casa de Galicia/Delegación da Xunta en Madrid acolle a edición nacional do Programa Formativo Máis Social Fundación Barrié dirixido a confederacións nacionais do Terceiro Sector, con temas de estratexia e liderado orientado a resultados, comunicación e márketing, captación de fondos, xestión de proxectos e xestión de persoas... Na xornada inaugural, o delegado da Xunta en Madrid e director da Casa, José Ramón Ónega, deu a benvida á directora de Acción Social da Fundación, María Isabel Pérez e valorou moi positivamente este tipo de accións. "Desde a Casa sempre apoiaremos todas as iniciativas que supoñan progreso e proxección para Galicia e neste campo, a Fundación Barrié é un referente indiscutible", dixo. "Por tanto, vai ter sempre as portas abertas desta Institución".

A Casa acolleu a presentación da novela "El códice de Clara Rosenberg" da xornalista Magdalena del Amo

1. De esquerda a dereita o escritor Enrique Gallud Jardiel,o delegado da Xunta en Madrid José R. Ónega, o pte. do Consello do Estado José Manuel Romay, o presidente do Parlamento de Galicia Miguel Santalices, o escritor Salvador Freixedo e Magdalena del Amo, a autora co seu libro.

A Delegación da Xunta en Madrid/Casa de Galicia acolleu esta tarde a presentación do libro "El  códice de Clara Rosenberg", de Magdalena del Amo, publicado por La Regla de Oro. No acto, presidido por José Manuel Romay, presidente do Consello de Estado, interviñeñeron o delegado da Xunta en Madrid e director da Casa de Galicia, José Ramón Ónega; os escritores Enrique Gallud Jardiel e Salvador Freixedo; o presidente do Parlamento de Galicia Miguel Santalices; e a propia autora, Magdalena del Amo.

 

A Asociación Cultural As Ortigas presentou o proxecto "Estrugas", de aproveitamento e divulgación das propiedades das ortigas

O delegado da Xunta, José Ramón Ónega, e parte do público seguen algunhas explicacións dos promotores do acto sobre os seus produtos.

A Asociación Cultural As Ortigas, con sede no municipio ourensán de Celanova, presentou hoxe na Delegación da Xunta de Galicia en Madrid-Casa de Galicia o proxecto "Estrugas. Unha opción máis para a economía galega", dirixido á recuperación, divulgación e aproveitamento gastronómico, homeopático, cosmético e fitosanitario das propiedades da planta, en especial da súa variedade "Urtica dioica". A presentación foi realizada por membros da directiva da Asociación e polo delegado da Xunta de Galicia en Madrid e director da Casa de Galicia, José Ramón Ónega López. No acto, a Asociación deu a coñecer catro libros que teñen como protagonistas esta planta e produtos e elaboracións culinarias cuxo ingrediente principal é a ortiga, tales como cervexa, licor e ortigas enlatadas, entre outros, que foron degustados polos asistentes ao finalizar o acto.

A actriz pontevedresa Mercedes Castro e o guitarrista David González ofreceron o espectáculo "Contando con Roald Dahl"

David González, Mercedes Castro, o delegado da Xunta en Madrid, José Ramón Ónega, e Ramón Jiménez.

Con motivo do centenario do nacemento do escritor británico Roald Dahl, o dúo composto pola actriz pontevedresa Mercedes Castro e o guitarrista David González ofreceu hoxe na Delegación da Xunta de Galicia en Madrid-Casa de Galicia o espectáculo de música e voz "Contando con Roald Dahl", no que se lembrou a figura e obra do escritor. Dous das súas narracións, "Desexo" e "Cordeiro asado" chegaron ata o público a través da voz de Castro e a guitarra de González e potenciadas polas imaxes creadas para a ocasión polo videoartista Eduardo Yagüe, a música tamén composta para este proxecto polo músico Jorge M. González, o labor documentalista de Ana Martín Puigpelat e a de produción de Ustapiti.

A Casa acolleu a presentación do libro "Cartas de buena amistad. Epistolario de Emilia Pardo Bazán a Blanca de los Ríos (1893-1919)", de Ana Mª Freire e Dolores Thion-Soriano

1. De esquerda a dereitaa, Dolores Thion, o pte. do Consello de Estado, José M. Romay, el delegado de la Xunta en Madrid José Ramón Ónega, Ana Mª Freire y José Manuel G. Herrán.

 A Delegación da Xunta en Madrid/Casa de Galicia acolleu esta tarde a presentación do libro "Cartas de buena amistad. Epistolario de Emilia Pardo Bazán a Blanca de los Ríos (1893-1919)", de Ana Mª Freire López e Dolores Thion-Soriano Mollá, publicado por Iberoamericana Editorial Vervuert. No acto, que estivo presidido por José Manuel Romay Beccaría, presidente do Consello de Estado, interviñeron o delegado da Xunta en Madrid e director da Casa de Galicia, José Ramón Ónega López; o catedrático da Universidade de Santiago de Compostela, José Manuel González Herrán e as autoras, a catedrática de Literatura Española da Universidade Nacional de Educación a Distancia (Madrid), Ana Mª Freire López; e a catedrática de Literatura Española da Université de Pau, Dolores Thion-Soriano Mollá.

Mostrando o intervalo 151 - 160 de 725 resultados.