Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

Actualidade

Mostrando o intervalo 171 - 180 de 708 resultados.

Manuel María: "Poeta sinfónico"

1. De esquerda a dereita, o conferenciante, José Antonio Cascudo, o presidente do Consello do Estado José Manuel Romay e o coordinador de Actividades da Casa, Ramón Jiménez.

"Poeta sinfónico", foi a cualificación coa que o conferenciante e escritor José Antonio Cascudo definiu a Manuel María, por, "a variedade das súas propostas literarias", dixo no relatorio "Manuel María: poesía, paisaxe e tradición", que pronunciou na Delegación da Xunta en Madrid/Casa de Galicia con motivo do Día das Letras Galegas. Ademais profundou no proceso de creación do poeta, guiado ao seu xuízo, por "unha perspectiva ecolóxica, unha filosofía do traballo análoga á dos labradores chairegos, que aproveitaban ao máximo os recursos que a súa contorna máis inmediata lles proporcionaba".

Iurisgama entrega a súa Insignia de Oro ao decano do Colexio de Avogados da Coruña, Augusto José Pérez-Cepeda

Lema Devesa saúda ao homenaxeado tras entregarlle o diploma que acompaña á Insignia de Ouro de Iurisgama. (M. Seixas)

A Asociación de Xuristas Galegos en Madrid (Iurisgama), que preside o avogado e catedrático de Dereito Mercantil Carlos Lema Devesa, entregou hoxe a súa Insignia de Ouro ao decano do Colexio de Avogados da Coruña, Augusto José Pérez-Cepeda Vila, en recoñecemento "á súa destacada defensa da Avogacía en Galicia e en España, así como o seu decidido apoio aos fins e actividades" da Asociación. Fíxoo nun acto celebrado na Delegación da Xunta de Galicia en Madrid-Casa de Galicia, que contou coa participación do presidente do Consello de Estado, José Manuel Romay Beccaría, do director xeral de Relacións coa Administración de Xustiza do Goberno de España, Ricardo Conde Díez, do presidente do Iurisgama, do delegado da Xunta de Galicia en Madrid, José Ramón Ónega López, anfitrión do acto, e do propio homenaxeado, que estiveron acompañados na mesa por o director xeral de Xustiza da Xunta de Galicia, Juan José Martín Álvarez.

As afinidades entre a cultura irlandesa e a galaico-portuguesa desde a época celta, obxecto de debate na Casa de Galicia

O Consello de Amigos da Cultura Celta cos novos membros e o delegado da Xunta, J. R. Ónega.

O colectivo Amigos da Cultura Celta, da Asociación Cultural da Enxebre Orde da Vieira, difundiu hoxe o pouso común que a cultura celta ha deixado nas culturas irlandesa e galaico-portuguesa mediante a organización da mesa redonda "Afinidades entre a cultura irlandesa e a galaico-portuguesa desde a época celta", que tivo lugar na Delegación da Xunta de Galicia en Madrid-Casa de Galicia, dentro da celebración do VIII Encontro de Amigos da Cultura Celta. Á exposición seguiu a cerimonia de entrega de atributos a novos membros do colectivo e unha mostra de música celta, con instrumentos atribuídos a esa época, a cargo do grupo Lume de Biqueira.

A Casa acolleu a presentación de "Xantar Contigo", unha oferta de dieta atlántica equilibrada e nutritiva

1. El delegado da Xunta José Ramón Ónega e o dr. xral de Airas Catering, Xabier Freire no acto de presentación, con parte dos produtos, a esquerda.

A Casa de Galicia, sede da Delegación da Xunta en Madrid acolleu esta tarde a presentación de Xantar contigo da empresa compostelá "AIRAS CATERING", un programa gastronómico, nutritivo e equilibrado, da dieta Atlántica, elaborado con produtos galegos de máxima calidade, pensado e deseñado para persoas que non dispoñen de tempo para cociñar ou non se atopan en disposición de poder facelo. Conta con menús formados por máis de 250 pratos que se adaptan a calquera tipo de necesidade alimentaria e nutricional específica.

Presentado na Casa "La venganza del difunto", o último libro do escritor e xornalista Carlos Reigosa

1. De esquerda a dereita Ángel Basanta, Carlos Reigosa, José Manuel Romay, o delegado da Xunta José Ramón Ónega, Alfonso Palomares e Domingo Villar.

A Casa de Galicia, sede da Delegación da Xunta en Madrid, acolleu esta tarde a presentación DE "La venganza del difunto", última obra do xornalista e escritor lucense Carlos D. Reigosa, na que, "con fondo histórico, sucede durante a II Guerra Mundial en Vigo e en 2016 en España e Arxentina".

Toño Vila expón na Casa de Galicia en Madrid a mostra fotográfica "Faros de Galicia"

Vila entre dous das súas fotografías.

O fotógrafo coruñés Toño Vila (Boiro, 1972) expón na Delegación da Xunta de Galicia en Madrid-Casa de Galicia a mostra fotográfica "Faros de Galicia", na que 49 faros relevantes de Galicia e a súa contorna paisaxística protagonizan outras tantas imaxes. Pode contemplarse ata o próximo día 29.

La Casa acolleu esta mañá a "World Wine Experience. Un percorrido polos viñedos do mundo", con ponencias e viños nacionais e internacionais con ampla presencia de etiquetas galegas

1. De esquerda a dereita Eliseo González dr. xral. de swws.eu; Ted Lelekas, vicepresidente da Federación Internacional de Periodistas do Viño; Isabel Mijares, enóloga e vicepresidenta da Federación Internacional de Periodistas do Viño; o delegado da Xunta en Madrid e director da Casa, José Ramón Ónega; Brigitte Leloup, presidenta da Asociación de Sumilleres de Europa; Rose-Michelle Bensadon, cronista e blogger; Alain Leloup, Bernard Burtschy crítico de viños en Le Figaro; Rafael del Rey, director del Observatorio Español de Mercados deoViño, xerente da Fundación para a Cultura do Viño e Carlos Mateu director do portal web especializado en enoturismo e catas ‘catadelvino.com'.

A Delegación da Xunta en Madrid/Casa de Galicia acolleu esta mañá a xornada "World Wine Experience. Un percorrido polos viñedos do mundo", con varios relatorios sobre o pasado, presente e futuro do viño no mundo, cultura, comercialización e regulación, a cargo de expertos de referencia nacional e internacional, con posterior cata de viños de diferentes países incluíndo unha destacada presenza de viños galegos.

A Casa de Galicia acolle a exposición fotográfica "Unha mirada", sobre os primeiros traballos de Gonzalo Hernández-Vallejo

O delegado da Xunta, José Ramón Ónega, intervén flanqueado polos doutores Hernández-Vallejo e Pérez Vázquez e os profesores Sánchez-Soto e Zarza.

A Delegación da Xunta de Galicia en Madrid-Casa de Galicia acolle desde hoxe e ata o próximo día 29 a exposición fotográfica "Unha mirada", sobre os primeiros traballos do cinematógrafo e fotógrafo Gonzalo Hernández-Vallejo, imaxes que o autor define como "interrelacionadas mediante a xeometría e a cor".

Presentado na Casa o estudo "Turismo Termal en España" no que destaca Galicia como primeira potencia

1. De esquerda a derita, Mario Crecente, o delegado da Xunta José Ramón Ónega, Manuel Baltar, Fernando Bayón e Javier Guillén FOTO ALBERTO PAZ.

A Delegación da Xunta en Madrid/Casa de Galicia acolleu esta mañá a presentación do estudo "Turismo Termal en España" na que interviñeron o delegado da Xunta en Madrid e director da Casa, José Ramón Ónega; o autor da publicación "Turismo Termal en España", Mario Crecente; o director xeral da Volta a España 2016, Javier Guillén; o director xeral da Escola de Organización Industrial (EOI), Fernando Bayón; e o presidente da Deputación de Ourense, Manuel Baltar. O acto contou coa asistencia de máis dun centenar de persoas, especialmente de medios de comunicación e profesionais do sector turístico.

A Casa de Galicia acolle a reunión do Comité Directivo da Acción Europea "Cost Water_2020"

O delegado da Xunta, José Ramón Ónega, e o catedrático da USC Juan M. Lema ante os membros do Comité.

A Delegación da Xunta de Galicia en Madrid-Casa de Galicia acolleu hoxe a reunión do Comité de Dirección da Acción Europea "Cost Water_2020", unha rede de tratamento de auga. O Comité, órgano executivo da Acción, está composto por nove membros dirixidos polo coordinador da iniciativa, o catedrático da Universidade de Santiago de Compostela (USC) Juan M. Lema Rodicio, aos que deu a benvida ás instalacións da Casa o delegado da Xunta de Galicia en Madrid e director da mesma, José Ramón Ónega López.

Mostrando o intervalo 171 - 180 de 708 resultados.