Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

Actualidade

Mostrando o intervalo 11 - 20 de 758 resultados.

A FREMSS presenta na Delegación da Xunta/Casa de Galicia o Manifesto para a Flexibilización da Obrigación de Desembarque das Capturas realizadas pola frota da Unión Europea

Os directivos de FREMSS xunto ao delegado da Xunta, José Ramón Ónega, o deputado Joaquín García Díez e o coordinador de Actividades da Casa, Ramón Jiménez.

A Fundación Rendemento Económico Mínimo Sostible e Social (FREMSS) presentou hoxe na Delegación da Xunta en Madrid/Casa de Galicia o Manifesto para a Flexibilización da Obrigación de Desembarque das Capturas realizadas pola frota da Unión Europea, que se fai eco do malestar e inquietude que nos pescadores españois, e fundamentalmente de Galicia, como primeira potencia pesqueira de España, causa a entrada en vigor a partir do 1 de xaneiro do 2019 da obrigación de desembarque de todas as capturas que realice a frota pesqueira europea en augas comunitarias.

Case un centenar de persoas acudiron á presentación do libro "Hablo de la insistencia de los ojos" de Pepa Nieto na Delegación da Xunta en Madrid

1. Na mesa, de esquerda a dereita Ilia Galán director de Ars Poética, Ramón Jiménez coordinador de actos da Casa, a poeta e artista Pepa Nieto e o escritor e poeta Miguel Losada.

Preto dun centenar de persoas acudiron a Delegación da Xunta en Madrid/Casa de Galicia esta tarde a presentación de "Hablo de la insistencia de los ojos", última publicación da poeta e artista coruñesa Pepa Nieto, editada por Ars Poética, e que inclúe unha selección de poemas recollidos en libros anteriores, xunto con cinco inéditos.

A Delegación da Xunta en Madrid/Casa de Galicia celebra o Día das Letras Galegas coa proxección do documental "Reivindicando a María Victoria Moreno"

O público seguiu con atención as explicacións que ofreceron o delegado da Xunta, José Ramón Ónega, e Melodi Parga.

A Delegación da Xunta en Madrid/Casa de Galicia celebrou hoxe o Día das Letras Galegas coa proxección do documental "Reivindicando a María Victoria Moreno", escritora a quen lle está dedicada a conmemoración este ano. O documental foi producido por Millo Filmes e TVG e antes da súa proxección foi presentado polo delegado da Xunta en Madrid, José Ramón Ónega, e pola licenciada en Historia da arte Melodi Parga Otero, membro do equipo da produtora, quen tamén respondeu a preguntas que se lle expuxeron por parte do público no coloquio posterior. Acompañou á proxección do documental unha exposición de dez paneis informativos sobre a vida e obra de María Victoria Moreno elaborados pola Xunta de Galicia.

A Delegación da Xunta en Madrid/Casa de Galicia acolle a presentación do número 11 da revista iberorrománica Serta, de poesía e pensamento poético

Julio Neira, María Dolores Martos, o delegado da Xunta, José Ramón Ónega, Antonio Domínguez, Josep Ysern e Marina Sanfilippo, antes de comezar o acto.

A Delegación da Xunta de Galicia en Madrid/Casa de Galicia acolleu esta tarde a presentación do número 11 da Revista Iberorrománica Serta, de poesía e pensamento poético, dirixida polo catedrático emérito de Lingüística Xeral Antonio Domínguez Rey, coruñés, poeta e ensaísta, e editada, con formato de libro, pola Universidade de Educación a Distancia desde a súa Facultade de Filoloxía e coa colaboración dos departamentos de Lingua Española e Lingüística Xeral, Literatura Española e Teoría da Literatura, Filoloxía Clásica, Filoloxía Francesa, Filoloxías Estranxeiras e as súas Lingüísticas.

Asomega renova seis cargos da súa Xunta Directiva, que segue presidindo Julio Ancochea, e concede a súa Insignia de Ouro 2018 ao presidente do Parlamento de Galicia, Miguel Ángel Santalices

Pousado dos membros de Asomega que asistiron á asemblea.

A Asemblea Anual Ordinaria que a Asociación de Médicos Galegos (Asomega), radicada en Madrid, celebrou na Delegación da Xunta en Madrid/Casa de Galicia renovou seis cargos da súa Xunta Directiva, que segue presidindo o doutor Julio Ancochea, e, entre outras cousas, acordou conceder a Insignia de Ouro 2018 da entidade ao presidente do Parlamento de Galicia, Miguel Ángel Santalices.

Soledad Fernández expón na Delegación da Xunta la mostra "Homenaxe a Van der Weyden", protagonizada por un gran lenzo que traslada á nosa época "O Descendemento" do pintor flamenco

A catedrática María Esther Coladas, o delegado da Xunta, José Ramón Ónega, a pintora Soledad Fernández e a directora do Grupo pro Arte y Cultura, Mayte Spínola, ante a obra protagonista da exposición.

A recoñecida pintora Soledad Fernández inaugurou hoxe na Delegación da Xunta en Madrid/Casa de Galicia a exposición de pintura "Homenaxe a Van der Weyden", na que a artista mostra na Sala A da Casa un gran lenzo que dá nome á exposición (Homenaxe,óleo/tea tipo Goya, 195 x 225 cm) no que traslada á nosa época, con temática social, a obra "O descendemento da cruz", do pintor flamenco Rogier van der Weyden, acompañado de ao redor dunha vintena de bosquexos. A exposición esténdese á Sala B con algunhas das últimas obras da pintora. Poderá verse ata o próximo 31 de maio.

A Delegación da Xunta/Casa de Galicia acolle unha homenaxe a José Antonio Ortiz Baeza, no seu nomeamento como presidente de honra da Asociación de Amigos de los Caminos de Santiago de Madrid

O presidente da Asociación de Amigos de los Caminos de Santiago de Madrid, Jorge Martínez-Cava, impón o pin de prata da entidade ao seu presidente de honra, José Antonio Ortiz.

A Delegación da Xunta de Galicia en Madrid/Casa de Galicia acolleu esta tarde unha homenaxe a José Antonio Ortiz Baeza con ocasión do seu nomeamento como Presidente de Honra da Asociación de Amigos de los Caminos de Santiago de Madrid, que el dirixiu durante os últimos 17 anos. O recoñecemento que se lle rendía foi promovido por esta entidade e pola Federación Española de Asociaciones de los Caminos de Santiago.

"Entrañable, emocionante, auténtico..." palabras na Casa de Galicia esta noite tras o pase privado da curtametraxe "Vida" e o documental "Máis ca vida" de Rubén Riós

1. Pilar Falcón, o delegado da Xunta en Madrid José Ramón Ónega e o director Rubén Riós, minutos antes da proxección de VIDA e MÁIS CA VIDA.

Máis de medio centenar de persoas entre membros do Club de Xornalistas Galegos en Madrid e invitados persoais do actor e director galego Rubén Riós tiveron a oportunidade de asistir hoxe na Delegación da Xunta en Madrid/Casa de Galicia ao pase privado da curtametraxe "Vida" e o documental "Máis ca vida", protagonizados por persoas con discapacidade e actores como Javier Gutiérrez, Cristina Castaño, Luís Iglesia, Mariana Carballal... entre outros. "Entrañable, emocionante, auténtico, marabilloso..." fueron algunas de las palabras que surgieron después del visionado.

A Casa de Galicia en Madrid acolleu hoxe a presentación de "Oficio de Lecturas. Escritos de Periodismo Cultural" do profesor da UCM Francisco R. Pastoriza, "Un libro de libros"

1. De esquerda a dereita, o exfutbolista Paco Buyo, o coordinador de Actividades da Casa Ramón Jiménez, o profesor e autor do libro Francisco Rodríguez Pastoriza e o tamén profesor da UCM Ramón Cobo.

 

Madrid, 23 de abril de 2018.- "Un libro de libros". Así definiu o autor, o xornalista e profesor pontevedrés de Bueu, Francisco Rodríguez Pastoriza a súa nova obra Oficio de Lecturas. Escritos de Periodismo Cultural que se presentou esta tarde na Casa de Galicia, sede da Delegación da Xunta en Madrid, coincidindo coa celebración do Día Internacional do Libro. A obra publicada por Terra Ignota Edicións está dirixida a un público con inquietudes culturais e interesado pola historia deste ámbito.

"En el corazón de la lluvia", última novela de Milagros Frías, presentada hoxe na Delegación da Xunta en Madrid pola xornalista e escritora Marta Robles

1. Presentación da novela de Milagros Frías. De esquerda a dereita, o delegado da Xunta José Ramón Ónega, a autora Milagros Frías, a xornalista e escritora Marta Robles, e o editor Miguel Ángel Matellanes.

Unha soleada tarde madrileña en contraste co ambiente no que se desenvolve a novela, arroupou hoxe a presentación de "En el corazón de la lluvia", a última creación da escritora e xornalista Milagros Frías, acto que correu a cargo da tamén xornalista e escritora, Marta Robles. A obra, gañadora da última edición do Premio Logroño de Narrativa e editada por Algaida, desenvólvese en Limia de Lemos, un lugar imaxinario da costa galega onde chega a protagonista en busca da felicidade que non atopou nas urbes nas que viviu ata ese momento. En Limia sucede "a arrebatadora historia con insospeitados xiros, personaxes inesquecibles e situacións tan familiares como sorprendentes".

Mostrando o intervalo 11 - 20 de 758 resultados.