Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

Actualidade

Mostrando o intervalo 71 - 80 de 708 resultados.

"Moita maxia... e humor galego" na Casa de Galicia en Madrid a cargo de Luís Boyano

1. De esquerda a dereita, Rocío de Elías, axudante de Boyano; o ilusionista Luís Boyano e o coordinador de Actividades da Casa, Ramón Jiménez.

"Pódese vivir sen diñeiro; máis difícil é vivir sen saúde; pero é imposible vivir sen ilusión", expón Luís Boyano como filosofía vital. O ilusionista pontevedrés ofreceu esta tarde, na Delegación da Xunta en Madrid/Casa de Galicia, o espectáculo "Moita maxia... e humor galego", cos novos xogos que presentou recentemente no programa de TVE, "Desafía a túa mente", do que na actualidade xa está a rodar a segunda tempada, que  tamén se emitirá na canle National Geografic.

O equipo do proxecto europeo "EMPATTICS", liderado pola ACIS, reuniuse na Casa de Galicia para avanzar nos seus traballos

O delegado da Xunta, José Ramón Ónega, saudando aos membros do equipo do Proxecto EMPATTICS.

O equipo do proxecto europeo EMPATTICS (Empowering Patients for the Better Information and Improvement of the Communication Systems), liderado pola ACIS (Axencia de Coñecemento en Saúde, do Servizo Galego de Saúde) e que conta coa participación de oito entidades de cinco países europeos, mantivo hoxe unha reunión nas instalacións da Delegación da Xunta de Galicia en Madrid/Casa de Galicia para avanzar nos seus traballos. Foi recibido polo delegado da Xunta e director da Casa, José Ramón Ónega, que lle deu a benvida e deséxolle sorte nos seus labores.

A Casa de Galicia acolleu esta tarde a firma do Convenio de Colaboración Financeira de AEGAMA e o Banco Santander

1. De esquerda a dereita, Óscar de la Sota, Julio Lage, Daniel Bezanilla e José María Morillo.

A Delegación da Xunta en Madrid/Casa de Galicia acolleu esta tarde a firma do Convenio de Colaboración Financeira entre a Asociación de Empresarios Galegos en Madrid, AEGAMA e o Banco Santander. O presidente de Aegama, Julio Lage e o director de Negocios e Pemes do Banco Santander en Madrid, Daniel Bezanilla, asinaron o acordo que inclúe produtos e servizos preferentes para os asociados, o que entre outros aspectos, vai contribuír a fomentar a exportación e importación das súas empresas nos países nos que a entidade ten oficinas,  especialmente en América Latina e zonas de USA de fala hispana.

Luis Paadín presenta na Casa de Galicia a quinta edición da "Guía de vinos, destilados y bodegas de Galicia", unha das dez mellores guías de viños do mundo

Javier Gila, Francisco del Castillo e Luis Paadín.

O catador e docente coruñés Luis Paadín presentou hoxe na Delegación da Xunta de Galicia en Madrid/Casa de Galicia, por quinto ano consecutivo, a "Guía de Viños, Destilados e Adegas de Galicia", neste caso a edición correspondente a 2017, que este ano incorpora ademais o prestixio de ser seleccionada recentemente polos Gourmand World Wine-Book Awards como unha das dez mellores guías de viño do mundo, distinción á que aspiraban ao redor de 10.000 obras de 205 países. Como en edicións anteriores, a presentación da Guía estivo acompañada polo "Túnel dos viños e destilados de Galicia", actividade de promoción e divulgación das mellores marcas de viños e destilados de Galicia, 156 nesta edición, organizada coa colaboración das asociacións de Sumilleres de Madrid e Española de Escritores y Periodistas del Vino, que convocou a douscentos profesionais da sumillería, o xornalismo especializado, importadores, exportadores e adegueiros.

Luis e Alejandro Paadín presentan na Casa de Galicia a exposición de fotografías "Viaxe polos lagares rupestres de Galicia. As pedras que facían viño"

Luis Paadín explica o funcionamento dos lagares ante un dos paneis.

O catador e presidente da Asociación Galega de Sumillres Gallaecia, Luis Paadín, e o seu fillo Alejandro Paadín, tamén catador, presentaron esta tarde na Delegación da Xunta de Galicia en Madrid/Casa de Galicia a exposición de fotografías "Viaxe polos lagares rupestres de Galicia. A pedras que facían viño", que estará aberta ao público ata o próximo día 23, e o libro do mesmo título do que son coautores pai e fillo e que contén, entre outras, as imaxes expostas, seleccionadas de entre os máis de setenta lagares rupestres catalogados. O acto ten vinculación co que se celebrará mañá na Casa, no que cobrará especial protagonismo un recoñecemento internacional ao labor dos seus protagonistas que pon a Galicia nos primeiros postos mundiais da vitivinicultura a través da "Guía de Viños, Destilados y Bodegas de Galicia".

A Casa de Galicia en Madrid acolle durante o mes de abril a exposición de pintura de Dolores Guerrero

1. A artista lucense Dolores Guerrero cunha das súas obras como fondo.

A Delegación da Xunta en Madrid/Casa de Galicia acolle ata o 28 de abril a exposición de pintura "Alboradas", da artista, filóloga e poeta lucense, Dolores Guerrero, cuxa inauguración se realizou hoxe e correu a cargo da presidenta da Asociación Española de Pintores e Escultores, Rosa Martínez de Lahidalga. Na mostra Guerrero ofrece na súa obra a súa persoal interpretación do mundo, sempre en clave poética, suxestiva e intimista, realizada cunha técnica impecable, de coidada e esmerada factura. Os seus lenzos están cheos de gradacións tonais, e especialmente de matices líricos de brancos, violetas, verdes e ocres.

Juan Luís Beceiro pronunciou na Casa de Galicia en Madrid a conferencia "A lenda negra do xenocidio americano"

1. De esquerda a dereita, o historiador e escritor Juan Luís Beceiro e o coordinador de Actividades Ramón Jiménez.

A Casa de Galicia, Delegación da Xunta en Madrid acolleu esta tarde a conferencia "A lenda negra do xenocidio americano" que ofreceu o historiador e escritor ferrolán Juan Luís Beceiro García, autor de numerosas obras, especialmente sobre a colonización hispanoamericana, nas que do mesmo xeito que no relatorio de hoxe mantén a tese de que "a conquista do continente americano por parte da Coroa Española non supuxo ningún xenocidio, xa que foi un labor civilizador e non colonizador".

Presentado na Casa de Galicia o libro "Restaurante Verruga: historias y recetas", que rememora o vivido no local lucense

José María Carrascal, Miluca Real, Ana Rodríguez e Luis Latorre, antes da presentación.

Hai pouco máis dun ano, tras case 65 anos de servizo, que o Restaurante Verruga de Lugo pechou as súas portas por xubilación dos seus propietarios e hoxe presentouse na Delegación da Xunta de Galicia en Madrid/Casa de Galicia o libro "Restaurante Verruga: historias y recetas" que rememora o vivido no popular local lucense, polo que pasaron presidentes de goberno, como Adolfo Suárez, e artistas de renome, como o actor Charlton Heston. Unha obra de recordos que contén o receitario do Verruga e foi escrita por Miluca Real Vázquez e Luis Latorre Real, que tamén a editou, e prologada polo xornalista José María Carrascal. Unha parte dos beneficios que xeren as súas vendas destinaranse á Asociación de Pais ou Titores de Persoas con Discapacidade Intelectual de Lugo (ASPNAIS).

Presentado na Casa de Galicia en Madrid o libro "Claves Líricas" de Valle-Inclán, edición facsímile do orixinal de 1930

1. De esquerda a dereita, Luís Perezagua, Vicente Araguas coa edición de 1930 e a actual, Ramón Jiménez, Silvio Martínez e Basilio R. Cañada.

A Casa de Galicia, sede da Delegación da Xunta en Madrid acolleu esta tarde a presentación do libro Claves Líricas de Valle-Inclán, unha edición facsímile da realizada polo propio autor en 1930 dos tres únicos libros de poemas que xa publicara, aínda que revisados e coidadosamente seleccionados e editados. Sial-Pigmalión publica agora aquela obra, 77 anos despois de ser confeccionada polo propio Valle-Inclán, autor de "Luces de Bohemia", pai do esperpento, e o dramaturgo galego máis internacional.

O guitarrista Samuel Diz ofreceu na Casa de Galicia un concerto homenaxe a Germán Lago, fundador da Orquesta Ibérica de Madrid

Samuel Diz interpretando unha das obras.

O guitarrista internacional, director artístico e investigador Samuel Diz, natural de Tui (Pontevedra), ofreceu hoxe na Delegación da Xunta de Galicia en Madrid/Casa de Galicia o recital de guitarra "Homenaxe a Germán Lago, fundador e director da Orquesta Ibérica de Madrid, nos 50 anos do seu falecemento". Con el, Diz quixo achegar ao público madrileño a figura deste músico vigués, a través de explicacións e coa interpretación actualizada das partituras que protagonizaron os programas e gravacións da Orquesta Ibérica de Madrid.

Mostrando o intervalo 71 - 80 de 708 resultados.