Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

Actualidade

Mostrando o intervalo 1 - 10 de 708 resultados.

As enfermidades infecciosas na historia do Camiño de Santiago, obxeto dunha conferencia na Delegación da Xunta en Madrid/Casa de Galicia

Os directivos de Asomega Julio Ancochea (presidente) e Inmaculada Ramos (vicepresidenta), o presidente do Consello de Estado, José Manuel Romay Beccaría, o delegado da Xunta en Madrid, José Ramón Ónega, e o catedrático de Microbiología José María Eiros.

Tres enfermidades infecciosas destacaron na traxectoria secular do Camiño de Santiago, a lepra, a peste e a chamada "lume de San Antón", e a gran pandemia ao longo da súa cronoloxía foi a peste que tivo lugar a finais do século XV e principios do XVI, unha enfermidade que na actualidade está vixente nalgúns países, como Madagascar. Así se expuxo esta tarde na Delegación da Xunta en Madrid/Casa de Galicia na conferencia "As enfermidades infecciosas no Camiño de Santiago", ofrecida polo doutor mindoniense José María Eiros Bouza, catedrático de Microbiología da Universidade de Valladolid e xefe do Servizo de Microbiología e Parasitología do Hospital Universitario Río Hortega de Valladolid.

O pintor canadense afincado en Pontevedra Howard Ross presenta a súa obra na Delegación da Xunta en Madrid/Casa de Galicia

Howard Ross ante uno de sus cuadros.

O pintor canadense afincado en Pontevedra Howard Ross presenta a súa obra na Delegación da Xunta en Madrid/Casa de Galicia na exposición titulada "Nova terra, nova inspiración", que poderá verse ata o día 30 deste mes. Na inauguración da mostra, que tivo lugar esta tarde, presentou ao artista e a súa obra o coordinador de Actividades Culturais da Casa, Ramón Jiménez, quen o fixo en representación do delegado da Xunta e director da Casa de Galicia, José Ramón Ónega López.

Sial Pigmalión presenta na Delegación da Xunta en Madrid/Casa de Galicia a obra "Costa da Morte: territorio literario"

Os autores Cespón, Vilela e Araguas, o coordinador de Actividades Culturais da Casa, Ramón Jiménez, e o editor Basilio Rodríguez Cañada.

O Grupo Editorial Sial Pigmalión presentou hoxe na Delegación da Xunta en Madrid/Casa de Galicia a obra "Costa da Morte: territorio literario" que, coordinada e revisada pola escritora Branca Vilela, e escrita en galego e castelán, recolle poemas, relatos, fotografías e ilustracións de 42 autores galegos, inspirados nesta zona de Galicia. Na presentación participaron o editor, Basilio Rodríguez Cañada, a escritora fisterrá e coordinadora da antoloxía Branca Vilela, os escritores antologados Vicente Araguas, Xoanxo Cespón e José Manuel Otero Lastres, que non puido asistir no último momento pero envío a súa intervención, e o coordinador de Actividades Culturais da Casa, Ramón Jiménez, que o fixo en representación do delegado da Xunta e director da Casa de Galicia, José Ramón Ónega.

A novela "El émulo de Reginald Perrin" de Marcelino Fernández Mallo presentouse esta tarde na Casa de Galicia

1. De esquerda a dereita, François Pérez Ayrault, o autor Marcelino F. Mallo, Ramón Jiménez, Carmen Mejía e José M. Montalbán.

A Delegación da Xunta en Madrid/Casa de Galicia acolleu esta tarde a presentación da novela "El émulo de Reginald Perrin", de Marcelino Fernández Mallo, publicada pola Editorial Dauro, segunda obra en castelán do escritor e economista coruñés, (publicou tres en galego), narrada a modo de diario, na que relata o ascenso e caída de Camilo, un home no poder e que tanto pola súa situación como pola súa contorna parecía invulnerable.

A Delegación da Xunta en Madrid acolleu esta mañá a presentación do Salnés como destino Turístico e Gastronómico

1. O delegado da Xunta en Madrid José Ramón Ónega e o presidente da Mancomunidade do Salnés Gonzalo Durán Hermida (ambos no centro), cos intervenientes no acto de presentación

A Delegación da Xunta en Madrid/Casa de Galicia acolleu esta mañá a presentación da "Comarca do Salnés como destino turístico e gastronómico" e na que se mostraron os seus principais atractivos como "Cambados, Cidade Europea do Viño 2017" ou a "Ruta do Pai Sarmiento", que conduce a Santiago bordeando a costa.

O poeta coruñés Salvador Mira presenta na Delegación da Xunta en Madrid/Casa de Galicia a súa primeira novela, "Después del silencio", publicada por Editorial Manuscritos

O escritor Salvador Mira, o coordinador da Casa Ramón Jiménez e a filóloga Susa Diez de la Cortina pousan coa novela antes de comezar a presentación.

O poeta coruñés, de Pontedeume, Salvador Mira,tras unha década na poesía, fai a súa primeira incursión no xénero narrativo coa novela "Después del silencio", publicada por Editorial Manuscritos e presentada esta tarde na Delegación da Xunta en Madrid/Casa de Galicia nun acto no que interviñeron, ademais do autor, a filóloga, poeta, autora de libros de gramática de español para estranxeiros e directora académica de AulaDiez, Susana Diez de la Cortina, e o coordinador de Actos Culturais da Casa, Ramón Jiménez, quen o fixo en representación do delegado da Xunta e director da Casa de Galicia, José Ramón Ónega.

A Xunta Directiva de Asomega reuniuse na Casa de Galicia

De esquerda a dereita, Aniceto Luís Charro, presidente de honra; Raquel Alcalde, xerente; Inmaculada Ramos, vicepresidenta; Julio Ancochea, presidente; María Eugenia Blanco Cachafeiro, vocal; Xulia Buxán Varela, vicepresidenta; José Antonio Gegúndez, vocal; Julián García Feijóo, vicesecretario; e Adolfo de la Fuente, secretario.

A Sala L da Delegación da Xunta en Madrid/Casa de Galicia acolleu esta tarde a reunión da Xunta Directiva da Asociación de Médicos Galegos en Madrid, (ASOMEGA), na que trataron os temas máis relevantes que figuraban na súa orde do día. En principio, este será o último encontro da JD para este ano 2017.

A Delegación da Xunta en Madrid acolleu hoxe as "II Xornadas de Outono: Cultura do viño e literatura" coa conferencia multimedia, "Carlos Casares, Otero Pedrayo e o viño do Ribeiro"

1. Ramón Jiménez, Cristina Alcalá e Xavier Castro coas botellas de Ribeiro editadas especialmente para as xornadas literarias.

Literatura e enoloxía déronse hoxe a man na Delegación da Xunta en Madrid/Casa de Galicia nas "II XORNADAS DE OUTONO: CULTURA DO VIÑO E LITERATURA", coordinadas polo historiador e profesor Xavier Castro e nas que se ofreceu un espectáculo multimedia que incluíu documentais, vídeos musicais, a conferencia "Carlos Casares, Otero Pedrayo e o viño do Ribeiro", e a presentación dunha edición especial do viño da D.O. Ribeiro etiquetado ex profeso para esta conmemoración literarioenolóxica da que se sortearon seis botellas entre o máis de medio centenar de persoas que acudiron á institución galega.

José Ramón Ónega, distinguido co "Castiñeiro de FAGAMA"

1. O delegado da Xunta en Madrid José Ramón Ónega co presidente e o secretario de FAGAMA, Ovidio Cadenas e Fernando Gómez, despois de recibir o premio.

O delegado da Xunta en Madrid e director da Casa de Galicia José Ramón Ónega recibiu este fin de semana o "Castiñeiro de FAGAMA", (Federación de Asociacións Galegas en Madrid), pola "inestimable e valiosa axuda que sempre nos outorga e a súa xenerosa dispoñibilidade e colaboración coas colectividades galegas".

A "Guía Ilustrada das Igrexas de Santiago de Compostela" con textos de Marta González e ilustracións de Joaquín González Dorao presentouse esta tarde na Casa de Galicia en Madrid

1. A presidenta do Congreso Ana Pastor e o delegado da Xunta en Madrid José Ramón Ónega coa autora e deputada Marta González, (entre ambos), con parte dos amigos que acudiron á Casa de Galicia ao acto de presentación da GUÍA DAS IGREXAS DE SANTIAGO DE COMPOSTELA, moitos deles deputados e compañeiros do Congreso.

A edición en galego da "Guía Ilustrada das Igrexas de Santiago de Compostela" con textos da historiadora Marta González e acuarelas de Joaquín González Dorao, publicada por El Patito Editorial, presentouse esta tarde na Delegación da Xunta en Madrid/Casa de Galicia. Ao acto asistiu a presidenta do Congreso, Ana Pastor, así como numerosos deputados compañeiros da autora, entre eles aos galegos Pilar Rojo e Jaime de Olano.

Mostrando o intervalo 1 - 10 de 708 resultados.