Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

<< maio, 2017 >>
luns martes mércores xoves venres sábado domingo
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31

Hoxe

Exposición de pintura de VICTORIA GÁNDARA

"Bodegón vermello", acrílico/carbón/colaxe. 56 x 41 cm.

A pintora toma os pinceis para proxectar a súa forza ou a súa tenrura, a súa capacidade de captación, a súa decisión de reflectir as súas procuras sobre o lenzo. O xesto contido pero resolto, a pincelada sutil pero vigorosa, a harmónica maneira de entender a cor fálanos tamén da súa sensibilidade. 

Mostra de pintura figurativa con tendencia á abstracción, onde a realidade serve de pretexto para innovar e crear, xogando coa cor e as texturas. A obra está realizada con técnica mixta onde predomina o "colaxe", que poderá ser contemplada ata o 31 de maio en horario de 10 a 14 e de 16 a 20 horas. Festivos: de 10 a 14 horas.

Presentación da novela "EL FUEGO DEL FLAMBOYÁN", de Viruca Yebra, editada por Almuzara

Portada da novela.

"El fuego del flamboyán" evoca maxistralmente, a través dunha fascinante saga familiar, o contraste entre as vidas da Galicia profunda e a súa próspera emigración á sensual Cuba da primeira metade do século XX.

A xornalista de Sarria, que debuta como narradora, estará acompañada neste acto de presentación polo xornalista e escritor Alfonso S. Palomares e pola escritora Almudena de Arteaga.

Próximos eventos

Presentación do libro "CHINA: De la Homologación a la Armonía Económica Mundial", de Christian Careaga Guzmán, doutor en Ciencias Económicas e Empresariais

25/05/2017 19:30
Portada do libro

O libro, prologado por Eugenio Bregolat, será presentado polo catedrático de Estrutura Económica e membro da Real Academia de Ciencias Morais e Políticas, Ramón Tamames Gómez.

Partindo dunha ampla experiencia no mundo do comercio e da finanzas internacionais, tanto no sector público, incluído o Banco Europeo de Investimentos, como o privado, Christian Careaga fai unha viaxe ao centro do sistema político, económico e social de China, en pleno proceso de evolución cara á súa plena integración e homologación comercial e financeira internacional.

Presentación do libro "Claves para vestir bien sin arruinarnos en el intento", de Begoña Peñamaría Marcos, publicado por Hércules de Ediciones

31/05/2017 19:30
Portada do libro

A deseñadora galega Begoña Peñamaría publica un libro coas claves para aprender a vestirse de forma adecuada en cada momento e sacar máis partido á roupa que temos.

Acompañará á autora na presentación do libro, a xornalista da cadena COPE Rosa Rosado e a editora Laura Rodríguez Herrera.

 

Eventos recentes

Proxección do documental, con posterior coloquio, "CONTANDO A CARLOS CASARES", con guión, dirección, produción e montaxe de Gonzalo E. Veloso

23/05/2017 19:30
Fotograma do documental

"Contando a Carlos Casares" é un documental que ten unha duración de 60 minutos, no que participan familiares e amigos, así como especialistas sobre o autor homenaxeado, cos cales se percorre as facetas máis interesantes da súa vida para poder coñecer ao home, así como poder atopar as chaves coas que enfrontarse á súa obra literaria.

Este acto forma parte do conxunto de eventos que se programaron en homenaxe a Carlos Casares, con motivo do Día das Letras Galegas.

Concerto "A CANTIGA LÍRICA GALEGA", pola soprano María Rodríguez, acompañada polo pianista Juan Durán

17/05/2017 19:30

O acto celébrase con gallo do "DÍA DAS LETRAS GALEGAS", dedicado este ano a CARLOS CASARES.

No programa deste concerto escoitaranse soadas cantigas galegas baseadas en textos da altura de Rosalía de Castro ou Manuel Curros Enríquez, e unha pequena mostra de dous compositores galegos actuais, xunto a outras cancións galegas escritas por insignes compositores españois que se sentiron inspirados pola poética galega como é o caso de Federico Mompou, Manuel Moreno Buendía ou Antón García Abril.

CICLO "TEMAS XURÍDICOS DE ACTUALIDADE"

09/05/2017 20:00
Gonzalo Rodríguez Mourullo, Catedrático de Dereito Penal e Avogado

Conferencia "Perversións actuais do proceso penal", polo Prof. Dr. D. Gonzalo Rodríguez Mourullo, Catedrátivo de Dereito Penal e Avogado

Este ciclo, cuxa coordinación corre a cargo do Prof. Dr. D. Carlos Lema Devesa, presidente da Asociación de Juristas Gallegos en Madrid (IURISGAMA), está composto por unha serie de conferencias que serán impartidas por ilustres xuristas galegos. Disertarán sobre temas diversos de Dereito Penal, Administrativo e Mercantil, e estará dirixido tanto a especialistas na materia como ao público en xeral.

 

Inauguración da exposición de pintura de VICTORIA GÁNDARA

04/05/2017 19:30
"Bodegón vermello", acrílico/carbón/colaxe. 56 x 41 cm.

A pintora toma os pinceis para proxectar a súa forza ou a súa tenrura, a súa capacidade de captación, a súa decisión de reflectir as súas procuras sobre o lenzo. O xesto contido pero resolto, a pincelada sutil pero vigorosa, a harmónica maneira de entender a cor fálanos tamén da súa sensibilidade. 

Mostra de pintura figurativa con tendencia á abstracción, onde a realidade serve de pretexto para innovar e crear, xogando coa cor e as texturas. A obra está realizada con técnica mixta onde predomina o "colaxe", que poderá ser contemplada ata o 31 de maio en horario de 10 a 14 e de 16 a 20 horas. Festivos: de 10 a 14 horas.

Exposición de pintura de VICTORIA GÁNDARA

04/05/2017 10:04
"Bodegón vermello", acrílico/carbón/colaxe. 56 x 41 cm.

A pintora toma os pinceis para proxectar a súa forza ou a súa tenrura, a súa capacidade de captación, a súa decisión de reflectir as súas procuras sobre o lenzo. O xesto contido pero resolto, a pincelada sutil pero vigorosa, a harmónica maneira de entender a cor fálanos tamén da súa sensibilidade. 

Mostra de pintura figurativa con tendencia á abstracción, onde a realidade serve de pretexto para innovar e crear, xogando coa cor e as texturas. A obra está realizada con técnica mixta onde predomina o "colaxe", que poderá ser contemplada ata o 31 de maio en horario de 10 a 14 e de 16 a 20 horas. Festivos: de 10 a 14 horas.

Conferencia "Parlamento de Galicia, Medicina e Sociedade", polo Exmo. Sr. D. Miguel Santalices Vieira, presidente do Parlamento de Galicia

27/04/2017 19:30

Esta conferencia forma parte do Ciclo "MEDICINA E HUMANIDADES", organizado pola Asociación de Médicos Gallegos (ASOMEGA) xunto coa Previsión Sanitaria Nacional (PSN).

Dirixe e coordina o Ciclo o Dr. D. Julio Ancochea Bermúdez, presidente da Asociación de Médicos Gallegos en Madrid (ASOMEGA).

Presentación do libro "Cervantes e O Quixote. A invención do humorismo", de SIRO LÓPEZ LORENZO, publicado pola Xunta de Galicia a través do Centro Ramón Piñeiro para a Investigación en Humanidades

26/04/2017 19:30
Portada do libro.

O acto contará coa participación do autor e do director da Real Academia Española, Darío Villanueva Prieto.

O volume XXXVI da colección Cadernos Ramón Piñeiro é un ensaio no que o humorista gráfico e caricaturista ferrolán, Siro, analiza a aparición do humorismo na literatura universal coa obra "O Quixote", de Cervantes. Este libro constitúe a máis destacada e rigorosa investigación sobre o humorismo cervantino, e proporciona valiosas análises á mantenta doutras figuras do humanismo galego e universal.

Presentación do libro "Mazurca para Camilo José Cela", en edición de Paco López-Barxas e José Antonio Perozo, con prólogo de Darío Villanueva, publicado por Auga Editora en coedición coa Xunta de Galicia

19/04/2017 19:00
Na elaboración do libro contouse coa colaboración do presidente da Real Academia Española, Darío Villanueva, autor do prólogo da obra; Paco López-Barxas, promotor da iniciativa; e Xosé A. Perozo, autor dun dos textos do volume e responsable de Auga Editora.

Con motivo do centenario do nacemento de Camilo José Cela, a Casa de Galicia en Madrid acolle a presentación do libro homenaxe Mazurca para Camilo José Cela, que reúne 16 traballos sobre a obra e a figura do escritor padrones, nos que se recupera a memoria do que foi un dos artífices das mellores páxinas da literatura española de todos os tempos.

A presentación contará coa intervención do secretario xeral de Cultura, Anxo M. Lorenzo Suárez; o director da Real Academia Española, Darío Villanueva; o director de Casa del Lector, César Antonio Molina; e de Paco López-Barxas e Xosé A. Perozo, responsables da edición.

Espectáculo teatral "MOITA MAXIA… E HUMOR GALEGO", polo ilusionista pontevedrés Luis Boyano

18/04/2017 19:30
O ilusionista pontevedrés Luis Boyano.

O mago galego ofrecerá unha actuación dirixida a un público de todas as idades que, nesta ocasión, estará especialmente centrada na parte teatral, con moita comedia, maxia visual e mimo.

Inauguración da exposición de fotografía "Viaxe polos lagares rupestres de Galicia. As pedras que facían viño", de SERVINO CONSULTING

05/04/2017 19:30
Portada do libro que se presentará durante o acto de inauguración da exposición de fotografía.

No transcurso do acto presentarase o libro do mesmo título, de Luis & Alejandro Paadín, no que se reproducen as fotografías expostas. A mostra poderá visitarse ata o 23 de abril, en horario de 10 a 14 e de 16 a 20 horas. Festivos: de 10 a 14 horas.