Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

<< xuño, 2017 >>
luns martes mércores xoves venres sábado domingo
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30

Hoxe

Exposición de pintura "SÓ SON HUMANO, DESPOIS DE TODO", de Marinela Fontoira

"Amor, fágase a túa vontade". Acrílico sobre lenzo. 65 x 54 cm.

Artista plástica especializada en abstracción figurativa, paisaxismo abstracto e retratos, presenta a súa obra pictórica cun estilo propio marcado por unha gran riqueza cromática, expresividade e movemento, e ofrece ao espectador unha visión evocadora dun mundo cheo de fantasía, case narrativo e, ás veces, fantástico.

Os seus cadros poderán visitarse ata o 30 de xuño, en horario de 10 a 14 e de 16 a 20 horas. Festivos: de 10 a 14 horas.

Exposición de pintura "MIRANDO AO MAR", de Teresa Irisarri

"Merlín e familia". Acrílico sobre lenzo. 81 x 100 cm. 2016

A pintura de Teresa Irisarri ten sen dúbida alma galega. Inspírase en mitos primitivos, pero tamén nos antigos contos infantís, eses contos que souberon transmitir os nosos medos e desexos durante xeracións.

Os seus cadros son de amplo formato e cores vivas. Grandes xanelas onde flotan embaixadores dos mitos, hipocampos ou sereas, seres imaxinarios que nos lembran poéticas moi antigas da nosa terra, poderán contemplarse ata o 30 de xuño, en horario de 10 a 14 e de 16 a 20 horas. Festivos: de 10 a 14 horas.

Rolda de prensa-presentación dos actos programados do ARDE LVCVS MMXVII

Cartel do ARDE LVCVS 2017

Os días 30 de xuño, 1 e 2 de xullo  o visitante poderá mergullarse na vida de Lvcvs Augusti, destacada urbe e unha das capitais administrativas da Gallaecia romana e percorrer o seu recinto amurallado, onde gozará dun pasado máis vivo que nunca.

Intervirá no acto a concelleira de Turismo, Xuventude e Promoción da Lingua, Carmen Basadre.

Próximos eventos

Presentación do cadro "PITA DA VEIGA EN PAVÍA", de Augusto Ferrer-Dalmau, con posterior entrega ao Rexemento Pavía

29/06/2017 19:30
O cadro "PITA DA VEIGA EN PAVÍA", de Augusto Ferrer-Dalmau

Ferrer-Dalmau dedica este lenzo ao heroe Alonso Pita da Veiga, ferrolán que ás ordes do Conde de Andrade terá un papel primordial na Batalla de Pavía (1525), ao ser o captador do Rey de Francia Francisco I e rescatar a Cruz de San Andrés.

No acto intervirán, ademais do artista, Francisco Javier Varela Salas, Xefe do Estado Maior do Exército de Terra; Joaquín Pita da Veiga, almirante da Armada Española; e María Fidalgo Casares, doutora en Historia da Arte e especialista en Ferrer-Dalmau.

Inauguración da exposición de pintura "HORIZONTES DE MAR E MEMORIA", de MARISA REDONDO

04/07/2017 20:00
"ESBOZO DUNHA REALIDADE" - Mixta/Lenzo. 80 x 80 cm.

Trátase dunha mostra inspirada en motivos mariños e relacionados coa natureza, que poderá visitarse ata o 28 de xullo, en horario de 10 a 14 e de 16 a 20 horas. Festivos: de 10 a 14 horas.

Participará no acto de inauguración Miguel Santalices, presidente do Parlamento de Galicia.

 

Eventos recentes

Presentación de "AMORIS PEREGRINUS" torta e degustación de produtos gastronómicos de excelencia galega OUSÁ

27/06/2017 12:30
Tapa da caixa orixinal e única de presentación, asinada por María Carretero, onde aparece o símbolo da obra do Peregrino

Trátase dun novo concepto gastronómico de excelencia, que se presenta inicialmente como torta e produto de alta pastelería, elaborado polos mellores artesáns lucenses como é Panadería e Pastelería OUSÁ. 

No acto intervirán: María Carretero, artista internacional; Ángel Lameiro, empresario e produtor de OUSÁ; Antonio Celeiro, coordinador de OUSÁ; ademais tamén participarán os seguintes invitados: Javier Gila, sumiller, wine adviser, presidente da Asociación Madrileña de Sumilleres; e Pepa Carretero, xornalista e delegada de Castela-A Mancha Televisión en Madrid.

Conferencia de Carlos Mella Villar, presidente da Fundación Castelao: "CASTELAO: EXISTENCIA E PRESENZA POLÍTICA"

26/06/2017 19:30
Alfonso Rodríguez Castelao (Rianxo, 1886 - Bos Aires, 1950)

Debuxante, humorista gráfico, teórico da arte, escritor e político, Castelao é o referente indiscutible da cultura galega do século XX. O seu labor foi decisivo na conformación da arte, da narrativa e do rexurdir de Galicia mediante a acción política nacionalista.

Desde o exilio defendeu o Estatuto de Autonomía para Galicia e os dereitos do noso pobo mediante o Consello de Galiza. Nese labor intelectual destaca o seu ensaio político Sempre en Galiza.

CICLO "MEDICINA E HUMANIDADES". Conferencia "O modelo sanitario galego", por Jesús Vázquez Almuiña, conselleiro de Sanidade da Xunta de Galicia

22/06/2017 19:30

Esta conferencia forma parte do Ciclo "MEDICINA E HUMANIDADES", organizado pola Asociación de Médicos Gallegos (ASOMEGA) xunto coa Previsión Sanitaria Nacional (PSN).

Dirixe e coordina o Ciclo o Dr. D. Julio Ancochea Bermúdez, presidente da Asociación de Médicos Gallegos en Madrid (ASOMEGA).

Recital de guitarra e voz "CANTARES", polo cantautor orensán Emilio Rúa

21/06/2017 19:30
Contraportada do disco

Emilio Rúa, cantautor galego con máis de trinta anos de traxectoria musical, interpretará temas procedentes de "Cantares, poesía galega", o seu último traballo discográfico, que acaba de gañar o premio a Mellor álbum en galego nos Premios Min da Música Independiente.

O recital é unha homenaxe á poesía clásica, poemas de ilustres das letras galegas como Álvaro Cunqueiro, Curros Enríquez ou Rosalía de Castro, pero que tamén recolle poemas de autores de hoxe, como Manuel Rivas. 

Conferencia "HISTORIA DA GAITA E GAITAS DO MUNDO", por Fernando Molpeceres Álvarez, mestre gaiteiro pola Real Banda da Deputación de Ourense

19/06/2017 19:30

O acto celébrase en colaboración coa Asociación de Música e Investigación Albedro e a súa Banda de Gaitas "Lume de Biqueira".

Mesa Redonda. "A crise medioambiental no horizonte 2020", organizada por AEGAMA

15/06/2017 19:30

Intervirán: José Cerdeira Taboada, enxeñeiro de Camiños, Canles e Portos; Casimiro Masaguer Rodríguez, vicepresidente de AEGAMA; e Rafael Sánchez Rivera, enxeñeiro consultor en Eficiencia Enerxética.

O acto celébrase con motivo do Día Mundial do Medio Ambiente.

Presentación do libro "Rectores y Privilegiados. Crónica de una Universidad", de JOSÉ CARLOS BERMEJO BARRERA, editado por AKAL

14/06/2017 19:30
Portada do libro

Acompañará ao autor, Jesús Espino, subdirector de Edición do Grupo Editorial AKAL.

 

Conferencia "O CONDE DE GONDOMAR NO SEU IV CENTENARIO", por Fernando Bartolomé Benito, catedrático de Lingua Española e Literatura e escritor

13/06/2017 19:30
Diego Sarmiento de Acuña, I conde de Gondomar e señor das Villas e Casa de Gondomar.

O escritor e historiador, gran coñecedor da figura deste nobre, conmemora con esta charla os 400 anos do seu nomeamento como primeiro Conde de Gondomar por Felipe III e o 450 aniversario do seu nacemento.

Diego Sarmiento (Gondomar, 1 de novembro de 1567-Haro, 2 de outubro de 1626) exerceu como embaixador de España en Inglaterra entre 1613 e 1622, grazas ao cal chegou a trabar gran amizade con Jacobo I, sobre o que tivo gran ascendencia. Contribuíu notablemente no mantemento da paz entre España e Inglaterra.

Presentación da novela "ORILLAS DE ÉBANO. EL SWING DEL DESTINO", de Aida Soilán Enríquez, publicada pola editorial La Plana

08/06/2017 19:30
Portada da novela

A xornalista lucense, Aida Soilán, presenta o seu primeiro libro co que viaxa a Nova Orleans tras o paso do furacán "Katrina". A protagonista, Morgana, é unha xornalista da cidade estadounidense que busca enfrontarse á súa propia historia. Por mor da súa viaxe, a novela adéntrase no mundo da escravitude e do esoterismo.

Acompañarán á autora no acto de presentación: Nieves Herrero, xornalista, escritora, profesora e avogada; e David Álvarez Rivas, profesor da Facultade de Ciencias da Información da Universidade Complutense de Madrid.

Inauguración da exposición de pintura "MIRANDO AO MAR", de Teresa Irisarri

06/06/2017 19:30
"Merlín e familia". Acrílico sobre lenzo. 81 x 100 cm. 2016

A pintura de Teresa Irisarri ten sen dúbida alma galega. Inspírase en mitos primitivos, pero tamén nos antigos contos infantís, eses contos que souberon transmitir os nosos medos e desexos durante xeracións.

Os seus cadros son de amplo formato e cores vivas. Grandes xanelas onde flotan embaixadores dos mitos, hipocampos ou sereas, seres imaxinarios que nos lembran poéticas moi antigas da nosa terra, poderán contemplarse ata o 30 de xuño, en horario de 10 a 14 e de 16 a 20 horas. Festivos: de 10 a 14 horas.