Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

Presentación do libro "RESTAURANTE VERRUGA: HISTORIAS Y RECETAS", editado por Ediciones Desdelugo

Data 23/03/2017 19:30

No acto participarán os autores do libro, Miluca Real Vázquez e Luis Latorre Real, así como o xornalista e prologuista da obra José María Carrascal.

Este libro recolle algunhas das vivencias e historias atesouradas en seis décadas e media pola familia dos fundadores, así como o receitario que fixo as delicias de artistas, presidentes de goberno, actores de cinema, intelectuais e, sobre todo, de tres xeracións de clientes que viviron a evolución dun local que pasou de tasca a restaurante sen traizoar uns principios baseados na tradición, a familia e o bo facer.

Tras case 65 anos de servizo o 31 de decembro de 2015 o Restaurante Verruga situado en Lugo, pechou as súas portas debido á xubilación dos seus propietarios. Un sinxelo local de quince mesas, que sempre se negou a crecer, conseguiu facerse un oco no prestixioso panorama gastronómico galego e mesmo era un nome coñecido a nivel nacional e internacional.

Os seus fundadores foron Emilia Vázquez Cadahía e Cándido Real Arias, cuxa saga continuaron Miluca Real e o seu marido Luis Latorre. Aínda que terminou Maxisterio e exerceu como mestra durante un breve período, Miluca desenvolveu o seu longo labor profesional entre os fogóns, cunha pericia na cociña herdada da súa nai Emilia e a súa avoa Felisa. Luis abandonou a súa carreira de árbitro de baloncesto para implicarse no negocio familiar, dándolle un impulso decisivo ao restaurante.

Luis Latorre Real, fillo de Miluca e Luis, é un dos autores deste libro que supón o inicio dunha actividade editorial que confía continuar, tendo sempre como obxectivo a publicación de temas de Lugo. Esta obra dedicouna como homenaxe a Emilia e Cándido, e en recordo, non só de dúas xeracións entregadas á hostalería, senón dunha forma propia e tradicional de entender a cociña.

 

 

 

 



Compárteo:

Facebook Twitter

Imaxes

A través deste libro o lector comprobará que o éxito do Verruga baseábase na infalible calidade dos produtos empregados e en receitas sinxelas, de cociña tradicional, sen artificios.