Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

Exposición de pintura "SÓ SON HUMANO, DESPOIS DE TODO", de Marinela Fontoira

Do 05/06/2017 ó 30/06/2017

Artista plástica especializada en abstracción figurativa, paisaxismo abstracto e retratos, presenta a súa obra pictórica cun estilo propio marcado por unha gran riqueza cromática, expresividade e movemento, e ofrece ao espectador unha visión evocadora dun mundo cheo de fantasía, case narrativo e, ás veces, fantástico.

Os seus cadros poderán visitarse ata o 30 de xuño, en horario de 10 a 14 e de 16 a 20 horas. Festivos: de 10 a 14 horas.

Marinela Fontoira naceu en Pontevedra en 1968, onde pasou a súa infancia e mocidade. Licenciouse en Ciencias Económicas e Empresariais na Universidade Complutense de Madrid, unha carreira que lle obrigou a ter os pés na terra, pero ela, aferrada á arte desde ben nena, nunca deixou de cultivar, na medida do posible, a escritura, a música, a danza e a pintura; sendo esta última a que ocupa a maior parte do seu labor creativo.

Os seus cadros son unha mestura de abstracción e figura: cos fondos, voa e soña, e coas persoas que pinta, trata de transmitir pequenas narracións e sentimentos que han de ser interpretados por cada espectador, segundo o que a súa cabeza ou corazón lles diga.

A súa inspiración son as forzas da natureza: o mar, o vento, as nubes e ceos imposibles, o lume, a neve, así como as persoas, as súas experiencias vitais e as emocións con que as sente e vive.



Compárteo:

Facebook Twitter

Imaxes

"Amor, fágase a túa vontade". Acrílico sobre lenzo. 65 x 54 cm.

"De que falas?". Acrílico sobre lenzo, 92 x 65 cm.

"Rescátame". Acrílico sobre lenzo, 120 x 100 cm.

A artista Marinela Fontoira, xunto a unha das súas creacións.