¿Podémosche axudar?
Saúdo do director

A miña cordial e afectuosa benvida ao noso sitio na rede a todos os galegos e aos que, sen selo, aman a nosa cultura, as nosas tradicións, a nosa paisaxe e a nosa hospitalidade. Aquí teñen a súa casa. Ler máis

Exposicións

Exposición de pintura "Retallos de melancolía", de ÁNGELES MERA

Ata o 29/09/2016

A pintora viguesa visita por segunda vez as instalacións da Casa de Galicia en Madrid para dar a coñecer unha colección de óleos onde predomina a paisaxe; pintura sinxela, intimista cun punto de melancolía próxima á realidade e, ao mesmo tempo, cun chisco de indefinición, de evanescencia que poderá contemplarse ata o 29 de setembro de 10 a 14 e de 16 a 20 horas. Festivos: de 10 a 14 horas.

Axenda

setembro 2016

Hoxe

Non hai eventos.

Próximos eventos

Presentación da novela "El estornudo de la mariposa. Los Garbo contra Hitler", de José de Cora, editada por Edhasa

26/09/2016 19:30
Portada da novela

Cunha pluma fina e un gran sentido do humor, o lucense José de Cora relátanos nesta novala a historia descoñecida do espía español Joan Pujol e a súa muller Araceli, coñecidos como os Garbo, que lograron enganar ao réxime nazi e axudar ao éxito da victoria aliada.

Acompañarán a José de Cora na presentación da novela, José Manuel Romero, Conde de  Fontao e Daniel Fernández, editor e presidente de Edhasa

Presentación do libro "El Camino de Santiago. Vía de peregrinos. Camino de fe y esperanza", de JUAN CAAMAÑO ARAMBURU, publicado por CEU Ediciones

28/09/2016 19:30
Portada do libro

Nas páxinas deste libro, o lector poderá atopar ao homo viator na súa relación coa contorna actual e o que nos ofrece a historia dun Camiño que comezou no século IX.

A propia historia, a cultura, a arte, a relixiosidade e as lendas, conviven en harmonía coa hospitalidade das xentes do Camiño, cos peregrinos de onte e de hoxe, as súas aventuras e inquietudes, sen esquecer os sufrimentos e alegrías, todo iso necesario para chegar a Compostela.

 

Rolda de prensa/presentación da exposición "TESOUROS BIBLIOGRÁFICOS (s. X-XVI): A ARTE E O XENIO AO SERVIZO DO PODER", de M. Moleiro

04/10/2016 11:00
O BREVIARIO DE ISABEL LA CATÓLICA (The British Library, Londres) está considerado como o breviario máis fastuoso xamais creado para un monarca europeo.

Esta exposición reúne unha selección de obras mestras do Patrimonio bibliográfico español e europeo, pintadas entre os séculos X e XVI para emperadores, reis e Papas polos artistas máis importantes da época. Os orixinais destes tesouros consérvanse nas bibliotecas e museos máis importantes do mundo: Metropolitan Museum of Art, en Nova York, British Library, en Londres, Bibliothèque nationale de France, en París, Biblioteca Nacional de Rusia, en San Petersburgo, etc.

Poderá visitarse ata o 28 de outubro, en horario de 10 a 14 e de 16 a 20 horas. Festivos: de 10 a 14 horas.

Inauguración de gravados "ÁNXELES", do artista serbio Veljko Mihajlovic

04/10/2016 19:30

A mostra, que se celebra con ocasión do Centenario do establecemento das relacións diplomáticas entre España e Serbia, poderá visitarse ata o 28 de outubro en horario de 10 a 14 e de 16 a 20 horas. Festivos: de 10 a 14 horas.

Actualidade

A Fundación Barrié inicia hoxe na Casa de Galicia en Madrid a edición nacional do Programa Formativo Más Social

1. O delegado da Xunta en Madrid, José Ramón Ónega (terceiro pola dereita) con Mª Isabel Pérez (cuarta) e algúns dos representantes das Federacións.

A Casa de Galicia/Delegación da Xunta en Madrid acolle a edición nacional do Programa Formativo Máis Social Fundación Barrié dirixido a confederacións nacionais do Terceiro Sector, con temas de estratexia e liderado orientado a resultados, comunicación e márketing, captación de fondos, xestión de proxectos e xestión de persoas... Na xornada inaugural, o delegado da Xunta en Madrid e director da Casa, José Ramón Ónega, deu a benvida á directora de Acción Social da Fundación, María Isabel Pérez e valorou moi positivamente este tipo de accións. "Desde a Casa sempre apoiaremos todas as iniciativas que supoñan progreso e proxección para Galicia e neste campo, a Fundación Barrié é un referente indiscutible", dixo. "Por tanto, vai ter sempre as portas abertas desta Institución".

A Casa acolleu a presentación da novela "El códice de Clara Rosenberg" da xornalista Magdalena del Amo

1. De esquerda a dereita o escritor Enrique Gallud Jardiel,o delegado da Xunta en Madrid José R. Ónega, o pte. do Consello do Estado José Manuel Romay, o presidente do Parlamento de Galicia Miguel Santalices, o escritor Salvador Freixedo e Magdalena del Amo, a autora co seu libro.

A Delegación da Xunta en Madrid/Casa de Galicia acolleu esta tarde a presentación do libro "El  códice de Clara Rosenberg", de Magdalena del Amo, publicado por La Regla de Oro. No acto, presidido por José Manuel Romay, presidente do Consello de Estado, interviñeñeron o delegado da Xunta en Madrid e director da Casa de Galicia, José Ramón Ónega; os escritores Enrique Gallud Jardiel e Salvador Freixedo; o presidente do Parlamento de Galicia Miguel Santalices; e a propia autora, Magdalena del Amo.

 

A Asociación Cultural As Ortigas presentou o proxecto "Estrugas", de aproveitamento e divulgación das propiedades das ortigas

O delegado da Xunta, José Ramón Ónega, e parte do público seguen algunhas explicacións dos promotores do acto sobre os seus produtos.

A Asociación Cultural As Ortigas, con sede no municipio ourensán de Celanova, presentou hoxe na Delegación da Xunta de Galicia en Madrid-Casa de Galicia o proxecto "Estrugas. Unha opción máis para a economía galega", dirixido á recuperación, divulgación e aproveitamento gastronómico, homeopático, cosmético e fitosanitario das propiedades da planta, en especial da súa variedade "Urtica dioica". A presentación foi realizada por membros da directiva da Asociación e polo delegado da Xunta de Galicia en Madrid e director da Casa de Galicia, José Ramón Ónega López. No acto, a Asociación deu a coñecer catro libros que teñen como protagonistas esta planta e produtos e elaboracións culinarias cuxo ingrediente principal é a ortiga, tales como cervexa, licor e ortigas enlatadas, entre outros, que foron degustados polos asistentes ao finalizar o acto.

A actriz pontevedresa Mercedes Castro e o guitarrista David González ofreceron o espectáculo "Contando con Roald Dahl"

David González, Mercedes Castro, o delegado da Xunta en Madrid, José Ramón Ónega, e Ramón Jiménez.

Con motivo do centenario do nacemento do escritor británico Roald Dahl, o dúo composto pola actriz pontevedresa Mercedes Castro e o guitarrista David González ofreceu hoxe na Delegación da Xunta de Galicia en Madrid-Casa de Galicia o espectáculo de música e voz "Contando con Roald Dahl", no que se lembrou a figura e obra do escritor. Dous das súas narracións, "Desexo" e "Cordeiro asado" chegaron ata o público a través da voz de Castro e a guitarra de González e potenciadas polas imaxes creadas para a ocasión polo videoartista Eduardo Yagüe, a música tamén composta para este proxecto polo músico Jorge M. González, o labor documentalista de Ana Martín Puigpelat e a de produción de Ustapiti.