¿Podémosche axudar?
Saúdo do director

A miña cordial e afectuosa benvida ao noso sitio na rede a todos os galegos e aos que, sen selo, aman a nosa cultura, as nosas tradicións, a nosa paisaxe e a nosa hospitalidade. Aquí teñen a súa casa. Ler máis

Exposicións

Exposición de pintura (1997-2017), de CARMEN IGLESIAS

Ata o 30/10/2017
"CONCA, I" 2007. Óleo sobre lenzo, 73 x 100 cm.

Discípula do mestre Fernando Martín, a pintora santiaguesa presenta unha selección da súa obra pictórica máis representativa, que destaca pola súa sensibilidade e onde predomina o bodegón, a paisaxe e o retrato, case sempre vinculados ás súas orixes galegas.

A exposición poderá visitarse ata o 30 de outubro, en horario de 10 a 14 e de 16 a 20 horas. Festivos: de 10 a 14 horas.

Axenda

outubro 2017

Hoxe

Presentación do libro "El día que nos robaron el mando. Conversaciones sobre la crisis del periodismo en televisión", de VÍCTOR LÓPEZ, editado por EIUNSA

Portada do libro

Manu Leguineche, Jesús Hermida ou Vicente Romero son algúns dos pesos pesados do xornalismo televisivo aos que o reporteiro Víctor López entrevistou para este libro, no que dan a coñecer a súa visión sobre a televisión que se fai en España.

Ademais do autor, intervirán no acto os xornalistas Diego Carcedo e Vicente Romero.

Próximos eventos

Presentación do libro "HIMNO GALEGO: UNHA HISTORIA PARLAMENTAR (INCONCLUSA)", de Pilar García Negro, editado pola Fundación Galiza Sempre

25/10/2017 19:30
Portada e contraportada do libro.

Pilar García Negro acaba de publicar un libro co fin de apoiar a súa loita durante anos para devolver o himno galego á textualidade dos versos de Eduardo Pondal.

A escritora e profesora da Universidade da Coruña, Carme Fernández Pérez-Sanjulián, acompañará á autora no acto de presentación do libro.

Filandón de Magosto "AROMAS, CONTOS E SAUDADE", polo grupo de narradores Sueños de Dragón

26/10/2017 19:30
A celebración do magosto

O acto celébrase en colaboración coa Asociación de Animación a la Lectura, Amigos de El Dragón Lector.

O grupo de narradores "Sueños de Dragón", con máis de doce anos de experiencia narrativa para nenos e adultos, contarán contos sobre lendas galegas tradicionais e historias de Galicia. Este grupo de narradores xorde duns encontros que durante anos se celebraron na Librería El Dragón Lector, co obxectivo de gozar da narración e da amizade.

Actualidade

Enrique Paz Escudero: "Alfredo Kraus quería moito a Galicia"

1. O conferenciante e tenor Enrique Paz xunto co coordinador de Actividades Culturais Ramón Jiménez.

"Alfredo Kraus, coñeceu Galicia sendo un adolescente porque estivo de campamentos xuvenís en Gandarío -Sada-A Coruña- e xa desde entón namorouse da nosa terra", dixo Enrique Paz Escudero, tenor coruñés, primeiro alumno e amigo persoal do internacional cantante, no relatorio "Alfredo Kraus: o artista, o mestre, o amigo e a súa relación con Galicia", que pronunciou na Delegación da Xunta en Madrid/Casa de Galicia. Paz Escudero, que tivo a oportunidade de acompañar a Kraus durante tres anos por diversas cidades de Italia, Inglaterra, Portugal e España, falou tanto dos aspectos máis relevantes da longa traxectoria profesional, como da persoal e tamén da relación de Kraus con Galicia, á que quería moito, -debutou na Coruña en 1960-, ofreceu os primeiros concertos e logo actuou en numerosas ocasións e ademais a visitou moitas veces.

Aegama e a Fundación Ciudad presentan na Delegación da Xunta en Madrid/Casa de Galicia o próximo encontro do Foro Iberoamericano de Ciudades

Momento da presentación no que intervén o presidente de Aegama, Julio Lage.

A Asociación de Empresarios Galegos en Madrid (Aegama), que preside Julio Lage, e a Fundación Ciudad do Foro Iberoamericano de Ciudades, que preside Tomás Vera, celebraron hoxe na Delegación da Xunta de Galicia en Madrid/Casa de Galicia un almorzo informativo sobre o próximo encontro do Foro Iberoamericano de Ciudades, que ten programado celebrarse en Ecuador, na cidade de Ambato os días 10, 11 e 12 de novembro, aínda que se apuntou a posibilidade dalgún atraso por axustes na axenda do presidente de Ecuador.

Expertos do proxecto europeo "Empattics" reuníronse na Delegación da Xunta en Madrid/Casa de Galicia para avaliar as ofertas presentadas para o desenvolvemento das súas solucións

O delegado da Xunta e director da Casa de Galicia, José Ramón Ónega, dirixiuse aos participantes na reunión.

Expertos de varios países do proxecto europeo "Empattics" reuníronse esta mañá na Delegación da Xunta en Madrid/Casa de Galicia para poñer en común as vinte e unha ofertas que recibiron para o desenvolvemento das súas solucións e acordar a puntuación que lles atribúen para comunicarllo á Mesa de Contratación do proxecto, que constitúe unha acción de compra pública precomercial de tecnoloxía sanitaria no que participan oito entidades de cinco países e está coordinado polo Servizo Galego de Saúde (Sergas). O delegado da Xunta e director da Casa de Galicia, José Ramón Ónega, dirixiuse aos participantes no encontro e interesouse polos traballos.

A multinacional viguesa Equantia reuniuse na Casa de Galicia en Madrid para expansión internacional

1. O delegado da Xunta e director da Casa José Ramón Ónega (no centro) con dirixentes de Equantia e de Rede Impulsa.

A Delegación da Xunta en Madrid/Casa de Galicia acolleu esta mañá a reunión de directivos da empresa multinacional galega, EQUANTIA, cuxa sede central atópase en Vigo e de Rede Impulsa, de Barcelona, co obxectivo de ampliar a expansión dos servizos financeiros e de consultoría ao mercado británico. O delegado da Xunta en Madrid e director da Casa de Galicia, José Ramón Ónega  recibiu aos profesionais e deulles a benvida á Casa, que "como saben vostedes, entre os seus obxectivos está o de apoiar, na medida das nosas posibilidades, ás empresas galegas nas súas iniciativas. Como sempre digo, aquí teñen vostedes a súa Casa". Pola súa banda, o director xeral de Equantia, Manuel Cortizo agradeceu a "sempre estupenda acollida que nos dispensan, e esta colaboración en Madrid porque nos facilita moito o noso traballo. Os empresarios galegos temos aquí, mesmo nas etapas máis difíciles, todas as facilidades en Madrid, e é algo que valoramos profundamente, desde hai anos", comentou.