Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

Notas de prensa

Mostrando o intervalo 1 - 10 de 737 resultados.

"Entrañable, emocionante, auténtico..." palabras na Casa de Galicia esta noite tras o pase privado da curtametraxe "Vida" e o documental "Máis ca vida" de Rubén Riós

1. Pilar Falcón, o delegado da Xunta en Madrid José Ramón Ónega e o director Rubén Riós, minutos antes da proxección de VIDA e MÁIS CA VIDA.

Máis de medio centenar de persoas entre membros do Club de Xornalistas Galegos en Madrid e invitados persoais do actor e director galego Rubén Riós tiveron a oportunidade de asistir hoxe na Delegación da Xunta en Madrid/Casa de Galicia ao pase privado da curtametraxe "Vida" e o documental "Máis ca vida", protagonizados por persoas con discapacidade e actores como Javier Gutiérrez, Cristina Castaño, Luís Iglesia, Mariana Carballal... entre outros. "Entrañable, emocionante, auténtico, marabilloso..." fueron algunas de las palabras que surgieron después del visionado.

A Casa de Galicia en Madrid acolleu hoxe a presentación de "Oficio de Lecturas. Escritos de Periodismo Cultural" do profesor da UCM Francisco R. Pastoriza, "Un libro de libros"

1. De esquerda a dereita, o exfutbolista Paco Buyo, o coordinador de Actividades da Casa Ramón Jiménez, o profesor e autor do libro Francisco Rodríguez Pastoriza e o tamén profesor da UCM Ramón Cobo.

 

Madrid, 23 de abril de 2018.- "Un libro de libros". Así definiu o autor, o xornalista e profesor pontevedrés de Bueu, Francisco Rodríguez Pastoriza a súa nova obra Oficio de Lecturas. Escritos de Periodismo Cultural que se presentou esta tarde na Casa de Galicia, sede da Delegación da Xunta en Madrid, coincidindo coa celebración do Día Internacional do Libro. A obra publicada por Terra Ignota Edicións está dirixida a un público con inquietudes culturais e interesado pola historia deste ámbito.

"En el corazón de la lluvia", última novela de Milagros Frías, presentada hoxe na Delegación da Xunta en Madrid pola xornalista e escritora Marta Robles

1. Presentación da novela de Milagros Frías. De esquerda a dereita, o delegado da Xunta José Ramón Ónega, a autora Milagros Frías, a xornalista e escritora Marta Robles, e o editor Miguel Ángel Matellanes.

Unha soleada tarde madrileña en contraste co ambiente no que se desenvolve a novela, arroupou hoxe a presentación de "En el corazón de la lluvia", a última creación da escritora e xornalista Milagros Frías, acto que correu a cargo da tamén xornalista e escritora, Marta Robles. A obra, gañadora da última edición do Premio Logroño de Narrativa e editada por Algaida, desenvólvese en Limia de Lemos, un lugar imaxinario da costa galega onde chega a protagonista en busca da felicidade que non atopou nas urbes nas que viviu ata ese momento. En Limia sucede "a arrebatadora historia con insospeitados xiros, personaxes inesquecibles e situacións tan familiares como sorprendentes".

María de la Figuera: "Lorca xa coñecía e admiraba a poesía galega, pero cando viaxou a Galicia sentiu el mesmo atrapado pola melodía da paisaxe e da lingua"

María de la Figuera, na súa disertación, acompañada por Ramón Jiménez, cunha proxección de García Lorca.

A catedrática xubilada de Lingua Castelá e Literatura e doutora en Filosofía e Letras pola Universidade Complutense de Madrid María de la Figuera López afirmou hoxe na Delegación da Xunta de Galicia en Madrid/Casa de Galicia que "Lorca xa coñecía e admiraba a poesía galega, pero cando viaxou a Galicia sentiu el mesmo atrapado pola melodía da paisaxe e da lingua, da forza do mar e das xentes". Fíxoo no transcurso da conferencia "Seis poemas galegos de Federico García Lorca", que impartiu nas súas instalacións.

O libro "La renovación de las peregrinaciones a Santiago de Compostela en el siglo XIX", editado polo CSIC, presentouse hoxe na Delegación da Xunta en Madrid

1. De esquerda a dereita, Antón M. Pazos, Milagrosa Romero, Romay Beccaría, José Ramón Ónega, José Andrés Gallego e Ramón B. Rodríguez.

A Delegación da Xunta en Madrid/Casa de Galicia acolleu hoxe a presentación do libro "La renovación de las peregrinaciones a Santiago de Compostela en el siglo XIX: entre tradición y modernidad", coordinado por Antón M. Pazos, y editado polo CSIC, obra cuxa finalidade é "ofrecer ao lector unha idea do que supuxo o intento de relanzar a peregrinación xacobea a finais do século XIX; das dificultades que tivo e da contorna na que se moveu e inspirou, así como das súas limitacións".

Asomega establece na Delegación da Xunta as bases para a organización do I Encontro de Médicos Galegos, que en 2019 reunirá en Santiago a profesionais procedentes de todo o mundo

Reunión de traballo dos directivos de Asomega, co seu presidente, Xullo Ancochea (1º pola izda.).

A Asociación de Médicos Galegos en Madrid (Asomega), que preside o doutor Julio Ancochea, estableceu na Delegación da Xunta de Galicia en Madrid/Casa de Galicia as bases para a organización do I Encontro de Médicos Galegos, que a Asociación celebrará en 2019 en Santiago de Compostela, con profesionais procedentes de todo o mundo. Fíxoo nunha reunión da súa Xunta Directiva celebrada a última hora de onte.

A pintora e escultora Yolanda d'Augsburg inaugura na Delegación da Xunta a exposición "30 anos de tributo a Galicia"

A artista Yolanda d'Augsburg e o delegado da Xunta, José Ramón Ónega, ante o cadro ´Inquietudes de la luna de abril´.

A pintora e escultora Yolanda d' Augsburg, condesa Lins Augsburg e Ulm e doutora en Historia da Arte, con vínculos familiares en Vilanova de Arousa (Pontevedra), inaugurou hoxe na Delegación da Xunta de Galicia en Madrid/Casa de Galicia a exposición mixta, de pintura e escultura, "30 anos de tributo a Galicia", que estará aberta ao público ata o próximo día 27.

"Ferrol en reflexos" de Manuel Pombo, en Madrid no mes de abril

1. Manuel Pombo con dúas das imaxes de Ferrol que forman parte da mostra.

A Delegación da Xunta en Madrid/Casa de Galicia acollerá durante o mes de abril a exposición de fotografía "FERROL EN REFLEXOS", de Manuel Pombo, na que o autor, aliándose con diferentes elementos, especialmente coa auga, capta sorprendentes recunchos, singulares edificios e pequenos detalles da "cidade lóxica situada nunha terra máxica", como definiu a Ferrol Torrente Ballester nos "Cuadernos de la Romana", tal e como lembrou Pombo no acto de inauguración.

O profesor mercantil e auditor de contas Jorge Borrajo presenta na Delegación da Xunta o seu libro "La empresa explicada a jóvenes de todas las edades"

O autor do libro, Jorge Borrajo, o delegado da Xunta, José Ramón Ónega, a presentadora Silvia Jato e o editor Juan Mariñas, na presentación.

O profesor Mercantil e auditor de contas Jorge Borrajo Prego, coruñés, presentou na Delegación da Xunta de Galicia en Madrid/Casa de Galicia o libro da súa autoría "La empresa explicada a jóvenes de todas las edades", publicado por Lautana Editorial. Nel afírmase que a nosa relación coas empresas ao longo da vida empeza no hospital no que nacemos e finaliza na funeraria/o cemiterio, pasando pola escola, a universidade, o traballo e a xubilación.

EFA Piñeiral celebra na Delegación da Xunta en Madrid/Casa de Galicia unha xornada de traballo para mellorar a cualificación profesional de mozos deste ámbito en comercio e "marketing"

O delegado da Xunta, José Ramón Ónega -en primeira fila, terceiro pola izda-, con estudantes da EFA- Piñeiral, o representante de Aegama, José Cerdeira, o coordinador de Actividades da Casa, Ramón Jiménez, e as formadoras Rocío Agra e Mary Espiñeira.jpg

A entidade Galicia-EFA Piñeiral, de Arzúa (A Coruña) pertencente á Federación de Escolas de Formación Agraria ( EFA) celebrou hoxe na Delegación da Xunta de Galicia en Madrid/Casa de Galicia unha xornada de traballo do seu programa "Emprendemento con mozos do medio rural" cuxo obxectivo é mellorar a cualificación profesional dos mozos deste ámbito na área de comercio e "márketing" e coñecer outras experiencias que lles poidan achegar ideas para desenvolver nas súas zonas de orixe.

Mostrando o intervalo 1 - 10 de 737 resultados.