Notas de prensa

Herce, que moderou o acto, presentou os proxectos que se propón Syntagma para a súa nova etapa, como a apertura a novos proxectos académicos e a estudos prospectivos, e resaltou a relevancia de facer achegas á sociedade con estudos en materia de boa administración dos poderes públicos e tecnoloxías dixitais. Laborda referiuse na súa conferencia á universidade como institución creada polo xenio europeo e defendeu que as súas achegas intelectuais, "desde a ciencia moderna ata o pensamento liberal e democrático, deberíannos convencer aos europeos de que podemos gobernar a actual globalización"…
Ademais das salas, dependencias e servizos do inmoble Ónega presentoulle a Padrón parte do persoal da Casa, entre o que se atopaba o Coordinador de Actividades, Ramón Jiménez Pérez, quen lle explicou algunhas das particularidades do seu labor dentro do ámbito cultural como as exposicións de arte, presentacións de libros, conferencias... Padrón foi convidada a asinar no libro de Honra da Casa, en cuxa dedicatoria destacou o afecto co que foi recibida así como as "amables e xenerosas explicacións" de todo o persoal. María Dolores Padrón ou mellor Lola Padrón -como é coñecida e prefire que a…
Ao amplo expositor de Galicia na Feira acudiron numerosas personalidades de todos os ámbitos. Entre eles estaban o presidente do Parlamento de Galicia, Miguel Ángel Santalices, directivos nacionais do PP, encabezados polo seu presidente, Pablo Casado, e representantes da Comunidade e o Concello de Madrid, encabezados polos seus respectivos titulares, Isabel Díaz Ayuso e José Luis Martínez-Almeida. Ademais, achegouse ao "stand" de Galicia e intercambiou impresións con Núñez Feijóo o presidente do Goberno, Pedro Sánchez. A exposición de Feijóo foi seguida, entre outros, por numerosos alcaldes…
No acto interviñeron, xunto con Marcos Gendre, o coordinador de Actividades da institución Ramón Jiménez e o xornalista Xosé Hermida. O libro, editado por Contra, recolle as entrevistas realizadas durante case dous anos de traballo polo autor a unhas setenta personalidades do mundo do deportivismo e os seus rivais, tanto do corpo técnico como a xogadores carismáticos, así como a un selecto grupo de xornalistas deportivos e seguidores. Entre todos conforman a imaxe dun club que "sufriu e celebrou como ninguén, principalmente a entre os anos oitenta e principios do século XXI". Pero a obra é…
Interviñeron, ademais do autor Luís García Montero; o secretario dos libreiros de Madrid, poeta e escritor, Pablo Bonet; a directora de Tulipa Editora, Isabel Patiño Amboage; e Sabela García que recitou en galego algúns poemas do escritor. A presentación do acto correu a cargo do coordinador de Actividades da Casa de Galicia Ramón Jiménez e nela lembrou que non era a primeira vez que García Montero visitaba a Casa "pois xa en maio de 2008 participara nesta mesma sala nun recital xunto aos poetas Lucía Aldao e Nuno Júdice dentro dun ciclo de Estacións Poéticas coordinado polo escritor e…
Na presentación interviñeron o delegado da Xunta e director da Casa, José Ramón Ónega, o director de Contidos, canles e produción de programas de TVE, Fernando López Puig, a produtora executiva de Voz Audiovisual, Fernanda Tabarés, o director da serie, Gonzalo López Gallego, e os actores, protagonistas da mesma, Emma Suárez, Isabel Naveira, Alba Galocha, Antonio Durán "Morris", María Vázquez, Denisse Peña, Denís Gómez, Nacho Nugo, Xabier Deive e Nancho Novo. Ónega deu a benvida aos protagonistas e responsables da serie e aos numerosos xornalistas que acudiron a interesarse por ela, a quen…
Nesta ocasión o artista non puido asistir á inauguración da exposición, que tivo lugar esta tarde, como é habitual, debido a un problema de saúde. Explicouno e presentou a mostra o coordinador de Actividades da Casa, Ramón Jiménez, que interveu en representación do director da mesma e delegado da Xunta, José Ramón Ónega López. "Laureano Troitiño defínese como un pintor que realiza obras realistas, algunhas delas con toques vangardistas, coas que se propón mostrar distintos recunchos da variada paisaxe galega: as súas praias, as súas illas, as súas montañas. Tamén paisaxes urbanas: prazas,…
Na inauguración da exposición, que tivo lugar esta tarde, interviñeron, ademais da pintora, o expresidente do Consello de Estado, José Manuel Romay Beccaría, e o delegado da Xunta e director da Casa, José Ramón Ónega López. Ónega deu a benvida á pintora e ao numeroso público que asistiu á inauguración e agradeceu afectuosamente a presenza de Romay Beccaría de novo na Casa. O delegado da Xunta presentou a Salgueiro e a obra exposta, "unha brillante mostra do seu poder creativo", do impacto que teñen a cor, as formas e a súa harmonía no conxunto e a paixón que sente por estes elementos.…
O acto foi presentado polo folklorista e gaiteiro Fernando Molpeceres e nel interviñeron, ademais do autor, o delegado da Xunta en Madrid e director da Casa de Galicia, José Ramón Ónega, o coordinador de Actividades da Casa, Ramón Jiménez, e os alcaldes desa comarca da alta montaña ourensá: Patricia Domínguez Barja, da Pobra de Trives, Amable Fernández Basalo, de Manzaneda, e Xosé Miguel Pérez Blecua, de San Xoán de Río. Completouse con alegres intervencións musicais das "cantareiras" Blandina de Cotarós, Fiuca de Trives e Digna de Vilanova e a presenza dun "mázcara" (singular bailarín propio…
Na mostra poderán contemplarse os carteis que identificaron cada Congreso cun resumo dos seus obxectivos, conclusións e actuacións que impulsaron ao Camiño de Santiago nas tres últimas decadas, reflectido no plano dos Camiños a Santiago que actualmente percorren o territorio nacional. Tamén unha interesante introdución ao próximo XII Congreso Internacional de Asociacións Xacobeas que se celebrará en Madrid do 21 ao 24 do mes de maio, con grandes expectativas. Tras a inauguración oficial o mércores 18 de decembro ás 12,00 horas, a mostra poderá verse ata o día 19 e seguidamente iniciará un…