Exposición de pintura e escultura "NIHIL", de Tareixa Taboada

Exposicións
06/04/2021
06/30/2021
04/06/2021 - 30/06/2021

Exposición de pintura e escultura "NIHIL", de Tareixa Taboada

A artista ourensá Tareixa Taboada presenta unha exposición composta por esculturas de bronce e cadros asolagados de cromatismo, que non deben distraer ao espectador da profundidade das mensaxes que pretende transmitir. Comprometida coa arte, a súa obra non é unha expresión meramente estética, senón que busca transgredir, provocar, mesmo conmover a quen a contempla.

A mostra poderá visitarse do 4 ao 30 de xuño, en horario de 10 a 14 e de 16 a 20 horas. Festivos: de 10 a 14 horas.

Tareixa Taboada (Ourense, 1972,) é licenciada en Xeografía e Historia. Especialista en Arte Contemporánea. Crítico de Arte do xornal La Voz de Galicia, edición Ourense e Directora artística da Galería de Arte Visol (Ourense).

É docente do CPR Cardeal Cisneros (Ourense) e está bolseira pola  Fundación Internacional "A Solaina" de Piloño. 

Expuxo en distintos museos, institucións e galerías de arte en territorio autonómico, nacional e internacional, entre as que cabe destacar as seguintes exposicións individuais:

"Zoon Politikon", Museo Municipal de Ourense (2018); "Seres estraños", Espazo de Arte Roberto Verino (2016); "Criaturas tóxicas", Galería de Arte Visol; "Outono Fotográfico", (varias edicións) Itinerancia; "Vudú Circus", Casa dá Xuventude de Ourense; "4 Paredes", Espazo Fotográfico Can Bastei Barcelona. Centre Cívic Can Bastei, Barcelona; Sala Luisa Custa, Santiago de Compostela.

Participou en proxectos expositivos colectivos como "A Musa dá Paz", Comisaria Ehlaba Carballo (2016); "Reivindicando a nosa axenta. Emerxencia feminista", Comisaria Ticiana Ghiglione Carriba. Deputación de Pontevedra. Marzo 2021; "Proxecto 8 de Marzo Coidarmos", Comisaria Luz Darriba (2021); "Proxecto Máscaras", Comisaria Inma Doval Itinerante, 2020 "Aouterretrato", Centro Cultural Marcos Valcárcel, 2019. Comisario Alejandro Caporale, entre outros.

A súa obra está presenta en distintas coleccións privadas e púbicas como a Colección de Arte do Museo Municipal do Concello de Ourense.

 

 

 

04 Xuño 2021
-
Exposicións
Imaxes