Medios

Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

A exposición "In natura mundi" de Antonio Valverde estará na Casa ata o 28 de novembro

A mostra ofrece unha interpretación da natureza a través da arte
Madrid, 4 de novembro de 2014

A sala B da Casa de Galicia acolle dende esta tarde a exposición " In natura mundi" do biólogo e artista Antonio Valverde, cuxas obras son unha persoal interpretación e visión do mundo natural. No acto de inauguración, o coordinador de actividades Culturales da Casa, Ramón Jiménez Pérez fixo referencia á especial percepción que ten o artista e como a escultura ou a fotografía son medios para expresala.

Tanto as esculturas coma as imaxes invitan a gozar das "superficies, texturas, luces, sombras e misterios que ofrece a natureza", entre eles está "a vitalidade e enerxía do granito", pedra que emprega con frecuencia.

Tamén logra Valverde plasmar a beleza coa serie de imaxes fotográficas en branco e negro que "xorde das formas e do claroscuro".

Antonio Valverde, tomou a palabra para agradecer a asistencia a cantas persoas acudiron á presentación e invitounas a gozar das súas obras, como el mesmo fai cando as crea.

A exposición poderá visitarse ata o 28 de novembro, en horario de 10 a 14 e de 16 a 20 horas, os días laborables. Domingos e festivos de 10 a 14 horas.

Departamento: Prensa

Compárteo:

Facebook Twitter

Imaxes