Medios

  • (2848x4288px., 765 Kb.)
  • (2848x4288px., 744 Kb.)
  • (2848x4288px., 1109 Kb.)
  • (4288x2848px., 878 Kb.)
  • (2848x4288px., 870 Kb.)
  • (2848x4288px., 1049 Kb.)

Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

Preto de duascentas persoas acudiron a Casa de Galicia para asistir a presentación do libro "Cociñar para 2. Recitas irresistibles" de Belén Otero Iglesias

A obra, editada por Pigmalión, é unha invitación a meterse na cociña, porque "tamén dous merecen comer ben"
Madrid, 7 de febreiro de 2012

Presentación do libro "Cociñar para 2. Receitas irresistibles", de Belén Outeiro Igrexas, publicado por Pigmalión Ediciones. No acto interviñeron ademais da autora; o delegado da Xunta en Madrid e director da Casa, José Ramón Ónega López, Marta González Novo, xornalista da Cadea SER, directora do programa Hoxe por hoxe Madrid, e prologuista do libro; Sacha Hormaechea, gourmetista, fotógrafo e autor do epílogo da publicación; Rosana Domínguez, bloggera e directora de operacións en Cocina.es e Basilio Rodríguez Cañada, editor e escritor.

O delegado pronunciou unhas palabras de benvida ás preto de duascentas persoas que acudiron ao acto e agradeceu aos integrantes da mesa "que elixisen esta Casa para que esta nova obra vexa a luz. Un novo libro é sempre motivo de satisfacción e se é de gastronomía... pois xa non hai nada que engadir".

 

Basilio Rodríguez Cañada, comentou que "con este libro a editorial inicia unha nova colección, Pigmalión ao dente, que supón unha nova aposta empresarial ".

 

A xornalista Marta González Novo recordou que "Belén, cumpre as características da xente galega, con forza, emprendedora, traballadora e capaz de loitar polo que quere.Tiña un soño e aquí está, materializado neste libro,".

 

Para o popular cociñeiro e comunicador, tamén galego, Sacha Hormaechea, "a Belén hai que agradecerlle que pensase en que cociñar para dous é facer feliz ao teu ámbito inmediato e íso, nos tempos que corren, pois tamén dous merecen ser felices".

 A bloggera Rosana Domínguez, sinalou que "Belén é tan riquiña como as súas receitas e con esta obra énchese un espazo para satisfacer ás persoas que aínda desexan tocar e sentir as receitas en papel de toda a vida, porque hai demanda para todos".

 Pola súa banda, a autora, tras os agradecementos, contou cómo se naceu a obra. Cando se independizou en 2004, en Coruña, acudiu á casa da súa avoa a pedirlle as súas receitas, que incluían aquilo de "un puñadito disto, unha pizquita do outro... o normal en persoas que xa saben cociñar, que non era o meu caso. Empecei cun caderno e facendo fotos do resultado. Cociñar para dous é unha doada solución para non renunciar a unha boa comida porque a cantidade sexa pequena. Tamén dous merecen comer ben".

Belén Otero Iglesias, ademais da autora, é licenciada en Dereito, Máster en Bolsa no I.E.B. (Instituto de Estudos Bolsistas) e é tamén directora dunha entidade de crédito de Madrid.

Departamento: Prensa

Compárteo:

Facebook Twitter

Imaxes