O delegado da Xunta, José Ramón Ónega, asistiu á entrega do Premio Café Varela ao xornalista Raúl del Pozo

Tivo lugar no transcurso dunha concorrida cea no histórico café
Madrid, 29 de novembro de 2019.

O delegado da Xunta en Madrid, José Ramón Ónega, asistiu á entrega do Premio Café Varela ao xornalista Raúl do Pozo, que tivo lugar onte á noite no transcurso dunha concorrida cea que se celebrou no histórico café madrileño da rúa Preciados, de longa tradición literaria.

O premio recolleito por Raúl do Pozo consiste nunha obra do escultor galego Paco Leiro co que se recoñecía a súa longa traxectoria profesional. Entre os asistentes á cea había numerosos compañeiros de profesión do galardoado, como os xornalistas Pepe Ribagorda, Arturo Pérez Reverte, Pilar Cernuda e José María García e personalidades doutros ámbitos como os marqueses de Grinón, Carlos Falcó e Esther Dona, o embaixador de Rusia en España, Yuri Korchagin, o xeral Félix Sanz, o xurista e escritor José Manuel Otero Lastres, o xurista Cándido Conde-Pumpido, os escritores Alfredo Conde e Ramón Pernas, o escultor Paco Leiro, o empresario Julio Lage, o doutor José Manuel Pérez Vázquez e o propietario do Café e creador do Premio, o galego Melquiades Álvarez, que entregou a escultura de Leiro a Raúl do Pozo.

Esta foi a oitava edición do Premio co que Melquiades Álvarez retoma a historia literaria do Café Varela, frecuentado no seu momento por escritores como Miguel de Unamuno, os irmáns Machado, Rafael Alberti e María Teresa León.

Departamento: Prensa

Compárteo:

Facebook Twitter

Imaxes