Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

Actualidade

Mostrando o intervalo 211 - 220 de 801 resultados.

A cartografía sobre o Camiño de Santiago en aplicacións informáticas, obxecto dunha conferencia na Casa de Galicia

Manuel Carbajo, xefe de Cartografía Temática do Inst. Xeográfico Nacional, e José Antonio Ortíz, pte. da Asociación de Amigos dos Camiños de Santiago de Madrid.

A cartografía sobre o Camiño de Santiago nas novas tecnoloxías foi o obxecto da conferencia que o enxeñeiro e cartógrafo Manuel Carbajo, xefe de Cartografía Temática do Instituto Xeográfico Nacional (IXN), pronunciou hoxe na Delegación da Xunta de Galicia en Madrid/Casa de Galicia, "Cartografía dixital do Camiño de Santiago publicada polo Instituto Xeográfico Nacional". A conferencia tivo lugar dentro da edición correspondente a 2016 do Seminario José Antonio Cimadevila Covelo de Estudos Xacobeos, que se desenvolve na Casa desde o pasado luns e ata mañá, xoves, organizado en colaboración coa Asociación de Amigos dos Camiños de Santiago de Madrid que preside José Antonio Ortiz, quen presentou ao relator.

Javier Leralta: "Hai outras maneira de facer o Camiño, levantando a cabeza e mirando aos ollos ás cidades e os pobos"

1. O xornalista e escritor Javier Leralta á esquerda, con José Antonio Ortiz, presidente da Asociación dos Camiños de Santiago de Madrid.

O xornalista, peregrino e escritor especializado en temas madrileños, viaxes e historia medieval, Javier Leralta García, foi o encargado de pronunciar a segunda conferencia co título "O Patrimonio histórico e arquitectónico do Camiño urbano de Madrid. Unha mirada diferente ás igrexas, palacios, prazas fontes e casas da capital", dentro do Ciclo de conferencias "Seminario José Antonio Cimadevila Covelo de Estudos Xacobeos" organizado en colaboración coa Asociación de Amigos dos Camiños de Santiago de Madrid que preside José Antonio Ortiz.

Francisco Javier Martín Ramiro falou sobre as intervencións máis importantes no Camiño francés en Galicia

1. Francisco Javier Martín, arquitecto de Fomento, o coordinador de Avtividades da Casa, Ramón Jiménez e José Antonio Ortiz, pte. da Asociación de Amigos dos Camiños de Santiago de Madrid.

O arquitecto, subdirector xeral de Arquitectura e Edificación do Ministerio de Fomento, Francisco Javier Martín Ramiro pronunciou esta tarde na Delegación da Xunta en Madrid/Casa de Galicia a conferencia inaugural do Ciclo do "Seminario José Antonio Cimadevila Covelo de Estudos Xacobeos" co título, "Dez intervencións do programa "1,5 Cultural" no Camiño Francés ao seu paso por Galicia", organizado en colaboración coa Asociación de Amigos dos Camiños de Santiago de Madrid, que preside José Antonio Ortiz. A presentación do acto fíxoa o coordinador de Actividades da Casa Ramón Jiménez, en nome do delegado da Xunta en Madrid e director da Casa, José Ramón Ónega. 

Celebrada na Casa de Galicia en Madrid a Xornada empresarial "Oportunidades de negocio en Oriente Medio e países da área"

Ramsi Jazmati, Julio Lage (Aegama) e Eduardo Olier, directivos do Instituto Choiseul España.

A Delegación da Xunta en Madrid/Casa de Galicia foi escenario esta tarde do desenvolvemento da xornada empresarial "Oportunidades de negocio en Oriente Medio e Países da área", organizada pola Asociación de Empresarios Gallegos en Madrid (Aegama) en colaboración co Instituto Choiseul, co obxecto de analizar e informar aos empresarios das posibilidades de negocio que ofrece esa área xeográfica. Nela interviñeron o presidente de Aegama, Julio Lage, que tamén é presidente do Consello Social da Universidade Politécnica de Madrid e vicepresidente executivo do Instituto Choiseul; o presidente do Instituto Choiseul en España, Eduardo Olier; e o director adxunto ao presidente do Instituto Choiseul e director da Oficina do Instituto Choiseul en Dubai, Ramsi Jazmati.

Carmen Pena falou na Casa de Galicia en Madrid sobre a figura do pintor vigués Serafín Avendaño que pertenceu á Gran Escola Paisaxística Grigia Xenovesa e está nos manuais italianos

1. Carmen Pena e Ramón Jiménez, instantes antes de pronunciar a conferencia sobre Serafín Avendaño.

"Serafín Avendaño pertenceu á Gran Scola Paisaxística de Xénova, pero nunca recibiu o recoñecemento que merece na historia da modernización da paisaxe galega e española", explicou a catedrática de Teoría e Historia da arte Contemporáneo da Universidade Complutense Carmen Pena, na conferencia "Serafín Avendaño (Vigo, 1837- Valladolid, 1916). Paisaxista galego e internacional", na Delegación da Xunta en Madrid/Casa de Galicia.

O notario pontevedrés Vitorio Magariños falou na Casa de Galicia en Madrid sobre "Liberdade para dispoñer dos bens en testamento"

1. De esquerda a dereita, o conferenciante Vitorio Magariños, o delegado da Xunta en Madrid, José Ramón Ónega e o presidente de IURISGAMA Carlos Lema Devesa.

"A lexítima carece hoxe de fundamento", dixo o notario da localidade pontevedresa de Pontecesures, Victorio Magariños Blanco, na conferencia que pronunciou na Delegación da Xunta en Madrid/Casa de Galicia, baixo o título "A liberdade para dispoñer dos bens en testamento", relatorio que se enmarca dentro do ciclo "Temas Xurídicos de Actualidade" organizado pola Asociación de Xuristas Galegos en Madrid (IURISGAMA) e primeiro dos catro previstos. No acto interviñeron, ademais do orador, o delegado da Xunta en Madrid e director da Casa de Galicia José Ramón Ónega López; o profesor e coordinador do ciclo Carlos Lema Devesa, catedrático de Dereito Mercantil da UCM e presidente da Asociación de Xuristas Galegos en Madrid (IURISGAMA).

A Casa de Galicia acolleu esta mañá a presentación en Madrid do "I Congreso Internacional sobre San Martín de Tours" que se celebrará en Ourense do 14 ao 18 con expertos de dez países

1. De Esq a d. Jorge López Quiroga, Manuel Baltar, o delegado da Xunta en Madrid José Ramón Ónega e Artemio M. Tejera, na presentación do I Congreso sobre S. Martín de Tours.

A Casa de Galicia, Delegación da Xunta de Galicia en Madrid acolleu esta mañá a presentación na capital de España do "I Congreso Internacional sobre San Martín de Tours", que se celebrará en Ourense a próxima semana, do 14 ao 18 de novembro, para conmemorar o 1700 aniversario do patrón da cidade e no que se van a dar cita máis dunha trintena de expertos de dez países. Neste ano, declarado Martiniano polo Papa, só tres cidades organizarán un encontro destas características: Tours, Buenos Aires e Ourense. No acto interviñeron o delegado da Xunta en Madrid e director da Casa, José Ramón Ónega López; o presidente da Deputación de Ourense, Manuel Baltar Blanco e os investigadores Jorge López Quiroga, coordinador científico do congreso; e  Artemio Martínez Tejera, secretario científico do congreso.

A Casa de Galicia celebra o 150 Aniversario de Valle-Inclán cunha exposición iconográfica do artista Siro

1. De esquerda a d. Antonio G. Millán, Siro, o pte. do Consello de Estado José Manuel Romay, Anxo Lorenzo e o delegado da Xunta en Madrid, José Ramón Ónega.

A exposición "Retratos, caricaturas e visións" reúne na Casa de Galicia en Madrid 39 obras nas que o debuxante e pintor ferrolán Siro López Lorenzo "Siro" ofrece o súa particular mirada sobre Ramón María del Valle-Inclán, do que se celebra este ano o 150º aniversario do seu nacemento. Promovida pola Consellería de Cultura, Educación  e Ordenación Universitaria co apoio do Museo Valle-Inclán da Pobra do Caramiñal, a mostra foi inaugurada esta tarde polo secretario xeral de Cultura, Anxo Lorenzo; polo delegado da Xunta en Madrid e director da Casa de Galicia, José Ramón Ónega; polo director do Museo Valle-Inclán da Pobra do Caramiñal, Antonio González; e polo propio Siro, "un deses artistas que seguramente van transcender, como Valle-Inclán, a súa propia época e han ser un referente permanente no imaxinario da cultura galega".

Experiencias de peregrinación e as pontes no Camiño de Santiago, na clausura das Xornadas "Conmemoración do XX aniversario da Rúa do Peregrino..."

De Famara, Rincón, Jiménez, Carretero e De Almeida.

As Xornadas "Conmemoración do XX aniversario da Rúa do Peregrino, obra da artista María Carretero", que se celebraron na Delegación da Xunta de Galicia en Madrid/Casa de Galicia durante os dous últimos días, pecháronse esta tarde coas intervencións do director do Colexio Maior Universitario Casa do Brasil, Cássio Roberto de Almeida Romano, o doutor en Historia da Arte e profesor de investigación do CSIC Wifredo Rincón García e da propia artista creadora da obra, María Carretero, que trataron da experiencia do peregrino, do patrimonio monumental do Camiño de Santiago, en especial das súas pontes, e do espazo de descanso deseñado por Carretero en Sarria.

Segunda xornada "Conmemoración XX Aniversario da Rúa do Peregrino", da artista María Carretero

1. De Esq a dereita, Carlos R. Cano, María Carretero, o delegado da Xunta en Madrid José Ramón Ónega, Emilio Muñoz e Ramón Jiménez.j

A Casa de Galicia, Delegación da Xunta en Madrid, acolleu esta mañá a celebración da primeira parte da segunda xornada da "Conmemoración XX Aniversario da Rúa do Peregrino, obra da artista María Carretero. Vila de Sarria-Lugo, Km 111 do Camiño de Santiago Francés", coordinadas polo arquitecto Domingo de Famara. O delegado da Xunta en Madrid e director da Casa deu a benvida a cada un dos participantes, que en horario de mañá foron: o profesor de investigación emérito do CSIC e asesor da Unidade de Investigación en Cultura Científica do CIEMAT, Emilio Muñoz Ruiz; o párroco da Real Igrexa de Santiago Apóstolo e San Juan Bautista, Carlos R. Cano Alonso; a xornalista e agora hospitalera en Moratinos (Palencia), Rebekah Scott e o presidente de Demócratas Abroad Spain, Gil Carbajal.

Mostrando o intervalo 211 - 220 de 801 resultados.