Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

Actualidade

Mostrando o intervalo 231 - 240 de 787 resultados.

A Casa acolleu esta tarde a celebración da Asemblea Xeral de AEGAMA

1. Na mesa, María José Pintor, secretaria de AEGAMA; Julio Lage, presidente y el tesorero, Gaspar de Vicente.

A Asociación de Empresarios Galegos en Madrid (AEGAMA) celebrou esta tarde a Asemblea Xeral Ordinaria na Delegación da Xunta de Galicia en Madrid/Casa de Galicia, tal e como fixo en anteriores exercicios desde que o delegado da Xunta en Madrid e director da Casa, José Ramón Ónega "abrise as portas ás asociacións galegas en Madrid para as súas reunións".

Eladio Rodríguez presenta en la Casa de Galicia en Madrid a súa primera novela, "Gandarón ou o gran falo megalítico de Pena Corneira"

Eladio Rodríguez, coa súa novela.

Eladio Rodríguez, viticultor, adegueiro ourensán (de Beade, en terras do Ribeiro do Avia) e agora tamén escritor, presentou hoxe na Delegación da Xunta de Galicia en Madrid-Casa de Galicia a súa primeira novela, "Gandarón ou o gran falo megalítico de Pena Corneira", unha voluminosa obra escrita en galego que, a dicir do autor, "profunda no cerne do ser e sentir ribeirán e galego" e foi editada por Ir Indo.

A Federación de Asociacioes Galegas en Madrid (FAGAMA) celebrou na Casa o Día das Letras

1. O crítico literario Armando Requeixo; o delegado da Xunta en Madrid, José Ramón Ónega; o sec. xral. de Emigración Antonio R. Miranda , y de FAGAMA Ovidio Cadenas e Fernando Gómez, pte. y sec. e o cantautor Emilio Rúa .jpg

A Delegación da Xunta en Madrid/Casa de Galicia, acolleu hoxe a celebración do Día das Letras Galegas organizado por FAGAMA (Federación de Asociacións Galegas en Madrid) cun amplo programa que incluíu aspectos literarios, musicais e gastronómicos. O acto contou coa asistencia do secretario Xeral de Emigración, Antonio Rodríguez Miranda e as intervencións do delegado da Xunta en Madrid e director da Casa, José Ramón Ónega; o presidente de FAGAMA, Ovidio Cadenas; do secretario de FAGAMA Fernando Gómez; o investigador do centro Ramón Piñeiro e crítico literario, Armando Requeixo, que pronunciou a conferencia sobre Manuel María e o cantautor Emilio Rúa, que emocionou coa súa interpretación a gran parte dos asistentes.

O xornalista e escritor Alfonso S. Palomares presentou na Casa de Galicia a súa nova novela, "Pyjama Party"

O delegado da Xunta, J.R. Ónega, Villanueva, Romero, Palomares, Barreiros, Ansón e Reigosa.

O xornalista e escritor ourensán afincado en Madrid Alfonso S. Palomares presentou hoxe na Delegación da Xunta de Galicia en Madrid-Casa de Galicia a súa última obra, "Pyjama Party", "unha novela sobre o descubrimento da liberdade" dun novo estudante de xornalismo na España dos anos sesenta que viaxa a Inglaterra, publicada por Ediciones B. No acto interviñeron, ademais do autor, o delegado da Xunta de Galicia en Madrid e director da Casa de Galicia, José Ramón Ónega, o director da Real Academia Española, Darío Villanueva, o tamén xornalista e escritor Carlos G. Reigosa e a representante da editorial, Lucía Luengo. Entre os numerosos asistentes estaban o xornalista Luís María Ansón, a empresaria Mariluz Barreiros e o exministro socialista José Barrionuevo.

A Casa acolleu esta tarde a presentación do libro "Reino Swevo (suevo) en Gallaecia", de Santiago Lorenzo Sueiro

1. Na imaxe, de esquerda a dreita, o autor Santiago Lorenzo Sueiro, o delegado da Xunta en Madrid e director da Casa, José Ramón Ónega; o presidente do Consello de Estado, José Manuel Romay, o xurista e escritor, Enrique Santín e o presidente de AEGAMA, Julio Lage.

A Delegación da Xunta en Madrid/Casa de Galicia acolleu esta tarde a presentación do libro "REINO SWEVO (SUEVO) EN GALLAECIA. Sus mitos, leyendas e historias" do escritor e comunicador de Compostela, afincado en Barcelona, Santiago Lorenzo Sueiro. Os suevos reinaron nos séculos V e VI de nosa era, entre os anos 409 e 586. É unha etapa sobre a que os historiadores pasan por encima e que o autor destaca especialmente "por ser esta monarquía a primeira cristiá de Europa e do Mundo". O Presidente do Consello de Estado, José Manuel Romay Beccaría presidiu o acto, que presentou o delegado da Xunta en Madrid e director da Casa de Galicia, José Ramón Ónega López, e no que interviñeron, ademais do autor, o xurista e escritor Enrique Santín Díaz, e o presidente da Asociación de Empresarios Galegos en Madrid (AEGAMA), Julio Lage González.

A empresa viguesa Pinturas Proa celebra o seu 75 aniversario cun acto conmemorativo na Casa de Galicia en Madrid

Iván Casanova, Juan Manuel López-Valcárcel, o delegado da Xunta, José Ramón Ónega, Guillermo Rodríguez-Puime e Alberto Jiménez, na mesa do acto.

A empresa viguesa Pinturas Proa celebrou hoxe na Delegación da Xunta de Galicia en Madrid-Casa de Galicia un acto conmemorativo do seu 75 aniversario, lembrando a súa traxectoria ao longo de tan amplo percorrido e presentando algunhas das súas últimas innovacións, que se exhibiron nas instalacións da Casa. Interviñeron no acto o delegado da Xunta de Galicia en Madrid e director da Casa de Galicia, José Ramón Ónega, e Juan Manuel López-Valcárcel, membro do Consello de Administración de Pinturas Proa, que estivo acompañado polo tamén membro do Consello da firma Guillermo Rodríguez-Puime, o adxunto ao director xerente da mesma, Iván Casanova, e o delegado comercial en Madrid, Alberto Jiménez.

Aegama organiza na Casa de Galicia en Madrid a xornada de formación "´Compliance´ e responsabilidade da persoa xurídica"

Masaguer, presentando a xornada, e, na mesa, os relatores Sainz, Alonso e Gil.

A Asociación de Empresarios Galegos en Madrid (Aegama) organizou hoxe na Delegación da Xunta de Galicia en Madrid-Casa de Galicia a xornada de formación para os seus socios "´Compliance´e responsabilidade da persoa xurídica", impartida por un dos seus asociados especialista na materia, Gramm Audit, e presentadas polo seu vicepresidente e responsable de PEMES, Casimiro Masaguer, e presentadas polo seu vicepresidente e responsable de PEMES, Casimiro Masaguer.

A escritora coruñesa Carlota Lama presenta na Casa de Galicia en Madrid a súa terceira novela publicada, "Los nombres de la tía Lita"

Cintado, Lama, Jiménez, Burgos e De Vera.

A escritora coruñesa afincada en Madrid Carlota Lama, licenciada en Filoloxía Inglesa pola Universidade de Santiago de Compostela, presentou hoxe na Delegación da Xunta de Galicia en Madrid-Casa de Galicia a súa terceira novela publicada -en realidade a primeira que escribiu, inspirándose na súa tía Lita-, "Los nombres de la tía Lita". Foi editada por Nova Casa Editorial e no acto de presentación participaron, ademais da autora, a xornalista Lola Cintado, o avogado José Manuel Burgos, a tamén autora da mesma editorial Paula de Vera, que interveu sobre os traballos de ambas as escritoras, e o coordinador de Actividades Culturais da Casa de Galicia, Ramón Jiménez, quen o fixo en representación do delegado da Xunta de Galicia en Madrid e director da Casa, José Ramón Ónega.

O Concello de Lugo presenta na Casa de Galicia en Madrid a XV edición de "Arde Lvcvs", que desenvolverá máis de 400 actividades

A concelleira de Cultura de Lugo, Carmen Basadre, o presidente do Concello de Estado, José Manuel Romay, e o delegado da Xunta, José Ramón Ónega.

A concelleira de Cultura, Turismo, Xuventude e Promoción da Lingua de Lugo, Carmen Basadre, presentou hoxe na Delegación da Xunta de Galicia en Madrid-Casa de Galicia o programa de "Arde Lvcvs 2016", que por primeira vez, e coincidindo co seu décimo quinto aniversario, durará catro días, do 16 ao 19 de xuño. A presentación contou coa participación do seu anfitrión, o delegado da Xunta de Galicia en Madrid e director da Casa de Galicia, José Ramón Ónega, tamén lucense, e do presidente do Consello de Estado, José Manuel Romay Beccaría, que clausurou o acto. "Arde Lvcvs" aspira a ser unha das 7 mellores festas de España nun concurso nacional no que se pode participar ata o 31 de decembro na web www.as7mellores.com onde está en primeira posición con máis de 5.200 votos.

A rede de avogados Iurisgal Inolf e Aegama celebran na Casa de Galicia unha xornada de orientación en asuntos internacionais

O presidente de Aegama, Julio Lage, o delegado da Xunta, José Ramón Ónega, e o presidente de Iurisgal, Blas Rivas.j

A rede internacional de avogados Iurigal Inolf, cuxa finalidade é orientar ás pequenas e medianas empresas nos seus procesos de internacionalización, e a Asociación de Empresarios Galegos en Madrid (Aegama) celebraron hoxe na Casa de Galicia en Madrid un encontro no que participaron avogados de máis de 20 países, algúns tan afastados como Australia e Chile. O obxectivo do encontro foi orientar aos asociados de Aegama interesados en temas internacionais, conectándolles cos seus representantes nos países aos que desexan acceder.

Mostrando o intervalo 231 - 240 de 787 resultados.