Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

Actualidade

Mostrando o intervalo 21 - 30 de 787 resultados.

A concelleira de Turismo do Concello de Lugo, Carmen Basadre, presentou na Delegación da Xunta a programación das Festas de San Froilán 2018, con 280 actos para satisfacer a todos os públicos

O xornalista Manuel Lombao, a concelleira de Turismo de Lugo, Carmen Basadre, e o delegado da Xunta, José Ramón Ónega, na presentación.

A concelleira de Turismo, Cultura, Xuventude e Promoción da Lingua do Concello de Lugo, Carmen Basadre, presentou hoxe na Delegación da Xunta en Madrid/Casa de Galicia a programación das Festas de San Froilán 2018, festexos declarados de Interese Turístico Galego e Nacional, que se celebran do 4 ao 12 do próximo mes de outubro e nos que están previsto que se desenvolvan 280 actos, con especial protagonismo dos artistas locais e con gran presenza do Camiño Primitivo. Basadre estivo acompañada na presentación por José Ramón Ónega, delegado da Xunta e director da Casa de Galicia e polo xornalista Manuel Lombao, pregoeiro desta edición. Entre os asistentes achábanse os xornalistas lucenses Pilar Falcón e Elías Rodríguez e o escritor Antonino Nieto.

A escritora lucense Celia Castro Fernández presentou na Delegación da Xunta o seu libro "Pintura y fotografía en el siglo XIX. Una aproximación al arte de Dionisio Fierros"

Celia Castro Fernández, Ramón Jiménez, Víctor Nieto Alcaide e Laura Rodríguez Herrera, coa portada do libro proxectada na pantalla.

A escritora lucense e catedrática de Historia da Arte Celia Castro Fernández presentou hoxe na Delegación da Xunta en Madrid/Casa de Galicia o seu libro "Pintura y fotografía en el siglo XIX. Una aproximación al arte de Dionisio Fierros", unha obra editada por Hércules de Ediciones que demostra a estreita relación que existiu entre a pintura e a fotografía no século XIX en España e a importancia que esta tivo no proceso creativo de moitas pinturas e fai un percorrido pola pintura e a fotografía do século XIX e, en especial, pola obra de Dionisio Fierros.

"Construíndo relacións comerciais e investimentos con Tunes", por Wacef Chiha

1. De esquerda a dereit, o presidente de AEGAMA Julio Lage, o delegado da Xunta en Madrid José Ramón Ónega, o embaixador de Tunes Wacef Chiha, o director de FIPA Ibrahim Medini e a responsable de Comunicación de AEGAMA Isabel Noriega.

A Delegación da Xunta en Madrid/ Casa de Galicia acolleu esta tarde o relatorio "Construíndo relacións comerciais e investimentos con Tunes" que pronunciou o embaixador de Tunes no Reino de España, Wacef Chiha, primeira do ciclo organizado pola Asociación de Empresarios Galegos en Madrid, (AEGAMA) e cuxo obxectivo é profundar no coñecemento de diferentes países e propiciar contactos e relacións comerciais cos seus socios. Preto de medio centenar de asociados achegáronse á Casa para coñecer máis sobre Tunes.

Redes, territorio e memoria centran o XII Congreso Internacional de Estudios Gallegos

O presidente da Real Academia Galega, Víctor Freixanes, o delegado da Xunta e director da Casa de Galicia, José Ramón Ónega, o secretario xeral de Política Lingüística, Valentín García, e a presidenta da AIEG e directora do Centro de Estudos Galegos da Universidade Complutense de Madrid, Carmen Mejía, na inauguración do Congreso.

O secretario xeral de Política Lingüística, Valentín García, e o delegado da Xunta en Madrid, José Ramón Ónega, participaron esta mañá na Delegación da Xunta/Casa de Galicia en Madrid na inauguración do XII Congreso da Asociación Internacional de Estudos Galegos (AIEG), que reúne entre o 10 e o 15 de setembro galicianistas de todo o mundo arredor do tema "Novos horizontes para unha Galicia global: redes, territorio, memoria". Máis de 150 intervencións entre o 10 e o 15 de setembro converterán este encontro de galicianistas en epicentro da investigación sobre lingua, cultura e historia de Galicia.

O pintor colombiano Carlos Santos inaugurou hoxe naDelegación da Xunta/Casa de Galicia a mostra pictórica "Lalín"

O delegado da Xunta, José Ramón Ónega, e o pintor Carlos Santos, ante unha das obras da mostra.

O pintor colombiano Carlos Santos inaugurou hoxe na Delegación da Xunta de Galicia en Madrid/Casa de Galicia a mostra pictórica "Lalín", dedicada á localidade pontevedresa na que reside desde hai tempo -despois de facelo na Coruña- e á súa coñecida festa gastronómica, "O cocido de Lalín". A exposición estará aberta ao público ata o próximo día 29 nas salas A e B da Casa.

Na inauguración interviñeron, ademais do pintor, o delegado da Xunta e director da Casa, José Ramón Ónega, o fotógrafo lalinense Manuel Seixas e a xornalista e presidenta do Club de Xornalistas Galegos en Madrid, Pilar Falcón.

O Concello lucense do Vicedo presentou na Delegación da Xunta en Madrid/Casa de Galicia a celebración da "Romaxe Viquinga 2018"

José Antonio Quelle (Casa da Cultura do Vicedo), o delegado da Xunta en Lugo, José Manuel Balseiro, o alcade do Vicedo, José Jesús Novo, o delegado da Xunta en Madrid, José Ramón Ónega, a cantante Andrea Pousa, o senador José Manuel Barreiro e o actor Bruxo Queiman.

O Concello lucense do Vicedo presentou hoxe na Delegación da Xunta en Madrid/Casa de Galicia a celebración da "Romaxe Viquinga 2018", que terá lugar os días 27 e 28 de xullo e que xurdiu tras o descubrimento dun posible asentamento viquingo no municipio. Na presentación interviñeron o alcalde-presidente do municipio, José Jesús Novo Martínez, o delegado territorial da Xunta de Galicia en Lugo, José Manuel Balseiro Orol, o dúo artístico Queiman e Pousa, en representación da parte artística do evento, o senador José Manuel Barreiro e o delegado da Xunta en Madrid e director da Casa de Galicia, José Ramón Ónega.

Aegama celebra na Delegación da Xunta en Madrid/Casa de Galicia a súa Asemblea Xeral Ordinaria

Na mesa presidencial da Asemblea, Javier Saguar, vicesecretario, Julio Lage, presidente, Jesús Marón, vicetesorero, e Isabel Noriega, vogal responsable de Comunicación e Redes Sociais.

A Asociación de Empresarios Galegos en Madrid ( Aegama) celebrou hoxe na Delegación da Xunta de Galicia en Madrid/Casa de Galicia a súa Asemblea Xeral Ordinaria, conforme ao establecido nos seus Estatutos. Previamente, a súa Xunta Directiva, encabezada polo presidente, Julio Lage, tivo un encontro preparatorio da Asemblea.

 

"Percepcións", de Manuel Carballeira, na Casa de Galicia no mes de xullo

1. Manuel Carballeira ante a súa obra A IDADE DÁ INOCENCIA.

"PERCEPCIÓNS" é o título da mostra de pintura do artista lucense fincado en Valdoviño, Manuel Carballeira, inaugurada esta tarde, na que ofrece a evolución das súas creacións, o perfeccionamento da súa técnica e a gran calidade das súas obras que son homenaxe a Galicia, pintando as súas paisaxes, mares e xentes. No acto, que estivo presidido polo delegado da Xunta en Madrid e director da Casa, José Ramón Ónega, interviñeron: Pedro Taboada Martínez, creador e editor de www.pintoresgallegos.com, e autor do prólogo do catálogo elaborado para a ocasión e o propio artista, Manuel Carballeira.

FAGAMA celebra o Día das Letras na Casa de Galicia cunha conferencia e un concerto

1. De esquerda a dereita Ovidio Cadenas presidente de FAGAMA, José Ramón Ónega delegado da Xunta en Madrid, a escritora Ánxela Gracián e Fernando Gómez secretario de FAGAMA.

Preto dun centenar de persoas socios e amigos dos diferentes centros e asociacións que integran FAGAMA (Federación de Asociacións Galegas en Madrid) déronse cita esta mañá na Delegación da Xunta en Madrid para celebrar o Día dás Letras, coa conferencia "Vida e obra de M.ª Victoria Moreno" que pronunciou a escritora e crítica Literaria, Ánxela Gracián e o concerto a cargo do grupo coruñés "Os do fondo da barra".

A escritora coruñesa Begoña Peñamaría presenta na Delegación da Xunta en Madrid a súa última novela, "Las horas no contadas"

O editor Basilio Cañada, o escritor e crítico literario Vicente Araguas, a escritora e deseñadora Begoña Peñamaría, o expresidente do Consello de Estado José Manuel Romay e o delegado da Xunta en Madrid, José Ramón Ónega, pousan antes do acto.

A escritora e deseñadora de moda coruñesa Begoña Peñamaría Marcos presentou hoxe na Delegación da Xunta en Madrid/Casa de Galicia a súa última novela, "Las horas no contadas", editada por Pigmalión e galardoada co Premio Internacional de Literatura Joven "Lord Byron" 2018, que concede a editorial. Na presentación participaron, xunto coa autora, o delegado da Xunta en Madrid e director da Casa de Galicia, José Ramón Ónega López, o profesor, crítico de arte e escritor Vicente Araguas, que tamén foi membro do xurado que outorgou o premio á novela, o editor, Basilio Cañada, e o expresidente do Consello de Estado, José Manuel Romay Beccaría, que pechou o acto.

Mostrando o intervalo 21 - 30 de 787 resultados.