Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

Actualidade

Mostrando o intervalo 351 - 360 de 848 resultados.

O escultor Xoán Vila inaugurou na Casa de Galicia en Madrid a mostra "O bulebule dos soños"

Xoán Vila e o delegado da Xunta, J.R. Ónega.

Xoán Vila, escultor lucense, inaugurou hoxe na Delegación da Xunta de Galicia en Madrid-Casa de Galicia a exposición de esculturas “O bulebule dos soños”, composta por catorce das súas esculturas en madeira de castiñeiro autóctono de Galicia, policromadas, que poderá verse nas instalacións da Casa ata o próximo 27 de febreiro.

A Casa acolle "Ao meu mundo" de Maica Nöis, ata o día 27

1. Maica Nöis coa súa obra HUELLAS DE LUZ SOBRE LAS ARENAS DEL TIEMPO.

A Casa de Galicia, Delegación da Xunta en Madrid acolle desde hoxe ata o día 27 a exposición de pintura "AO MEU MUNDO- Visións desde o interior, 2011-2016" da polifacética artista Maica Nöis quen toma o seu nome do lugar lucense (entre Foz e Burela) onde pasou a súa infancia, onde volvía cada verán nos primeiros anos e que segue marcando a súa traxectoria creativa e vital.

Preto dun centenar de persoas acudiron ao acto de inauguración no que interviñeron, ademais da autora, o coordinador de Actividades Ramón Jiménez, quen o fixo en nome do delegado da Xunta e director da Casa José Ramón Ónega; a escritora e xornalista Julia Sáez-Angulo, membro da Asociación Internacional de Críticos de Arte e o artista Jaime Galdeano, pintor e ex presidente da Agrupación Española de Acuarelistas.

A Casa de Galicia, escenario dun encontro entre o embaixador de China e directivos e membros da asociación Cátedra China

O delegado da Xunta, José Ramón Ónega, o embaixador Lyu Fan e o presidente de Cátedra Chinesa, Marcelo Muñoz.

A Delegación da Xunta de Galicia en Madrid-Casa de Galicia foi hoxe escenario dun encontro entre o embaixador da República Popular China en España, Lyu Fan, e destacados membros do Claustro Senior da asociación española Cátedra Chinesa, entre eles o seu presidente, Marcelo Muñoz Álvarez, e o seu vicepresidente, o coruñés Víctor Cortizo Rodríguez. O encontro contou coa presenza do delegado da Xunta de Galicia en Madrid e director da Casa, José Ramón Ónega López, anfitrión do acto, e de diversos cargos da Embaixada chinesa, entre outros.

La Casa acolleu hoxe a presentación de "Cuentos de la Mitología Celta" de Alicia Esteban e Mercedes Aguirre

1. Alicia Esteban, Ramón Jiménez, Mercedes Aguirre e José María de la Torre posan sonrintes cos exemplares do libro CUENTOS DE LA MITOLOGÍA CELTA .

A Casa de Galicia, Delegación da Xunta en Madrid, acolleu hoxe a presentación do libro Cuentos de la mitología celta de Alicia Esteban e Mercedes Aguirre, con ilustracións de Patricia Simón, publicado por Edicións de la Torre.

No acto interviñeron ademais das autoras, o coordinador de Actividades Culturais, Ramón Jiménez, quen o fixo en nome do delegado da Xunta e director da Casa José Ramón Ónega, e o editor José María G. de la Torre.

A Xunta colabora con 1,3 millóns de euros co Colexio de Enxeñeiros Navais no control das axudas comunitarias dirixidas ao sector pesqueiro

Maneiro, Ónega, Quintana, Vilches e Llompart (C. de Enxeñeiros N.).

A conselleira do Mar, Rosa Quintana, e o decano presidente do Colexio Oficial de Enxeñeiros Navais e Oceánicos de España, Luis Vilches, asinaron esta mañá un convenio de colaboración entre a Consellería e o Colexiopara realizar accións de valoración, seguimento e control de proxectos de investimentos subvencionables a través do Programa Operativo do Fondo Europeo Marítimo e da Pesca 2014-2020 (FEMP). A esta colaboración a Consellería do Mar destina un importe de 1,3 millóns de euros para as anualidades de 2016, 2017 e 2018.

A Casa de Galicia acolleu a conferencia "As lagoas do éxito", da "coach" Rosa Algarrada

Alonso, Cerdeira, Algarrada, Román e Masager.

A Delegación da Xunta de Galicia en Madrid-Casa de Galicia acolleu hoxe a conferencia "As lagoas do éxito", organizada pola Asociación de Empresarios Galegos en Madrid (Aegama) e Coaching Lyskam e impartida pola "coach" Rosa Algarrada, directora de proxectos de Coaching Lyskam, que se completou coa introdución á temática "O email na actualidade" e a súa validez xurídica, que estivo a cargo da "country manager" de Alinto Ana Román.

A alcaldesa de Mondoñedo, Elena Candia, promociona a súa cidade como destino turístico na Casa de Galicia en Madrid

Os intervenientes na presentación con destacados lucenses que acudiron ao acto.

“Mondoñedo como cidade turística” foi o lema da presentación realizada hoxe pola alcaldesa desta cidade lucense, Elena Candia López, na sede da Delegación da Xunta de Galicia en Madrid-Casa de Galicia, para promocionala turísticamente e dar a coñecer a súa riqueza cultural, patrimonial, artística e de natureza. A alcaldesa estivo acompañada por delegado da Xunta de Galicia en Madrid e director da Casa, José Ramón Ónega López, nun acto que presidiu o presidente do Consello de Estado, José Manuel Romay Beccaría, e ao que acudiron destacados lucenses radicados na capital como os empresarios Francisco Cal Pardo e José Cerdeira, os xornalistas Jenaro Castro e Elías Rodríguez, os deputados Joaquín García Díez e Jaime Eduardo de Olano e o ex alto cargo do Ministerio de Agricultura Francisco José Simón Vila.

A Xunta incrementa nun 10% o orzamento para apoiar o traballo dos consellos reguladores do viño de Galicia

O presidente e o vogal da Asociación Madrileña de Sumilleres, Javier Gila e Manuel Ubago; a directora xeral de Gandería, Agricultura e Industrias Agroalimentarias, Belén do Campo; a vicepresidenta da Federación Internacional de Xornalistas e Escritores do Viño, María Isabel Mijares; o sumiller e autor da Guía Luís Paadin; a conselleira de Medio Rural, Ángeles Vázquez; o delegado da Xunta de Galicia en Madrid, José Ramón Ónega; e o exsumiller de Zalacaín Custodio López.

A conselleira do Medio Rural destacou a aposta do Goberno galego por este sector estratéxico na presentación, na Casa de Galicia en Madrid, da “Guía de vinos, destilados y bodegas de Galicia 2016”, na que estivo acompañada polo delegado da Xunta de Galicia en Madrid e director da Casa, José Ramón Ónega. No 2014 a Administración autonómica concedeu axudas por importe de 1,6 millóns de euros para sufragar os gastos dos controis de calidade, funcionamento e promoción dos consellos reguladores das 5 denominacións de orixe vinícolas de Galicia e da de Augardentes.

Máis de medio centenar de persoas acudieron á presentación do libro "Nacer del fuego" da poeta coruñesa afincada en Madrid, Pepa Nieto

Montero Padilla, Pepa Nieto, Ramón Jiménez e Juan José Martín, de izquierda a derecha.

Máis de medio centenar de persoas acudiron á Casa de Galicia, sede da Delegación da Xunta  en Madrid, esta tarde á presentación do libro "Nacer del fuego" de la polifacética artista coruñesa Pepa Nieto. A obra componse de dúas partes claramente diferenciadas. Na primeira están os poemas eróticos inéditos mentres que na segunda están reunidos os xa publicados en libros anteriores da mesma temática.

A presentación do acto correu a cargo do coordinador de Actividades da Casa Ramón Jiménez, quen o fixo en nome do delegado da Xunta e director da Casa José Ramón Ónega, e contou coas intervencións do profesor e escritor José Montero Padilla, o editor Juan José Martín e a propia autora

As organizacións de empresarios galegos Cofer e Aegama celebran un encontro na Casa de Galicia en Madrid

O presidente da Autoridade Portuaria de Ferrol-San Cibrao, José Manuel Vilariño, o delegado da Xunta de Galicia en Madrid e director da Casa de Galicia, José Ramón Ónega López, o alcalde de Ferrol, Jorge Suárez, o presidente de Cofer, Cristóbal Dobarro, a directora da Oficina do Plan de Reindustrialización de Ferrolterra, Natalia Barros, o presidente da Confederación Empresarial de Madrid (Ceim), Juan Pablo Lázaro, e o presidente de Aegama, Julio Lage.

A Confederación de Empresarios de Ferrolterra, Eume e Ortegal (Cofer), en colaboración coa Asociación de Empresarios Galegos en Madrid (Aegama), celebrou esta tarde na delegación da Xunta de Galicia en Madrid/Casa de Galicia un encontro empresarial de promoción das tres comarcas que axunta Cofer, ao que asistiron numerosos empresarios membros de ambas as organizacións. O obxectivo foi presentar as oportunidades para a implantación empresarial que ofrecen esas comarcas ao empresariado galego en Madrid, en especial as que se refiren a alicerces básicos das súas economías -porto, industria, turismo, estratexias de promoción económica, sector naval e industria enerxética-, os incentivos públicos e as políticas de dinamización económica.

Mostrando o intervalo 351 - 360 de 848 resultados.