Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

Actualidade

Mostrando o intervalo 391 - 400 de 840 resultados.

Cerca de 200 medios e profesionais acoden hoxe á Casa á presentación e cata dos viños ourensanos da D.O. Monterrei

Paadín, Mijares R. Zarraquiños e Ónega brindan polo éxito dos viños da DO Monterrei.

A Casa de Galicia en Madrid acolle hoxe a presentación en Madrid dos viños da Denominación de Orixe Monterrei dirixida a prensa especializada e profesionais do sector, -máis de 200 confirmacións- que consiste nunha xornada de cata -en horario de mañá e tarde- de 51 marcas da colleita 2014, todas elas pertencentes a 20 adegas amparadas pola D.O. Monterrei, e organizada en colaboración coa Asociación Madrileña de Sumilleres.
Unha espectacular imaxe do lagar milenario de granito de Oimbra, (Monterrei), tamaño natural, foi o escenario no que se desenvolveu o acto de presentación no que interviñeron o delegado da Xunta en Madrid e director da Casa José Ramón Ónega López; o enólogo Luis Paadín autor da "Guía de Vinos, Bodegas y Destilados de Galicia", a presidenta da D.O. Asunción Rodríguez Zarraquiños, e a presidenta da Asociación Española de Xornalistas e Escritores do Viño (AEPEV) Isabel Mijares. 

O presidente da Xunta Alberto Núñez Feijóo e a ministra de Fomento Ana Pastor Julián presidiron na Casa a celebración do Día de Galicia en Madrid acompañados polo delegado da Xunta en Madrid e director da Casa José Ramón Ónega López

O presidente Núnez Feijóo, a ministra Ana Pastor e o delegado da Xunta en Madrid José Ramón Ónega posan con todos os galardonados.

O presidente da Xunta, Alberto Núñez Feijóo, destacou hoxe o "traballo diario e honestidade imperturbable" das persoas que axudan a facer "unha Galicia mellor", nacesen ou non nesta comunidade, pois "non" fai falta ser galego para amar Galicia, nin fai falla ser galego para defendela, apoiala e engrandecela.

Feijóo outorgou durante a celebración do Día de Galicia en Madrid, -xunto coa ministra Pastor- as distincións que entrega anualmente a Casa de Galicia a persoas que, dende as súas respectivas responsabilidades, colaboran con este organismo. Todos eles forman parte "dese amplo grupo de galegos, de nacemento ou de adopción, que honrades a Galicia, que facedes da vosa tarefa diaria unha ferramenta para recuperar os mellores valores da nosa terra".
 

"A noite estrelada" de Van Gogh, protagonista no ciclo "Obras mestras da pintura do século XV ao século XX"

Jiménez e Diz, antes da conferencia.

O profesor de arte Diego Diz abordou hoxe na Delegación da Xunta de Galicia en Madrid-Casa de Galicia a cuarta sesión de clases-conferencias que constitúen o ciclo "Obras mestras da pintura do século XV ao século XX". Co título de "A propósito da paisaxe: estudo de A noite estrelada de Van Gogh, 1889" tratou "dos dominios da noite e do anhelo do absoluto", como anunciou o coordinador de Actividades Culturais da Casa, Ramón Jiménez, que presentou a sesión en representación do delegado da Xunta de Galicia en Madrid, José Ramón Ónega.

Aegama celebra na Casa de Galicia en Madrid unha Xornada de Desenvolvemento Empresarial

Un momento da Xornada.

A Asociación de Empresarios Galegos en Madrid (Aegama) celebrou hoxe na Delegación da Xunta de Galicia en Madrid-Casa de Galicia a Xornada de Desenvolvemento Empresarial "Sen cambio nin metas non hai logro", na que o delegado da Xunta en Madrid, José Ramón Ónega, deu a benvida aos participantes.

O pintor lucense Jorge Espiral recrea os seus temas predilectos na mostra que exhibe na Casa de Galicia en Madrid

J. Espiral ante un políptico coas súas obras.

Baixo o título de "Se non volves e se te perdes", o pintor lucense Jorge Espiral -nome artístico de Jorge López Pérez- presenta en dúas das salas da Delegación da Xunta de Galicia en Madrid-Casa de Galicia unha mostra da súa obra composta por acrílicos sobre lenzo montados sobre polípticos nos que recrea os seus temas predilectos: toureiros, meninas, boxeadores e bodegóns de obxectos cotiáns, entre outros. A exposición pode visitarse ata o próximo día 31.

A Casa acolleu hoxe a presentación de "Qué es la fotografía" do profesor pontevedrés da Complutense Francisco R. Pastoriza

Pastoriza, Jiménez e Ortega, minutos antes da presentación.

"Qué es la fotografía", é o título do último libro do profesor da Universidade Complutense de Madrid, o pontevedrés de Bueu, Francisco Rodríguez Pastoriza, que se presentou hoxe na Casa de Galicia, delegación da Xunta de Galicia en Madrid. Pastoriza, profesor de Fotografía Informativa ofrece nesta obra, editada por Lunwerg, unha breve historia dos xéneros, movementos e grandes autores desta manifestación artística. Na presentación, ademais do autor, interviñeron o director da editorial Javier Ortega; así como o coordinador de Actividades da Casa Ramón Jiménez, quen o fixo en nome do delegado da Xunta en Madrid e director da Casa José Ramón Ónega.

Un proyecto solidario que aunará no Camino de Santiago o deporte e a solidaridade e difundirá os valores xacobeos

Viñas, Ónega, Castro e Rodríguez.

A directora de Turismo de Galicia, Nava Castro, presentou hoxe o proxecto ‘El reto del Camino’, na Casa de Galicia en Madrid. A presentación contou tamén coa participación do delegado da Xunta en Madrid e director da Casa de Galicia, José Ramón Ónega; da directora de Tee Travel, Mar Rodríguez; e da protagonista do reto, a ultramaratoniana Mariluz Viñas.

FAGAMA celebra na Casa de Galicia en Madrid o seu particular homenaxe ás Letras Galegas

Os protagonistas do acto.

A Federación de Asociacións Galegas en Madrid (Fagama), que preside Ovidio Cadenas e aglutina a oito centros galegos en Madrid, celebrou hoxe na Delegación da Xunta de Galicia en Madrid-Casa de Galicia o seu particular homenaxe ás Letras Galegas e a Xosé Fernando Filgueira Valverde, a quen están dedicadas nesta edición de 2015.

Presentan na Casa de Galicia en Madrid o libro "Pasiones, miserias y otras nostalgias", de Luis Miguel Sánchez

Tante, Sánchez, Jiménez, Gallardo e Pérez Poza.

A Delegación da Xunta de Galicia en Madrid-Casa de Galicia acolleu hoxe a presentación do libro de relatos "Pasiones, miserias y otras nostalgias", de Luis Miguel Sánchez, editado por El Taller del Poeta. No acto interviñeron, ademais do autor, as escritoras Nieves Gallardo Cañaveras e Beatriz Tante, o editor e poeta Fernando Luis Pérez Poza, Almudena García, que leu algúns dos relatos, e o coordinador de actividades da Casa, Ramón Jiménez, en representación do delegado da Xunta, José Ramón Ónega.

Presentación na Casa do libro de poemas "Todas las estrellas solitarias" de Miguel Losada

De esquerda a dereita, Pepa Nieto, Ramón Jiménez, Miguel Losada e Pablo Méndez.

"Todas las estrelas solitarias" é o título do libro de poesía de Miguel Losada presentado hoxe na delegación da Xunta de Galicia en Madrid, Casa de Galicia. A obra, editada por Vitruvio, é unha antoloxía do escritor vigués que recolle toda a súa produción e inclúe varios textos inéditos. No acto interveñeron o coordinador de Actividades da Casa Ramón Jiménez; o editor Pablo Méndez; as poetas Beatriz Hernanz  e Pepa Nieto, ademais do propio autor Miguel Losada.

Mostrando o intervalo 391 - 400 de 840 resultados.