Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

Actualidade

Mostrando o intervalo 441 - 450 de 846 resultados.

O Grupo de Acción Costeira GAC4 presentou na Casa de Galicia en Madrid el programa MarGalaica Ensina, de turismo escolar

Oviedo, Rodríguez, Ónega e De Blas.

O Grupo de Acción Costeira GAC4 presentou esta mañá na Delegación da Xunta de Galicia en Madrid-Casa de Galicia o Programa MarGalaica Ensina, de turismo escolar, nun acto no que participaron a subdirectora de Economía Pesqueira do Ministerio de Agricultura, Alimentación e Medio, Aurora de Blas Carbonero, a directora xeneral de Desenvolvemento Pesqueiro da Xunta de Galicia, Susana Rodríguez Carballo, e a xerente do Grupo de Desenvolvemento Pesqueiro de Fisterra, Ría de Muros-Noia (GAC4), Manuela Oviedo Hermida. Relatores e asistentes foron recibidos polo delegado da Xunta de Galicia en Madrid, José Ramón Ónega, que lles deu a benvida á Casa e resaltou a importancia do labor que desenvolven.

O ILUSIONISTA PONTEVEDRÉS LUIS BOYANO VOLVEU DELEITAR AO PÚBLICO NA CASA DE GALICIA EN MADRID

Un momento do espectáculo, con público.

O recoñecido ilusionista pontevedrés Luis Boyano volveu sorprender na Delegación da Xunta de Galicia en Madrid-Casa de Galicia co espectáculo teatral "30 anos de maxia e humor" co que esta tarde fixo as delicias do numeroso público que acudiu á convocatoria, moitos dos cales recordaban outra exitosa actuación súa no mesmo escenario, hai máis de dous anos.

Máis dun centenar de persoas na Casa hoxe na presentación do libro "GALICIA ENTRE COPAS. Un viaje fascinante por los mejores vinos del fin del mundo" de Mariano Fisac

De esquerda a dereita: Pepe Solla, Orlando Lumbreras, Ana Rodríguez Barrena, Mariano Fisac e Laura Rodríguez Herrera, pouco antes da presentación.

A delegación da Xunta en Madrid, Casa de Galicia, acolleu esta tarde a presentación do libro "GALICIA ENTRE COPAS. Un viaje fascinante por los mejores vinos del fin del mundo", de Mariano Fisac, unha publicación de Hércules de Ediciones concibida como unha guía de viaxes por Galicia, que pode facerse "con mochila e garfo, ou dende a casa, copa a copa".

Destacados relatores ilustraron sobre a arbitraxe comercial na mesa redonda "Arbitraxe e competitividade empresarial"

Participantes e organizadores.

A Asociación de Empresarios Galegos en Madrid (Aegama), en colaboración coa Corte Española de Arbitraxe organizou a mesa redonda  "Arbitraxe e competitividade empresarial" que se celebrou hoxe na Delegación da Xunta de Galicia en Madrid-Casa de Galicia, na que se ilustrou os numerosos asistentes, a maior parte deles empresarios, sobre a arbitraxe comercial.

A exposición itinerante "Manuel Rodríguez López. Emigrante galego, poeta obreiro" recala en la Casa de Galicia en Madrid

Xiz, Mato, López, Jiménez e Giz.

A figura do poeta lucense Manuel Oreste Rodríguez López (1934-1990) é protagonista da exposición itinerante "Manuel Rodríguez López. Emigrante galego, poeta obreiro" que se inaugurou hoxe na Delegación da Xunta de Galicia en Madrid-Casa de Galicia co obxectivo de difundir a vida e obra do escritor de Paradela (Lugo) que a dicir de Méndez Ferrín, na súa tese "De Pondal a Novoneyra" é o máis grande poeta obreiro de Galicia da segunda metade do século XX. Foi organizada por GaliciaDigital coa colaboración da familia do escritor, o Concello de Paradela, a Consellería de Cultura, Educación e Ordenación Universitaria da Xunta de Galicia, a Deputación Provincial de Lugo e a Real Academia Galega.

A mostra "Realismo contemporáneo" de Belén Fernández Vigo, na Casa de Galicia ata o 28 de marzo

A pintora coa obra Muíños antigos en fornela azul.

A delegación da Xunta de Galicia en Madrid, Casa de Galicia, acolle ata o día 28 a exposición de pintura "REALISMO CONTEMPORÁNEO", da artista ferrolana afincada en Madrid Belén Fernández Vigo. O seu amor pola beleza é o denominador común de todos os seus cadros. O acto de inauguración correu a cargo do coordinador de Actividades Culturais da institución galega, Ramón Jiménez Pérez e nel interveu tamén a propia pintora Belén Fernández Vigo.

Presentouse na Casa de Galicia en Madrid o libro ilustrado "Man y Bel", de Ana Asparouhova

A autora cunha recreación dos seus personaxes .

Dous cans de raza grifón son os protagonistas do libro ilustrado "Man e Bel", que se presentou esta tarde na Delegación da Xunta de Galicia en Madrid-Casa de Galicia. Editado por Sial Pigmalion, está escrito e ilustrado pola artista plástica e deseñadora de moda Ana Asparouhova, que sentiu a necesidade de compartir as súas vivencias persoais cos seus amigos caninos, dirixíndoas "aos amantes do mellor amigo do home, a pequenos e grandes". O libro inclúe breves informes da orixe e singularidades desta raza canina que aparece, entre outros cadros, en "A voda de Arnolfini e Goivanna Cenani" (1434), do pintor flamenco Jan van Eyck.

JOSÉ RAMÓN ÓNEGA PRESIDIU, EN REPRESENTACIÓN DE NÚÑEZ FEIJÓO, OS PREMIOS VITORIANO REINOSO

O delegado da Xunta en Madrid e director da Casa de Galicia José Ramón Ónega López presidiu hoxe, en representación de Núñez Feijóo -por encontrarse de viaxe oficial no exterior-, os premios Victoriano Reinoso, galardón que outorga a Asociación de Empresarios Galegos en Madrid AEGAMA e que nesta IX edición a distinguida foi a presidenta da Comisión Nacional do Mercado de Valores, Elvira Rodríguez.

"El contubernio de Lisboa" de Jesús Arsenio Díaz é un thriller en clave de humor que retrata a realidade social dos sesenta

Araguas, Jiménez, Arsenio Díaz e Rodríguez Cañada na presentación.

“Este libro naceu coa pretensión de ser unha obra seria, sensata e prudente... pero, como a cabra tira ao monte, foise configurando como unha caricatura esperpéntica do que foi a sociedade española pequeno-burguesa da segunda metade do século XX”. Con estas palabras definiu o arquitecto e escritor coruñés Jesús Arsenio Díaz, “El contubernio de Lisboa” na presentación da obra na delegación da Xunta en Madrid, Casa de Galicia.  No acto, ao que acudiron preto dun centenar de persoas -entre elas os deputados Juan de Dios Ruano e Guillermo Collarte-, interviñeron tamén o coordinador de Actividades da Casa Ramón Jiménez; o escritor e crítico literario Vicente Araguas; e o editor Basilio Rodríguez Cañada.

Chega a Madrid "El Quijote de madera" primeira novela do urólogo santiagués afincado en Lugo, Francisco Javier Neira Pampín

Neira, Ónega e Xiz, na Casa, pouco antes de principiar o acto.

O asasinato dunha moza a beira do Sar conmove a sociedade da Compostela dos anos sesenta na que se desenvolve o feito e convirte en protagonistas a moitos dos seus veciños. Esta podería ser a síntese de "El Quijote de madera", primeira novela do urólogo santiagués afincado en Lugo Francisco Javier Neira Pampín que se presentou hoxe na delegación da Xunta en Madrid, Casa de Galicia. No acto, presidido polo delegado da Xunta en Madrid e director da Casa José Ramón Ónega, interviñeron o xornalista e editor Xulio Xiz, e o autor Francisco Javier Neira Pampín.

Mostrando o intervalo 441 - 450 de 846 resultados.