Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

Actualidade

Mostrando o intervalo 641 - 650 de 848 resultados.

Caino expón en Madrid "As cores da memoria"

Caino e Jiménez na presentación

A sala A da delegación da Xunta de Galicia en Madrid acolleu esta tarde a inauguración da mostra de pintura "AS CORES DA MEMORIA", do artista de Baiona, Claudio Vasconcelos Caino, un pintor de formación autodidacta que persegue a harmonía e a tenrura para plasmala nos seus cadros, especialmente nas caras que evocan as do mestre Mateo no Pórtico da Gloria

Máis de doscientos profesionais vitivinícolas acudiron a cata de viños, destilados e espumosos organizada na Casa

Presentación Guía javier Gila, Luis Paadín, Ónega e Pepe Lorenzo

A Casa de Galicia, delegación da Xunta en Madrid acolleu durante a xornada de hoxe a cata sobre a máis ampla mostra realizada ata agora con viños, destilados e escumosos galegos, ou "túnel de viños" como denominan no argot á cata libre. Este tipo de eventos realízanse só para profesionais con acreditación previa, xornalistas, críticos, distribuidores e exportadores, pero sen a presenza de bodegueiros, para que a s catas sexan "totalmente libres".

Presentación do libro "A Muralla Co-habitada" da mostra realizada para conmemorar o X Aniversario da declaración da Muralla pola UNESCO como Patrimonio da Humanidade

Mesa con Reigosa, Ónega, Marta e Jiménez+foto Marta

A delegación da Xunta en Madrid acolleu esta tarde a presentación do libro "A muralla cohabitada", que recolle medio centenar de fotografías que incialmente integraron unha exposición realizada polo fotógrafo Xosé Reigosa, para conmemorar o X Aniversario de que a Muralla lucense tivese sido declarada pola Unesco como Patrimonio da Humanidade. A exposición formábana 50 fotografías de persoas de todos os ámbitos que teñen en común a súa vinculación coa cidade, e a singular visión do fotógrafo que captou "a co-habitación entre o artista, o entorno e a persoa que posaba". A mostra puido materializarse en libro ao contar o autor coa colaboración do Concello e a Deputación lucenses.

As instalacións da Xunta en Madrid acolleron hoxe a xornada de traballo do equipo Novedar-Consolider con directivos de empresas de tratamento de augas

Ónega se diríxese aos directivos

Durante o día de hoxe, dende a mañá ata ben entrada a tarde, a Sala L da Casa de Galicia acolleu a reunión que o equipo Novedar-Consolider tivo con directivos das empresas de tratamentos de augas máis importantes deste momento (Aqualia, Abengoa Water, Acciona, Aqualogy, OHL/Inima, Isolux Corsan, Drace). O delegado da Xunta en Madrid e director da Casa, José Ramón Ónega deulles a benvida, "porque é unha directriz da Xunta e do seu presidente, apoiar a investigación, a universidade, as empresas... Teñen vostedes as portas abertas". 

Santiago presentou a súa Semana Santa en Madrid

Reyes Leis y José ramón Ónega

A Casa de Galicia acolleu esta mañá a presentación da Semana Santa de Santiago, un acto organizado por Turismo de Santiago en colaboración coas cofradias da cidade, cuxo obxectivo é incentivar o mercado nacional e propoñer Compostela como destino turístico nestas datas. Un pequeno documental con imaxes dos pasos e de diferentes actividades paralelas ilustrou o que o "viaxeiro pode encontrar" na capital galega.

Juan Ignacio Mascareñas presentou na Casa "Historia de Bélmetor"

Mascareñas, Jimenez, Merchan y Pastor

A delegación da Xunta en Madrid acolleu a presentación do libro "HISTORIA DE BÉLMETOR", de Juan Ignacio Mascareñas. No acto interviñeron, ademais do autor, o coordinador de actividades da Casa, Ramón Jiménez, o escritor Faustino Merchán Gabaldón, e o editor de Opera Prima, Edición persoal, Antonio Pastor Bustamante. O autor, Juan Ignacio Mascareñas Alonso, nacido en Allariz, santiagués de adopción e residente en Madrid, centra a súa obra na "entrañable Compostela, cos seus días e chuvias, as súas historias e amores" e está protagonizado por un ser tetramorfo, con catro personalidades, como a maioría da xente, "que leva dentro múltiples persoas".

Feijóo avoga pola rebeldía constructiva con solucións e argumentos para superar estes momentos de dificultades

Santín, Feijóo, Romay y Ónega

O presidente do Goberno galego, Alberto Núñez Feijóo, avogou, esta tarde na Xunta de Galicia en Madrid,  durante o acto de presentación do libro Análisis de una época de Enrique Santín, pola rebeldía construtiva, con solucións e argumentos para superar estes momentos de dificultades. Ver vídeo do acto.

O humorista gráfico "Rufus" publica as súas sátiras na Casa de Galicia en Madrid, presentado por Villanueva e Patiño

Fdez.Ortega, Patiño, Falcón, Reigosa, Ónega e Villanueva.

A Casa de Galicia-Delegación da Xunta de Galicia en Madrid acolle, dende hoxe e ata o próximo día 31, unha mostra da obra máis recente do humorista gráfico "Rufus", que dende o ano 1979 publica en diversos medios de comunicación. Os seus creadores, o escritor e xornalista lucense Carlos G. Reigosa e o pintor e infógrafo cántabro Leopoldo Fernández Ortega, fixeron unha ampla selección das sátiras que máis encaixan coa actualidade para publicalas nunha das salas de exposicións da Casa.

Exposición "Nova Obra" de Amador García Giménez, ata o 31 de marzo

´Ramón Jiménez co pintor Amador García

A exposición de pintura “Nova Obra”, de Amador García Giménez ocupará desde hoxe martes 5 ata o día 31 de marzo a Sala A da Casa de Galicia, delegación da Xunta en Madrid. O artista aragonés, de ascendencia galega, e que  actualmente reside nun pequeno pobo da provincia de Segovia, preséntanos unha colección de cadros nos que ofrece os seus sentimentos cunha pintura chea de soños, seres reais e fantásticos.

Ónega entrega a Miras Portugal o "Madrigallego de Ouro" ao Mérito Público que lle concedeu a Enxenbre Orden dá Vieira

Ónega, Miras Portugal e Fernando Ramos, de Cliner.

 O delegado da Xunta de Galicia en Madrid e director da Casa de Galicia, José Ramón Ónega, foi o encargado de entregar a distinción de Madrigallego de Oro ao Mérito Público que a Enxebre Orden dá Vieira concedeu ao director xeral de Migracións, Aurelio Miras Portugal, con ocasión da celebración do seu XLVI Capítulo Xeral, que tivo lugar en Madrid o sábado 2 de marzo de 2013 co lema "Emprendedor, orgullo de Galicia". Entre as preto de trescentas persoas que asistiron ao acto estaban o director xeral de Emigración da Xunta de Galicia, Antonio Rodríguez Miranda, e Leopoldo Calvo Sotelo, marqués da Ría de Ribadeo e letrado maior do Consello de Estado, que acompañan a Ónega na fotos xunto a outros profesionais e empresarios.

Mostrando o intervalo 641 - 650 de 848 resultados.