Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

Actualidade

Mostrando o intervalo 681 - 690 de 848 resultados.

A pintora galega Marta Cabaleiro expón o seu colorista obra na Casa de Galicia en Madrid ata finais de mes

Marta Cabaleiro ante unha das súas obras.

A pintora galega Marta Cabaleiro, natural do Porriño (Pontevedra), expón o seu colorista obra na Casa de Galicia-Delegación da Xunta de Galicia en Madrid dende hoxe e ata o próximo día 30. Trátase dunha mostra composta por obras -acrílicos sobre lenzos- inspiradas na natureza de Galicia, os seus bosques, o mar, as Illas Cíes, que inclúe tamén representacións florais en macetas.

La delegación de la Xunta en Madrid acogió hoy la "Jornada sobre Arbitraje Tributario", organizada por la Asociación Española de Asesores Fiscales

Participantes en la jornada

La sede de la delegación de la Xunta en Madrid acogió esta mañana la “Jornada sobre Arbitraje Tributario”, organizada por la Asociación Española de Asesores Fiscales, en la que participaron profesionales del sector de diferentes países. El delegado, José Ramón Ónega les dirigió unas palabras de bienvenida y agradeció “el gesto de haber elegido nuestra institución para avanzar en este campo tan complejo”. Inicialmente, el encuentro estaba previsto que se realizara en Galicia, de donde son parte de los organizadores y el patrocinador, Cortizo, pero “por cuestiones de logística, dado que algunos de los ponentes vienen del extranjero, se optó por convocarla en Madrid”.

A exposicición "A realidade ao descuberto" de Soledad Fernández estará na delegación da Xunta en Madrid ata o día 30 deste mes

Ónega dirixe unhas palabras no acto de inauguración con Jiménez (dereita), Soledad Fernández, Javier Fernández Arribas e Antonio Amor (marido da pintora)

No acto de inauguración interviñeron o delegado da Xunta en Madrid, José Ramón Ónega López, o xornalista e escritor, Javier Fernández Arribas, o coordinador de Actividades Culturais, Ramón Jiménez Pérez e a propia autora, Soledad Fernández. "Soledad transforma a realidade para revestila de alma, vida e beleza. A arte non é nada sen alma", dixo Ónega na súa presentación, antes de ceder a palabra a Jiménez, quen contou na súa intervención cómo chegou a mostra á Casa, fai diso máis dun ano. “Presentóuseme como unha pintora madrileña filla de galegos, co que cumpría perfectamente os requisitos para mostrar os seus cadros nas nosas instalacións. Non moito despois fíxome chegar a documentación gráfica da súa obra, e quedei abraiado, máis ou menos como quen entre agora nesta Sala e se encontre de golpe con estas marabillas colgantes das paredes, como xardíns de Babilonia só que en versión cadros vestidos de nus".

A Casa de Galicia ofreceu o concerto de jazz "Sons da terra", de Baldo Martínez y Carlo Actis

O Dúo, nun momento de súa actuación.

A Casa de Galicia en Madrid ofreceu esta tarde o concerto de jazz "Sons da terra", o último traballo do Dúo Baldo Martínez (contrabaixo) e Carlo Actis Dato (clarinete baixo e saxo barítono), un dos máis interesantes do jazz europeo actual, que se inspirou en músicas tan dispares como a folclórica galega e italiana, lugares de procedencia do dúo, e tamén doutros países mediterráneos e cubana, xunto coa contemporánea, para incorporalas á súa linguaxe libre do jazz.

O presidente do Casino de Madrid, Mariano Turiel de Castro, ofreceu na Casa o recital "Dicir o Verso", cunha coidada selección deténdose especialmente na obra de Rosalía

Mariano Turiel e José Ramón Ónega

- "Os poetas son os homes que conservaron os seus ollos de neno", dixo o delegado da Xunta de Galicia e director da Casa, José Ramón Ónega, citando a Daudet, no recital poético "DICIR O VERSO" que ofreceu o presidente do Casino de Madrid, Mariano Turiel de Castro, co subtítulo "Un percorrido, a grandes pasos, pola poesía española".

Ónega destacou "só algúns dos datos máis importantes da ampla traxectoria profesional de Turiel porque el suplicóume que fose o máis breve posible na súa presentación, para deixar máis tempo para o recital e paréceme ben e así o farei". Destacou, unicamente, que Mariano Turiel de Castro é doutor en Farmacia. Foi moitos anos profesor da Universidade Complutense de Madrid. É xornalista en activo e dende fai moito tempo colaborador permanente en prensa, radio e televisión.

A Casa de Galicia en Madrid ofrece, en colaboración co Centro Galego de Móstoles, unha mostra de encaixe de palillos e Patchwork

O presidente do Centro Galego de Móstoles Francisco Rodríguez Santiago e a coordinadora de Actividades da Xunta, Ana Rodríguez Barrena nun momento da inauguración

Dende hoxe mércores día 3 ata o domingo 14 deste mes, a Sala B da Casa de Galicia acollerá a exposición de palillos e patchwork, realizada en colaboración co Centro Galego de Móstoles. A mostra, que exhibe preto dun centenar de pezas elaboradas de forma artesanal, contará tamén con talleres en directo que as socias do Centro ofrecerán in situ, de forma gratuíta, a cantas persoas mostren interese, especialmente os xoves e venres.

No acto de inauguración interviñeron a coordinadora de Actividades da Xunta en Madrid, Ana Rodríguez Barrena, quen pronunciou unhas palabras de benvida en nome do delegado, -por encontrarse de viaxe-, e o presidente do Centro Galego de Móstoles, Francisco Rodríguez Santiago.

A CASA DE GALICIA EN MADRID ACOLLEU UN CONCERTO DE AUTOR, POP-ROCK, DO MÚSICO GALEGO AL VILA

Al Vila nun momento do concerto.

 A Casa de Galicia en Madrid acolleu esta tarde un concerto de autor (pop-rock) do músico galego Al Vila, que interpretou unha ampla selección dos seus temas máis emblemáticos e dos que recollerá no seu próximo e terceiro disco, "Inventándonos”, que se acha en fase de preparación e ten previsto saír ao mercado o próximo mes de decembro. Tres deses novos temas poden escoitarse na web do músico (www.alvila.es).

A ministra Ana Pastor presenta na Casa de Galicia "Escritos con el corazón. Crónicas galeguileñas", de Francisco R. García Fernández

Chegada da ministra Ana Pastor á Casa de Galicia.

A ministra de Fomento, Ana Pastor, presidiu hoxe na Casa de Galicia-Delegación da Xunta de Galicia en Madrid o acto de presentación do libro "Escritos co corazón. Crónicas galeguileñas", un conxunto de artigos publicados na prensa galega polo recoñecido cardiólogo compostelán Francisco R. García Fernández, que está prologado polo presidente da Xunta de Galicia, Alberto Núñez Feijóo. Ademais da ministra e do autor do libro, interviñeron no acto o delegado da Xunta de Galicia en Madrid, José Ramón Ónega, o profesor de Lingüística e Literatura Española da Universidade de Educación a distancia (UNED) Teudiselo Chacón e Teresa García Alonso, filla do autor, que leu o prólogo da obra. Entre o público que encheu as instalacións da Casa estaban a presidenta da Comisión de Economía do Congreso, Elvira Rodríguez, o deputado rexional Pedro Núñez Morgades e o director xeral de Migracións, Aurelio Miras Portugal.

Sergio Franqueira trouxo a música de Albéniz a Casa de Galicia sobre transcripcións das partituras

De esquerda a dereita José Ramón Ónega, o guitarrista Sergio Franqueira e Ramón Jiménez instantes antes da actuación

 

Madrid, 17 de setembro de 2012.Baixo o título "Isaac Albéniz: Recordos de España" o guitarrista coruñés Sergio Franqueira Barca interpretou un amplo repertorio do insigne compositor en cuxa música é especialista. Franqueira Barca é Titulado Superior en Guitarra Clásica polo Conservatorio Superior da Coruña. Actualmente traballa como profesor do Conservatorio Profesional de Música de Melide.
 
O delegado da Xunta e director da Casa, José Ramón Ónega López presidiu o acto e a presentación realizouna o coordinador de Actividades Culturais, Ramón Jiménez Pérez. Ónega, tras dar a benvida e as grazas ás persoas que decidiron nunha tarde como a de hoxe achegarse á Casa a escoitar a "un novo pero xa consolidado valor. De feito é un dos obxectivos que temos na Casa, potenciar os novos valores de todos os campos, onde por suposto está o musical,". Neste sentido, o delegado, antes de ceder a palabra a Jiménez, recordou as palabras de Cervantes no Quixote cando dicía que "a música compón os ánimos descompostos e alivia os traballos que nacen do espírito".

Manoel Bonabal inaugura en Madrid a súa mostra "Pingas Gravados"

Bonabal, xunto con Jiménez, explica o proceso do gravado

O son dunhas gotas de auga con eco inundou a Sala L da Casa para ambientar o acto de inauguración da mostra "Pingas Gravados", de Manoel Bonabal coas que rende homenaxe á súa cidade, Compostela. "O motivo que hoxe nos reúne aquí é un dos máis nobres que poidan alegarse. Chámase A ARTE, con maiúsculas, pois de cando en vez un ten a satisfacción de encontrarse polo camiño da vida cun verdadeiro artista e entón paga a pena facer unha pausa e conversar un anaco con el e coas súas obras", dixo o coordinador de Actividades da Xunta en Madrid, Ramón Jiménez no acto de presentación da obra de Manoel Bonabal. Trátase dunha orixinal exposición inspirada na chuvia de Santiago e das súas rúas, como unha resposta á identidade da cidade e as súas xentes. As gotas son as protagonistas, de aí o seu título pinga, gota en galego.

Mostrando o intervalo 681 - 690 de 848 resultados.