Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

Actualidade

Mostrando o intervalo 831 - 840 de 846 resultados.

O presidente da Xunta é nomeado Socio de honor da Asociación de Juristas Gallegos en Madrid

Intervención do presidente da Xunta de Galicia

O presidente da Xunta de Galicia, Alberto Núñez Feijóo, destacou hoxe, durante o acto no que foi nomeado Socio de honor da Asociación de Juristas Gallegos en Madrid, que "a liberdade non é posible máis que naqueles países nos que o dereito predomina sobre as paixóns". Durante o acto, o mandatario galego avogou así por "velar activamente polo Estado de Dereito" desde as súas responsabilidades e "confiar sempre en que tamén outros o fagan".

A Casa de Galicia segue ofrecendo o segundo ciclo de clases-conferencia "O espertar da mirada: Obras mestras da arte occidental"

Momento durante a presentación do ciclo de conferencias

A Casa de Galicia, delegación da Xunta de Galicia en Madrid, acolleu a segunda clase-conferencia do ciclo titulado "O espertar da mirada: obras mestras da arte occidental", ofrecida hoxe polo profesor de Arte e director de cine, Diego Diz quen analizou os retratos femininos de Palma o Vello, Degas e Beckman. O ciclo programado inaugurouse o 15 de decembro de 2010 cun tratado sobre retratos masculinos realizados por Rafael, El Greco e Kokoschka que expuxo o profesor Diz, autor anteriormente na Casa do ciclo "Tradición e Modernidade: O diálogo permanente".

Ángeles Caso amadriña na Casa de Galicia a presentación do libro "99 cartas a Kafka", da escritora coruñesa Cristina Fufé

A autora da obra

A escritora Ángeles Caso amadriñó hoxe a presentación na Casa de Galicia de Madrid do libro "99 cartas a Kafka", primeira novela da escritora coruñesa Cristina Gufé, editado por Sial Ediciones. No acto participaron tamén Miguel Anxo Fernán Vello, poeta e prologuista do libro, Basilio Rodríguez Cañada, editor e presidente do PEN Club de España, e a autora da obra, que foron presentados polo coordinador de Actividades da Casa, Ramón Jiménez.

"Creando Especies", singular exposición do artista Herikberto M. Quesada na Casa de Galicia en Madrid

O autor das obras expostas

Herikberto M. Quesada, artista conceptual galego interesado na ficción e na evolución biolóxica, que se define como "un creador de especies", inaugurou hoxe nas instalacións da Casa de Galicia en Madrid unha singular e inquietante exposición de pintura, escultura e fotografía dixital na que recrea estrañas criaturas e deseños biolóxicos, mesmo a autopsia dun extraterrestre, seres que protagonizan gran parte da mostra, que poderá verse ata o 29 de xaneiro de 2011.

"Arousa", do artista de Ribeira Antonio Pérez, primeira mostra pictórica do ano na Casa de Galicia en Madrid

O autor con unha das súas obras

A delegación da Xunta de Galicia en Madrid acolleu hoxe a inauguración da mostra "Arousa", do artista de Ribeira Antonio Pérez, a primeira do ano. O acto correu a cargo do coordinador de Actividades Culturais, Ramón Jiménez, quen recordou nas súas palabras como o autor naceu no seo dunha familia mariñeira e xa dende pequeno traballou co seu pai nunha dorna aprendendo distintas artes de pesca. De aí vénlle a súa paixón polo mar.

O Delegado da Xunta en Madrid recolleu, en nome do Presidente, o premio "Ó mellor político de 2009" da XXXIV edición dos premios de Cambio 16

O Delegado da Xunta de Galicia en Madrid, José Ramón Ónega na entrega de premios de Cambio 16

O presidente de Galicia, Alberto Núñez Feijóo, foi distinguido co Premio "Ó mellor Político 2009" da XXXIV Edición dos Premios de Cambio 16 ("Os mellores de Cambio 2009"). Dado que a súa axenda de traballo non lle permitiu viaxar a Madrid, no seu nome recolleuno o delegado da Xunta en Madrid e director da Casa de Galicia, José Ramón Ónega López.

Mais dun centenar de persoas asistiron á Casa de Galicia para gozar do concerto de Nadal que ofreceu Noemi Mazoy

Noemi Mazoy e Alberto Lozano

A soprano e actriz lucense Noemi Mazoy ofreceu na Casa de Galicia en Madrid o concerto "Tempo de Nadal", ao que asistiron preto de 150 persoas, entre elas as tres das pequenas protagonistas do musical Annie -actualmente en cartel en Madrid-, para gozar de "un concerto para todos os públicos, en todos os sentidos," pois así o desexaba a artista invitada, xa que grazas á súa versatilidade puido ofrecer unha gran variedade de tipos de rexistros, de estilos e músicas.

A Casa de Galicia acolleu a presentación da novela, "Mateo, o mestre de Compostela", de Antonio Costa

Momento da presentación da novela

A sala A da delegación da Xunta de Galicia en Madrid, acolleu a presentación da primeira novela que recrea "a apaixonante biografía do Mestre Mateo, un artista, que se adiantou ao seu tempo". No acto, participaron o coordinador de Actividades Culturais da Casa, Ramón Jiménez; o editor de Nowtilus, Santos Rodríguez; os escritores, Miguel Ángel Almodóvar e José Luis Torres Vitolas e o propio autor, Antonio Costa.

A Casa de Galicia acolleu a presentación do libro "Yantares Galegos. Historia da dieta atlántica", de Xavier Castro

O delegado da Xunta de Galicia en Madrid saudando ó autor

A Casa de Galicia, Delegación da Xunta de Galicia en Madrid, acolleu hoxe a presentación do libro "Yantares galegos. Historia da dieta atlántica", de Xavier Castro, escritor e catedrático de Escola Universitaria de Historia Contemporánea na Universidade de Santiago e autor de varias publicacións sobre a historia da alimentación.

"O Espertar da Mirada: obras mestras da arte occidental", ciclo de conferencias de arte na Casa de Galicia

Momento durante a presentación do ciclo de conferencias

A Casa de Galicia, Delegación da Xunta en Madrid, iniciou hoxe o ciclo de conferencias de arte "O espertar da mirada: obras mestras da arte occidental", a cargo do profesor de Arte Diego Diz Rodríguez. O ciclo componse de sete conferencias, cunha periodicidade aproximada dunha por mes, nas que Diz comparará tres cadros dunha mesma temática pero de distintas épocas analizando o enfoque e as técnicas que se usan en cada momento.

Mostrando o intervalo 831 - 840 de 846 resultados.