Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

Actualidade

Mostrando o intervalo 331 - 340 de 852 resultados.

Salgado enxalza na Casa a actividade do INTECMAR, considerado referencia mundial no control dos ecosistemas marinos

  De esquerda a dereita, Covadonga Salgado, Rosa Quintana, José Manuel Romay, José Ramón Ónega e Antonio Villalba.

A  directora do Instituto Tecnolóxico para o Control do Medio Mariño de Galicia (INTECMAR), Covadonga Salgado, impartiu esta tarde a conferencia "O Instituto Tecnolóxico para o Control do Medio Mariño de Galicia (INTECMAR), referencia internacional no control dos ecosistemas mariños". No relatorio, enmarcado no ciclo "Galicia á vangarda da investigación Mariña" e organizado pola Casa de Galicia en Madrid, a directora do instituto deu a coñecer as funcións de control dos ecosistemas mariños que desenvolve este centro oficial da Administración Autonómica de Galicia, considerado un referente mundial na materia.

A Casa acolleu a conferencia "Pedras e canteiras na obra de Antonio Palacios", pola xeóloga Pérez-Monserrat, coincidiendo co centenario do Hospital de Maudes

1. A Dra. Pérez Monserrat con el delegado de la Xunta en Madrid, José Ramón Ónega.

"O arquitecto Antonio Palacios apostou pola utilización de granitos e calcarias  de Galicia, de Madrid, e diferentes lugares de España, sempre o máis pretos ás súas construccións, fronte a outros da época que os importaban", dixo a doutora en Ciencias Xeolóxicas do Instituto de Xeociencias Elena Mercedes Pérez-Montserrat, na conferencia que pronunciou na Delegación da Xunta en Madrid, coincidindo co centenario do Hospital de Xornaleiros da rúa Maudes, unha das súas obras máis significativas.

Cruceiros Costeros, que apostan polo desenvolvemento do turismo náutico español é "unha iniciativa nova nun país que é líder no mundo en turismo de cruceiros"

Soliño, Ónega, Llorca e Durán.

Co obxectivo de atraer turismo internacional ás pequenas vilas costeiras, de integrar a oferta en terra coa oferta desde ou mar, aumentar os barcos en tránsito, aumentar o coñecemento e venda de produtos locais e crear unha oferta sustentable económica e socialmente, presentouse na Delegación da Xunta de Galicia en Madrid/Casa de Galicia os Cruceiros Costeiros de Galicia, unha oferta turística que se poderá gozar a partir do 15 de abril.

Turismo de Galicia promociona en Madrid a Festa do Corpus Christi de Ponteareas e a Ruta da Lamprea

Pousado cos alcaldes de Ponteareas, Arbo e Catoira e con fillos predilectos de Ponteareas.

A directora de Turismo de Galicia, Nava Castro, presentou hoxe na Casa de Galicia de Madrid a festa do Corpus Christi de Ponteareas e a Ruta da Lamprea nun acto que contou tamén coa participación do delegado da Xunta de Galicia en Madrid e director da Casa de Galicia, José Ramón Ónega.

 

A Casa de Galicia acolle a presentación da novela "No llores por mí, Argimira", do escritor ferrolán Santiago Díaz-Pache

Corbalán, Jiménez, Díaz-Pache e Rodríguez Cañada.

A Delegación da Xunta de Galicia en Madrid/Casa de Galicia acolleu hoxe a presentación da novela "No llores por mí, Argimira", do escritor ferrolán Santiago Díaz-Pache, publicada polo grupo editorial Sial-Pigmalión.

Armando Martínez e Eduardo J. Ortún presentan "Dúas visións da arte", unha exposición conxunta de esculturas e pinturas

A. Martínez, Fco. Singul, R. Jiménez e E. Ortún.

Os artistas Armando Martínez (escultor, pontevedrés) e Eduardo J. Ortún (pintor, rioxano afincado en Galicia) presentan conxuntamente as súas obras na exposición "Dúas visións da arte" que pode verse na Delegación da Xunta de Galicia en Madrid/Casa de Galicia ata o próximo día 29. A mostra axunta nunha mesma sala os coloristas e luminosos óleos de Ortún e quince esculturas de Martínez realizadas en mármores, basalto, granito, lousa, bronce e cristal de calcite que van da figuración ao surrealismo.

A Casa acolleu a presentación do libro "6 Poemas 6. Homenaxe a Lorca" editado por Biblos coincidindo co centenario da primeira visita a Galicia do universal poeta

1. De esquerda a dereita, o poeta Vicente Araguas; o delegado da Xunta en Madrid, José Ramón Ónega; o presidente do Consello do Estado, José Manuel Romay; o poeta e coordinador do libro, Suso Díaz; e a poeta Lorena Rei.

A obra, coordinada por Suso Díaz e Helena Villar Janeiro inclúe, ademais dos seis poemas que Lorca escribiu en galego, versos realizados ex profeso por 36 poetas galegos así como media ducia de obras doutros tantos autores plásticos, para lembrar a Lorca coincidindo co centenario da súa primeira viaxe a Galicia (sendo un adolescente de 18 anos) e o 80 aniversario da súa morte. O libro tamén rende homenaxe cun acróstico de todos a Anxel Casal, primeiro editor dos poemas en galego de Lorca en 1935. Curiosamente tanto Lorca como Casal compartiron o destino de ser asasinados a mesma noite do 19 de agosto de 1936.

Alicia Estévez Toranzo explica na Casa de Galicia a importancia da prevención de enfermidades e a vacinación en Acuicultura

Estévez Toranzo impartindo a conferencia.

A catedrática de Microbiología na Universidade de Santiago de Compostela Alicia Estévez Toranzo explicou hoxe a importancia dos programas de prevención de enfermidades e de vacinación contra as mesmas na expansión e sustentabilidade da acuicultura comercial, sector que xa prové de máis alimento á humanidade que a pesca. Fíxoo na conferencia que ofreceu na Delegación da Xunta de Galicia en Madrid-Casa de Galicia, "Medidas de loita contra enfermidades de peces", dentro do Ciclo "Galicia á vangarda da investigación mariña2, que dirixe e coordina o profesor Antonio Villalba García, investigador do Centro de Investigacións Mariñas da Xunta de Galicia en Vilanova de Arousa.

Oinum Gourmet presenta na Casa de Galicia aos hostaleiros e restauradores de Madrid licores artesanais galegos

Rafael e Pedro Martínez, Manuel Vilariño, Xerardo Pazos e Ana Rodríguez.

Oinum Gourmet, plataforma internacional que comercializa produtos gourmet españois no mundo presentou na Casa de Galicia en Madrid a hostaleiros e restauradores dous produtos gourmet galegos artesanais: o Vermouth Premium Ciobra, nas variedades vermello, branco e mestura, e a xenebra 25 de Xullo London Dry.

José Ramón Ónega recibiu a Medalla de Ouro da Asociación Provincial de Empresarios de Hostalería e Turismo de Lugo por "o apoio á marca turístico-gastronómica "...E para comer, Lugo" e o seu gran labor á fronte da Casa de Galicia"

1. O delegado da Xunta en Madrid José Ramón Ónega recibe o galardón do presidente de Apehl Cheché Real.

O delegado da Xunta en Madrid e director da Casa de Galicia, José Ramón Ónega, recibiu a Medalla de Ouro da Asociación Provincial de Empresarios de Hostalería e Turismo de Lugo, que preside Cheché Real, "non só polo labor de apoio incondicional á marca turístico-gastronómica "...E para comer, Lugo", senón tamén polo gran labor que desempeña á fronte da Casa de Galicia en Madrid, proxectando no exterior as excelencias da nosa Comunidade Autónoma". O acto de entrega tivo lugar no transcurso dunha cea no restaurante Val da localidade lucense en Antas de Ulla.

Mostrando o intervalo 331 - 340 de 852 resultados.