Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

Actualidade

Mostrando o intervalo 391 - 400 de 853 resultados.

Vicente Araguas presenta na Casa de Galicia en Madrid a súa obra "Nos dio por llorar mientras llovía", editada por Lastura

Araguas, Jiménez, López e Palomares.

A Delegación da Xunta de Galicia en Madrid-Casa de Galicia acolleu hoxe a presentación do primeiro libro de relatos en castelán do escritor e crítico literario coruñés Vicente Araguas, “Nos dio por llorar mientras llovía”, editado por Lastura, xa na súa segunda edición. Interviñeron na presentación, ademais do autor, o escritor e xornalista Alfonso S. Palomares, a directora da editorial, Lidia López Miguel, e, en representación do delegado da Xunta, José Ramón Ónega López, o coordinador de Actividades Culturais da Casa, Ramón Jiménez.

Alvarellos Editora presenta na Casa de Galicia en Madrid o libro "No tempo de ´Follas Novas´. Unha viaxe pola literatura universal"

Barquero, Campo, Jiménez, G. Negro, Araguas e Alvarellos.

Alvarellos Editora presentou esta tarde na Delegación da Xunta de Galicia en Madrid-Casa de Galicia o libro “Non tempo de ´Follas novas´. Unha viaxe pola literatura universal”, do que é coordinadora e coautora María Pilar García Negro, lucense, profesora da Universidade da Coruña e especialista na obra de Rosalía de Castro. No libro colaboran outros dezasete escritores que abordan outras tantas obras e autores contemporáneos de Rosalía, compoñendo esta obra coral.

Summun Delicatessen presenta na Casa de Galicia en Madrid Gastroarte, a suma de productos gourmet e obras de arte

Pérez Pardo, Ónega, Castro e Ebra, antes do acto.

Summun Delicatessen, empresa galega de distribución de produtos emblemáticos de calidade, presentou hoxe na Delegación da Xunta de Galicia en Madrid-Casa de Galicia a iniciativa Gastroarte, un novo concepto que desenvolve en colaboración coa marchante de arte Milagros Castro no que se axuntan produtos de exclusivas marcas gourmet galegas e obras de arte de pintores contemporáneos de recoñecido prestixio, tamén galegos. Nesta edición do artista ourensán Manolo Ebra.

Presentado na Casa o libro "Tempo Poético" de Alfredo Puy

Javier Bahamonde, Alfredo Puy, Ramón Jiménez, Julie Sopetrán e Basilio Rodríguez Cañada.

Esta tarde presentouse na delegación da Xunta en Madrid, Casa de Galicia, o segundo poemario de Alfredo Puy, "Tempo Poético", no que "evidénciase unha evolución significativa nos achados estilísticos e nunha pericia métrica tan atrevida como complexa".

No acto, cuxa presentación correu a cargo do coordinador de Actividades da Casa Ramón Jiménez, interviñeron, ademais do autor Alfredo Puy; o historiador e escritor Javier Bahamonde Santiso de Ossorio; a escritora e poeta Julie Sopetrán; e o escritor e presidente do Grupo Editorial Sial Pigmalión Basilio Rodríguez Cañada

A Comisión de Turismo do Grupo Cidades Patrimonio da Humanidade de España celebra a súa reunión constitutiva na Casa de Galicia en Madrid

Os representantes das ciudades con Ónega, Rivas e Blanco.

A Comisión de Turismo do Grupo Cidades Patrimonio da Humanidade de España celebrou hoxe a súa reunión constitutiva, tras as eleccións municipais, na delegación da Xunta de Galicia en Madrid-Casa de Galicia, coa presenza, entre outros, do alcalde de Ávila e novo presidente do Grupo, José Luís Rivas Hernández, a directora xeral de Turespaña, Marta Blanco Quesada, e os concelleiros representantes das cidades que forman parte do Grupo. Foron recibidos polo delegado da Xunta en Madrid, José Ramón Ónega, quen como anfitrión lles dió a benvida á Casa e deséxolles éxito no seu traballo, palabras que foron correspondidas por Rivas.

A Casa de Galicia en Madrid acolle unha exposición de obras da última década do artista pontevedrés Juan Garcés

Soledad Garcés e Ramón Jiménez.

A Delegación da Xunta de Galicia en Madrid-Casa de Galicia acolle este mes de outubro unha mostra da pintura do desaparecido artista pontevedrés Juan Garcés, que xa exhibiu a súa arte nas súas instalacións en 2003. A exposición, que se inaugurou hoxe e poderá verse ata o próximo día 30, ocupa as salas A e B da Casa e está composta por unha selección de trinta obras da última década do artista de temáticas diversas (figuras, mariñas e paisaxes, sempre presentes na súa traxectoria) e preséntase como homenaxe ao artista e preámbulo a unha retrospectiva antolóxica que sobre a súa traxectoria artística están a preparar os seus achegados.

A Casa acolleu esta mañá a Xornada Empresarial de AEGAMA sobre "Xestión do patrimonio financeiro e inmobiliario" organizada en colaboración con Optima Financial Planners

Alonso, Ónega, Lage e Rey, de esquerda a dereita.

 

A Casa de Galicia, delegación da Xunta en Madrid, acolleu esta mañá a Xornada empresarial “Xestión do Patrimonio Financeiro e Inmobiliario”,  organizada pola Asociación de Empresarios Galegos en Madrid (AEGAMA) en colaboración con OPTIMA Financial Planners, empresa especializada en Planificación Financeiro-Fiscal, para ofrecer aos asociados e interesados as claves sobre asesoramento financeiro. 

Diego Pardo Amado: "Rosalía: unha escritora revolucionaria"

O profesor Diego Pardo Amado e o delegado José Ramón Ónega López, instantes antes da disertación.

"Rosalía foi unha escritora revolucionaria. Postulaba pola soltaría feminina como solución frente a o matrimonio convencional", dixo como exemplo na Casa de Galicia Diego Pardo Amado, doutor en Filoloxía galego-portuguesa que traballa no John Rutherford Centre da Universidade de Oxford (Reino Unido), na conferencia que pronunciou hoxe sobre a insigne poeta. O acto estivo presidido polo delegado da Xunta en Madrid e director da Casa José Ramón Ónega, quen destacou na súa intervención a sólida formación do  conferenciante, especializado na figura de Rosalía, sobre a que publicou dous libros, así como numerosos artigos en diversas revistas especializadas.

A Casa de Galicia en Madrid acolleu a presentación das Festas patronais lucenses de San Froilán 2015

Basadre e Ónega, co programa de festas.

A Delegación da Xunta de Galicia en Madrid-Casa de Galicia acolleu hoxe a presentación das festas patronais lucense San Froilán 2015, a cargo da tenente de alcalde e concelleira de Cultura, Turismo, Xuventude e Promoción da Lingua do Concello de Lugo, Carmen Basadre, a quen acompañou na presentación o delegado da Xunta, José Ramón Ónega, en tanto que anfitrión do acto.

Marina Mayoral presenta na Casa de Galicia en Madrid a súa última novela, "El abrazo"

Merino, Mayoral, Ónega e Piñero.

A escritora lucense Mariña Mayoral presentou hoxe na Delegación da Xunta de Galicia en Madrid-Casa de Galicia a súa última novela, “El abrazo”, editada por Stella Maris. Interviñeron no acto, ademais da autora, o delegado da Xunta en Madrid, José Ramón Ónega, o escritor e membro da Real Academia Española José María Merino e o representante da editorial en Madrid, Juan María Piñero.

Mostrando o intervalo 391 - 400 de 853 resultados.