Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

Actualidade

Mostrando o intervalo 521 - 530 de 849 resultados.

A Casa de Galicia en Madrid acolleu a estrea en Madrid do vídeo promocional de Lugo e súa provincia "I´m from Lugo & I don´t deny it"

Castro, Ares, Ónega, Barrios, Muinelo e Jiménez.

A Delegación da Xunta de Galicia en Madrid-Casa de Galicia acolleu esta tarde a presentación en Madrid do vídeo musical promocional de Lugo e a súa provincia "I´m from Lugo & I don´t deny it" ("Son de Lugo e non o nego"), do grupo musical Batital, promovido pola Asociación Cultural do mesmo nome. Nel actúan as sopranos Alba Messa e Noemi Mazoy e as cantantes Lucía Pérez e Pilocha, ademais doutros músicos da provincia; e conta coa participación de máis dun millar de lucenses, entre eles, Luis Tosar, Marta Rivera, Diego López, Elías Rodríguez, Martín Barreiro, José de Cora, Liborio García, Jorge Acuña, Fernando Ónega e Jenaro Castro.

Os poetas coruñeses David Rey Fernández e Vicente Araguas ofreceron un recital poético na Casa de Galicia en Madrid

Araguas, Jiménez, Morocha Fdez. (nai de D. Rey), Rey e Palomares.

Os poetas coruñeses David Rey Fernández (Ferrol, A Coruña) e Vicente Araguas (Xuvia, Neda, A Coruña) protagonizaron hoxe na Delegación da Xunta de Galicia en Madrid-Casa de Galicia un singular recital poético no que se manifestaron dúas xeracións e dúas maneiras ben distintas de ver a poesía, elemento de unión dos dous protagonistas. Ambos os dous recitaron, en galego e en castelán, respectivamente, unha selección das súas creacións.

Máis de medio centenar de xuristas acuden a Casa a presentación das "Xornadas Xurídicas de Sarria Román García Varela"

García Varela Iglesias, García López, Romay Beccaría, Ignacio Sierra, Lema Devesa e Ónega López

A delegación da Xunta de Galicia en Madrid acolleu esta tarde a Presentación das VIII Xornadas Xurídicas de Sarria "Román García Varela", organizadas polo Concello lucense en colaboración con IURISGAMA (Asociación de Xuristas Galegos en Madrid). As Xornadas, que agora levan o nome do seu desaparecido fundador, celebran este ano a VIII edición -contan polo tanto cunha consolidada traxectoria-, e nelas, os días 6 e 7 de xuño, daranse cita xuristas de toda España para tratar temas tamén de interese xeral, en concreto, este ano versarán en torno a "A protección ao consumidor no século XXI".

Presentación e proxección do documental "o Instante eterno" sobre a vida e a obra do poeta Xosé María Díaz Castro

X. Antonio Cascudo, Ramón Jiménez e Alfonso Blanco, coa moneda de Díaz Castro en primero plano

A Casa acolleu hoxe a presentación e proxección do documental “O INSTANTE ETERNO", de Xosé Antonio Cascudo Rodríguez, sobre o poeta Xosé María Díaz Castro, a quen se dedica este ano o DÍA DÁS LETRAS GALEGAS, realizado para promover e difundir a vida e obra do poeta da localidade lucense de Guitiriz de cara á celebración do centenario do seu nacemento que foi o pasado 19 de febreiro.

No acto interviñeron o coordinador de Actividades Culturais da Casa, Ramón Jiménez Pérez;  o director e guionista do audiovisual, Xosé Antonio Cascudo e o presidente da Asociación Cultural Xermolos, Alfonso Blanco.

O presidente do Banco Popular, Ángel Ron Güimil, novo Membro de Honra de IURISGAMA

J. R. Ónega, Elena G. Moñux, Romay, Ángel Ron e Carlos Lema

A delegación da Xunta en Madrid, Casa de Galicia, foi o escenario elixido pola Asociación de Xuristas Galegos en Madrid (IURISGAMA) para o nomeamento como Membro de Honra concedida ao presidente do Banco Popular, o santiagués Ángel Ron Güimil, o máis novo da banca española.

Na mesa estaban o presidente do Consello de Estado, premio Montero Ríos, e tamén membro de Honra de IURISGAMA, José Manuel Romay Beccaría; o delegado da Xunta en Madrid e director da Casa de Galicia, José Ramón Ónega López; o presidente do Banco Popular, Ángel Ron Güimil; a viceconselleira de Xustiza e Administracións Públicas da Comunidade de Madrid, Elena González Moñux; e o presidente da Asociación de Xuristas Galegos en Madrid (IURISGAMA), avogado e catedrático de Dereito Mercantil da Universidade Complutense de Madrid, Carlos Lema Devesa.

A presidenta del Parlamento Galego, Pilar Rojo, inaugurou na Casa de Galicia en Madrid a exposición "51 páxinas das nosas letras"

Os protagonistas acompañados polos autores das medallas, entre outros

A presidenta do Parlamento de Galicia, Pilar Rojo, o secretario xeral de Cultura da Xunta de Galicia, Anxo Lorenzo, o presidente da Real Academia Galega (RAG), Xesús Alonso Montero, e o delegado da Xunta de Galicia en Madrid, José Ramón Ónega, participaron esta tarde na inauguración da exposición "51 páxinas dás nosas letras", que se exhibe na Delegación da Xunta de Galicia en Madrid-Casa de Galicia ata o próximo día 30. Ao concorrido acto, que superou con amplitude o centenar de persoas, asistiron, entre outros, o vicepresidente e o secretario do Parlamento de Galicia, deputados galegos e os autores das medallas, Manuel Ferreiro Badía e Siro López.

A raza canina autóctona galega Can de Palleiro, protagonista dunha exposición na Casa de Galicia en Madrid

Membros do Club Raza Can de Palleiro.

O Can de Palleiro, a raza canina autóctona de Galicia, é o protagonista da exposición de fotografías que dende hoxe e ata o próximo día 30 pode verse na Delegación da Xunta de Galicia en Madrid-Casa de Galicia, co nome do "Club Raza Can de Palleiro", homónimo da entidade coorganizadora, encargada da recuperación e difusión das características desta raza dende hai doce anos. Esta é a cuarta exposición realizada polo Club e a primeira que ten lugar fóra de Galicia.

A Casa acolleu a presentación en Madrid do libro "Pazos galegos. Materiais para seu estudio" de Miguel Durán-Loriga y Salgado

Bonet Correa, Durán-Loriga, R. Barrena e Carlos Valle

A delegación da Xunta en Madrid acolleu hoxe a presentación do libro "PAZOS GALEGOS. Materiais para o seu estudo", de Miguel Durán-Loriga y Salgado, editado pola Deputación de Pontevedra. A presentación do acto correu a cargo, da coordinadora de actos da Casa, Ana Rodríguez Barrena, ante a ausencia do delegado da Xunta en Madrid e director da Casa, José Ramón Ónega por encontrarse de viaxe oficial fóra de España; e no acto interviñeron: Juan Durán-Loriga y Rodrigáñez, fillo do autor, diplomático e embaixador de España en distintos países; o presidente da Real Academia de Belas Artes de San Fernando, Antonio Bonet Correa e o director do Museo de Pontevedra, Carlos Valle.

A Casa acolleu a presentación do "Mapa do Patrimonio Mineiro de Galicia" y d guía "As pedras do Camiño de Santiago en Galicia"

Enrique Díaz, Ángel Ferrero, José Ramón Ónega, Jorge Civis, Ramón Jiménez e Ana R. Barrena

A delegación da Xunta en Madrid, Casa de Galicia, acolleu esta tarde a presentación do "Mapa do Patrimonio Mineiro de Galicia e da guía "As pedras do Camiño de Santiago en Galicia", ambas as dúas publicacións editadas polo Instituto Xeolóxico e Mineiro de España (IGME). A guía, "As pedras do Camiño de Santiago en Galicia", cuxos autores son os xeólogos Ramón Jiménez Martínez e Enrique Díaz Martínez, está dirixida tanto a viaxeiros, peregrinos, restauradores, xeólogos ou persoas con inquietudes neste campo, xa que nela se describen as rochas que forman os principais monumentos históricos do Camiño a Compostela dende que entra en Galicia ata que chega a Santiago. O "Mapa do Patrimonio Mineiro de Galicia", que inclúe os lugares mineiros de interese turístico de Galicia, foi elaborado por Anxo Ferrero Arias, Alejandro Sánchez Rodríguez, Carmen Marchán Sánchez, Enrique Díaz Martínez, e Ángel García Cortés.

Federico Fernández de Buján: "a morte de Xesús supuxo a vitoria da violencia sobre a Lei e a inxustiza sobre o Dereito"

Fernández de Buján, Ónega e Santín

O catedrático de Dereito Romano da UNED, o lucense Federico Fernández de Buján pronunciou esta tarde na delegación da Xunta en Madrid, Casa de Galicia, a conferencia titulada "O proceso contra Cristo. Análise histórica, xurídica e teolóxica". Buján, que ten varias publicacións sobre o tema, asegurou que a morte de Cristo "supuxo a vitoria da violencia sobre a Lei e a inxustiza sobre o Dereito". O acto estivo presidido polo delegado da Xunta en Madrid, José Ramón Ónega López, quen expuxo algúns dos datos máis relevantes da densa traxectoria profesional e académica do relator: "autor de catorce libros e de máis dun centenar de estudos, entre capítulos de libros, obras colectivas e artigos en Revistas científicas

Mostrando o intervalo 521 - 530 de 849 resultados.