Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

Actualidade

Mostrando o intervalo 531 - 540 de 853 resultados.

A raza canina autóctona galega Can de Palleiro, protagonista dunha exposición na Casa de Galicia en Madrid

Membros do Club Raza Can de Palleiro.

O Can de Palleiro, a raza canina autóctona de Galicia, é o protagonista da exposición de fotografías que dende hoxe e ata o próximo día 30 pode verse na Delegación da Xunta de Galicia en Madrid-Casa de Galicia, co nome do "Club Raza Can de Palleiro", homónimo da entidade coorganizadora, encargada da recuperación e difusión das características desta raza dende hai doce anos. Esta é a cuarta exposición realizada polo Club e a primeira que ten lugar fóra de Galicia.

A Casa acolleu a presentación en Madrid do libro "Pazos galegos. Materiais para seu estudio" de Miguel Durán-Loriga y Salgado

Bonet Correa, Durán-Loriga, R. Barrena e Carlos Valle

A delegación da Xunta en Madrid acolleu hoxe a presentación do libro "PAZOS GALEGOS. Materiais para o seu estudo", de Miguel Durán-Loriga y Salgado, editado pola Deputación de Pontevedra. A presentación do acto correu a cargo, da coordinadora de actos da Casa, Ana Rodríguez Barrena, ante a ausencia do delegado da Xunta en Madrid e director da Casa, José Ramón Ónega por encontrarse de viaxe oficial fóra de España; e no acto interviñeron: Juan Durán-Loriga y Rodrigáñez, fillo do autor, diplomático e embaixador de España en distintos países; o presidente da Real Academia de Belas Artes de San Fernando, Antonio Bonet Correa e o director do Museo de Pontevedra, Carlos Valle.

A Casa acolleu a presentación do "Mapa do Patrimonio Mineiro de Galicia" y d guía "As pedras do Camiño de Santiago en Galicia"

Enrique Díaz, Ángel Ferrero, José Ramón Ónega, Jorge Civis, Ramón Jiménez e Ana R. Barrena

A delegación da Xunta en Madrid, Casa de Galicia, acolleu esta tarde a presentación do "Mapa do Patrimonio Mineiro de Galicia e da guía "As pedras do Camiño de Santiago en Galicia", ambas as dúas publicacións editadas polo Instituto Xeolóxico e Mineiro de España (IGME). A guía, "As pedras do Camiño de Santiago en Galicia", cuxos autores son os xeólogos Ramón Jiménez Martínez e Enrique Díaz Martínez, está dirixida tanto a viaxeiros, peregrinos, restauradores, xeólogos ou persoas con inquietudes neste campo, xa que nela se describen as rochas que forman os principais monumentos históricos do Camiño a Compostela dende que entra en Galicia ata que chega a Santiago. O "Mapa do Patrimonio Mineiro de Galicia", que inclúe os lugares mineiros de interese turístico de Galicia, foi elaborado por Anxo Ferrero Arias, Alejandro Sánchez Rodríguez, Carmen Marchán Sánchez, Enrique Díaz Martínez, e Ángel García Cortés.

Federico Fernández de Buján: "a morte de Xesús supuxo a vitoria da violencia sobre a Lei e a inxustiza sobre o Dereito"

Fernández de Buján, Ónega e Santín

O catedrático de Dereito Romano da UNED, o lucense Federico Fernández de Buján pronunciou esta tarde na delegación da Xunta en Madrid, Casa de Galicia, a conferencia titulada "O proceso contra Cristo. Análise histórica, xurídica e teolóxica". Buján, que ten varias publicacións sobre o tema, asegurou que a morte de Cristo "supuxo a vitoria da violencia sobre a Lei e a inxustiza sobre o Dereito". O acto estivo presidido polo delegado da Xunta en Madrid, José Ramón Ónega López, quen expuxo algúns dos datos máis relevantes da densa traxectoria profesional e académica do relator: "autor de catorce libros e de máis dun centenar de estudos, entre capítulos de libros, obras colectivas e artigos en Revistas científicas

A Fundación para as Relacións Internacionais e o Diálogo Exterior (FRIDE) celebrou na Casa de Galicia en Madrid a conferencia "O futuro incerto de Ucraína"

Ónega, acompañado por Giovanni Grevi.

A Fundación para as Relacións Internacionais e o Diálogo Exterior (FRIDE) celebrou hoxe na delegación da Xunta de Galicia en Madrid-Casa de Galicia a conferencia "O futuro incerto de Ucraína" na que os seus destacados relatores analizaron a situación de Ucraína, os seus posibles desenvolvementos futuros e as implicacións para a Unión Europea e os seus estados membros, especialmente España.

Preto dun centenar de persoas acudiron á Casa ao recital "Sen tempo xa para morrer"

Antonino, Magali e Max nun momento do recital

A delegación da Xunta en Madrid, Casa de Galicia, acolleu esta tarde o recital poético-musical "Sen tempo xa para morrer" que ofreceron Antonino Nieto e Magali Revollar. Antonino Nieto é poeta, videoartista, creador de espectáculos e rituais nos que xunta poesía, artes plásticas, orquestras sinfónicas, ballets, e nos que o público participa activamente. A compositora peruana, Magali Revollar é experta en música andina e galega. Preto dun centenar de persoas acudiron á Casa para asistir a este espectáculo, no que se empregaron diversos instrumentos de ambos os dous lados do Atlántico e co que se rende homenaxe á poesía, a música e o sentimento multicultural. Nel participou tamén o guitarrista Max León -que con Magali conforma o dúo Coca-.

O pintor coruñés José Ramón exhibe na Casa de Galicia en Madrid a mostra "A alegría da cor"

José Ramón, Do Campo e Jiménez.

O pintor coruñés José Ramón inaugurou hoxe na Delegación da Xunta de Galicia en Madrid-Casa de Galicia a exposición "A alegría da cor", acompañado, entre outros moitos, pola delegada territorial da Xunta de Galicia na Coruña, Belén do Campo, que se desprazou ata Madrid para o acto, e o coordinador de actividades culturais da Casa, Ramón Jiménez. A mostra exhibirase nas salas A e L da Casa ata o próximo día 29.

"Naturalismo Poético" de Marcial Ortiz, na Casa ata o 29 de abril

Marcial Ortiz con duas das súas obras dedicadas ao mundo taurino

A exposición "Naturalismo Poético" do pintor coruñés Marcial Ortiz que poderá verse ata o día 29 deste mes na Sala B da delegación da Xunta en Madrid, Casa de Galicia, está formada por case unha trintena de obras que recrean vistas rurais, vellos muíños, montañas, paisaxes con ríos e recantos galegos de grande beleza e frescura, sen esquecer os cadros que dedica tamén aos temas taurinos, pola súa grande afección o arte de cúchares.

No acto de inauguración interviñeron: o coordinador de Actividades Culturais da Casa, Ramón Jiménez; o médico, presidente de Bibliófilos de España e director da aula de tauromaquia, Rafael Cabrera Bonet; e o propio autor, Marcial Ortiz.

A excelencia dos produtos galegos de calidade conquista o mercado madrileño de San Antón

Autoridades, o xornalista Jenaro Castro e Piñeiro co seu equipo, na presentación.

Máis de 20 empresas galegas de distintos sectores están representadas na iniciativa, que conta coa participación de profesionais como o cociñeiro Kike Piñeiro, o sumiller Óscar Quintana ou o barista Óscar de Toro

O doutor Durán Mariño presenta na Casa de Galicia en Madrid o seu libro "España, S.L. A colmea insostible"

Durán, Ónega e Xiz.

A Delegación da Xunta de Galicia en Madrid-Casa de Galicia acolleu esta tarde a presentación do libro "España, S.L. A colmea insostible", escrito polo cirurxián vascular José Luis Durán Mariño, no que o autor analiza a sociedade española partindo dunha metáfora na que a compara coa vida nunha colmea.

Mostrando o intervalo 531 - 540 de 853 resultados.