Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

Actualidade

Mostrando o intervalo 551 - 560 de 849 resultados.

O Grupo Bilbao de Poesía Galega en Madrid, amigos e admiradores renden homenaxe na Casa a Sabino Torres, editor, escritor e poeta

Bonet Correa, Sabino Torres e Ónega escoitando as intervencions coa sala chea

A Casa de Galicia, sede da delegación da Xunta de Galicia en Madrid acolleu esta tarde a homenaxe ao destacado editor poeta, xornalista e escritor Sabino Torres Ferrer, organizado polo Grupo Bilbao de poesía galega en Madrid. Interviñeron, en representación deste colectivo poético, Miguel Barrera, Fermín Bouza, Yolanda López, Pilar Mera, Manuel Pereira, Begoña Regueiro, Marga Vázquez e Rafa Yáñez; e ademais Antonio Bonet Correa, Inés Canosa, Laura Mundo Torres e Ricardo Pichel, entre outros.

Lomana e De Montini abriron o ciclo de debates "A prensa do corazón" que se celebra na Casa de Galicia en Madrid

Falcón, Lomana, Ónega e De Montini.

Coa popular Carmen Lomana, empresaria e personaxe habitual nas revistas, e o veterano xornalista do sector Javier de Montini como protagonistas, a Delegación da Xunta de Galicia en Madrid-Casa de Galicia iniciou hoxe un ciclo de conferencias-debates dedicado á prensa do corazón que, con ese nome, "A prensa do corazón", coordina e dirixe a xornalista Pilar Falcón, presidenta do Club de Xornalistas Galegos en Madrid e tamén especialista na prensa do corazón. O Ciclo, presidido polo delegado da Xunta, José Ramón Ónega, contará con outras dúas sesións máis.

Presentado na Casa de Galicia en Madrid o Programa Neuro-Físico-Emocional do grupo Meridianos y Paralelos de Coaching Educativo

Lestrade, Becerril, Jiménez,G. Tricás, G. Sanabria e Martín.

Os fundadores-responsables da empresa cultural e educativa Meridianos e Paralelos presentaron hoxe na Delegación da Xunta de Galicia en Madrid-Casa de Galicia o Programa Neuro-Físico-Emocional del Grupo Meridianos e Paralelos de Coaching educativo, un proxecto educativo dirixido a profesores e pais para apoiar ao éxito escolar e familiar de nenos e adolescentes.

Presentado na Casa o libro "Manuel Fraga un gallego cubano, Fidel Castro un cubano gallego", de Miguel Ángel Alvelo Céspedes

Ricardo Vélez, (esposo de Margarita) Margarita Fraga, Alvelo Céspedes, (autor); Eugenio Martínez (embaixador de Cuba)J.R.Ónega; Elisa Fraga e Carlos Pérez-Desoy

A Sala A da Casa de Galicia, sede institucional da delegación da Xunta en Madrid, acolleu esta tarde a presentación do libro "Manuel Fraga un galego cubano, Fidel Castro un cubano galego", de Miguel Ángel Alvelo Céspedes. A obra, que foi prologada por Alberto Núñez Feijóo, presidente da Xunta de Galicia, establece as similitudes e diferenzas entre ambos os dous líderes políticos. No acto, tamén se proxectaron imaxes das visitas de Fraga Iribarne a Cuba nos anos 1991 e 1998; e contou coa asistencia do embaixador de Cuba en España, Eugenio Martínez Enríquez e as irmás de Don Manuel, Elisa e Margarita Fraga Iribarne.

Labajjo Grandío expón as súas últimas obras na Casa de Galicia en Madrid

De Buján, Labajjo, Ónega e De Cora.

O pintor lucense Alfredo Labajjo Grandío expón as súas últimas obras na Delegación da Xunta de Galicia en Madrid-Casa de Galicia, onde inaugurou esta tarde unha mostra chea de colorido que poderá visitarse ata o próximo día 28. No acto manifestouse o coñecemento que tivo de Picasso e a influencia deste na pintura de Labajjo Grandío.

"Disociados" de Rut Martínez López de Castro, en Madrid coas últimas creacions da artista viguesa

Rut Martínez López de Castro, pintora viguesa que expón na Casa ata o 28 de febreiro de 2014

A Casa de Galicia, delegación da Xunta de Galicia en Madrid, acolleu esta tarde a inauguración da mostra de pintura e gravado "DISOCIADOS", da artista e profesora de Arte da Universidade de Vigo, Rut Martínez López de Castro, cuxa obra caracterizase por achegar un forte impacto visual de cores, formas, liñas, espazos, temas e simbolismos. A exposición, que ofrece as últimas pinturas e gravados de Rut, poderá verse ata o 28 deste mes.

Presentado na Casa de Galicia o libro de relatos curtos "La bebida de las avispas", de María Jesús Domínguez Sío

Un momento da presentación.

A filóloga e catedrática pontevedresa María Jesús Domínguez Sío presentou hoxe na Delegación da Xunta de Galicia en Madrid-Casa de Galicia a súa obra "La bebida de las avispas", unha colección de relatos breves publicada pola editorial La Isla de Siltolá.

Pazo de Vilane presentou na Casa o seu proxecto empresarial de futuro

Intervención do delegado da Xunta, José Ramón Ónega

A delegación da Xunta en Madrid, Casa de Galicia, acolleu esta mañá un acto informativo-presentación dos novos produtos de "Pazo de Vilane”, empresa familiar galega que desenvolve a súa actividade no medio rural. Pazo de Vilane, que se especializou en comercializar ovos de alta calidade, como novidade deu a coñecer as súas novas marmeladas, especialmente a de tomate agridoce, con certificado ecolóxico, e que se encontrará no mercado proximamente.

Proxección na Casa, "en primicia" do documental "Metílico, a bebida da morte" dirixido por Emilio Barrachina sobre o envelenamento masivo de 1963

Lage, Barrena e Barrachina

A Casa de Galicia, delegación da Xunta de Galicia en Madrid acolleu esta tarde a proxección do documental "Metílico, a bebida da morte" dirixido polo escritor, xornalista e cineasta Emilio Ruiz Barrachina coincidindo co cincuenta aniversario do envelenamento masivo deste alcohol nos anos sesenta e baseado na investigación do xornalista ourensano, Fernando Méndez. Tal e como manifestaron os seus creadores, "o audiovisual quere servir de homenaxe social ás vítimas da traxedia de 1963 que se ocultou por intereses económicos e políticos e que nunca recibiron compensación ningunha".

Más cien persoas acoden á Casa de Galicia en Madrid á proxección-coloquio do documental "Asolagados" sobre os pobos inundados polo Miño en Belesar

Cristina López, Jiménez e David Vázquez

Malia a tarde fría e desapracible madrileña, máis dun centenar de persoas acudiron á delegación da Xunta en Madrid, Casa de Galicia para asistir á proxección-coloquio do documental "Asolagados". O audiovisual reflicte, cincuenta anos despois, as imaxes actuais daqueles lugares e os testemuños dunha decena de veciños dos pobos que foron inundados polo Miño, tras a construción do encoro de Belesar, en 1963

Mostrando o intervalo 551 - 560 de 849 resultados.