Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

Actualidade

Mostrando o intervalo 581 - 590 de 875 resultados.

Labajjo Grandío expón as súas últimas obras na Casa de Galicia en Madrid

De Buján, Labajjo, Ónega e De Cora.

O pintor lucense Alfredo Labajjo Grandío expón as súas últimas obras na Delegación da Xunta de Galicia en Madrid-Casa de Galicia, onde inaugurou esta tarde unha mostra chea de colorido que poderá visitarse ata o próximo día 28. No acto manifestouse o coñecemento que tivo de Picasso e a influencia deste na pintura de Labajjo Grandío.

"Disociados" de Rut Martínez López de Castro, en Madrid coas últimas creacions da artista viguesa

Rut Martínez López de Castro, pintora viguesa que expón na Casa ata o 28 de febreiro de 2014

A Casa de Galicia, delegación da Xunta de Galicia en Madrid, acolleu esta tarde a inauguración da mostra de pintura e gravado "DISOCIADOS", da artista e profesora de Arte da Universidade de Vigo, Rut Martínez López de Castro, cuxa obra caracterizase por achegar un forte impacto visual de cores, formas, liñas, espazos, temas e simbolismos. A exposición, que ofrece as últimas pinturas e gravados de Rut, poderá verse ata o 28 deste mes.

Presentado na Casa de Galicia o libro de relatos curtos "La bebida de las avispas", de María Jesús Domínguez Sío

Un momento da presentación.

A filóloga e catedrática pontevedresa María Jesús Domínguez Sío presentou hoxe na Delegación da Xunta de Galicia en Madrid-Casa de Galicia a súa obra "La bebida de las avispas", unha colección de relatos breves publicada pola editorial La Isla de Siltolá.

Pazo de Vilane presentou na Casa o seu proxecto empresarial de futuro

Intervención do delegado da Xunta, José Ramón Ónega

A delegación da Xunta en Madrid, Casa de Galicia, acolleu esta mañá un acto informativo-presentación dos novos produtos de "Pazo de Vilane”, empresa familiar galega que desenvolve a súa actividade no medio rural. Pazo de Vilane, que se especializou en comercializar ovos de alta calidade, como novidade deu a coñecer as súas novas marmeladas, especialmente a de tomate agridoce, con certificado ecolóxico, e que se encontrará no mercado proximamente.

Proxección na Casa, "en primicia" do documental "Metílico, a bebida da morte" dirixido por Emilio Barrachina sobre o envelenamento masivo de 1963

Lage, Barrena e Barrachina

A Casa de Galicia, delegación da Xunta de Galicia en Madrid acolleu esta tarde a proxección do documental "Metílico, a bebida da morte" dirixido polo escritor, xornalista e cineasta Emilio Ruiz Barrachina coincidindo co cincuenta aniversario do envelenamento masivo deste alcohol nos anos sesenta e baseado na investigación do xornalista ourensano, Fernando Méndez. Tal e como manifestaron os seus creadores, "o audiovisual quere servir de homenaxe social ás vítimas da traxedia de 1963 que se ocultou por intereses económicos e políticos e que nunca recibiron compensación ningunha".

Más cien persoas acoden á Casa de Galicia en Madrid á proxección-coloquio do documental "Asolagados" sobre os pobos inundados polo Miño en Belesar

Cristina López, Jiménez e David Vázquez

Malia a tarde fría e desapracible madrileña, máis dun centenar de persoas acudiron á delegación da Xunta en Madrid, Casa de Galicia para asistir á proxección-coloquio do documental "Asolagados". O audiovisual reflicte, cincuenta anos despois, as imaxes actuais daqueles lugares e os testemuños dunha decena de veciños dos pobos que foron inundados polo Miño, tras a construción do encoro de Belesar, en 1963

Miranda mantén un encontro cos representantes das entidades e asociacións galegas en Madrid

Rguez. Miranda cos asistentes á reunión.

O secretario xeral da Emigración, Antonio Rodríguez Miranda, mantivo un encontro de traballo na Delegación da Xunta de Galicia en Madrid-Casa de Galicia cos representantes de catorce asociacións e entidades galegas con sede na capital española. Miranda repasou a actualidade e proxectos de futuro da diáspora galega en Madrid con directivos da Casa Galega de Fuenlabrada, Centro Galego de Madrid, Asociación Cultural da Vieira, Grupo Cultural Galicia en Madrid, Xuntanza de Galegos en Alcobendas, (cuxo presidente o é tamén da Federación de Asociacións Galegas en Madrid), Asociación Galega Corredor do Henares, Centro Galego da Serra de Madrid,Centro Galego de Móstoles, Centro Galego Noroeste de Madrid, Asociación de Xuristas Galegos en Madrid, Centro Cultural Lembranzas,Centro Galego de Tres Cantos, Asociación de Empresarios Galegos en Madrid, e Club de Xornalistas Galegos en Madrid.

A Casa acolle durante o día de hoxe a Cata "Túnel de Viño" con casie oitenta referencias dos mellores viños e destilados de Galicia

Luis Paadin, Isabel Mijares e Ramón Jiménez na presentación

"Co éxito e a boa acollida que tivemos coa edición anterior, este ano repetimos e as previsións son inmellorables", dixo o director da "Guía de Viños, destilados e adegas de Galicia, 2014" Luis Paadín na Casa de Galicia. A delegación da Xunta en Madrid acolle durante o día de hoxe para medios e profesionais, e xa con preto de duascentas confirmacións, a cata: "Túnel de viño", con 78 referencias dos mellores viños e destilados de Galicia, -65 viños e 13 destilados, con horario de 11 a 14 e de 18 a 21 horas-. Ademais, ás 13 horas presentouse a "Guía de Viños, destilados e adegas de Galicia, 2014" elixida mellor Guía de España na categoría "Best Wine Tourism Book" polos premios Gourmand Wine Books Awards 2013.

Núñez Feijóo recolleu, en nome da Xunta, o Máster de Ouro do Real Fórum de Alta Dirección

Núñez Feijóo recibe en nombre de la Xunta el el Máster de Oro del Real Fórum de Alta Dirección

O presidente da Xunta de Galicia, Alberto Núñez Feijóo recolleu esta noite na Casa de Galicia o o Máster de Ouro do Real Fórum de Alta Dirección á Xunta de Galicia, que lle outorgou o Fórum á Institución galega que el preside. A entrega fíxoa o presidente do Real Fórum de Alta Dirección, Carlos Escudero Burón. A presentación do acto correu a cargo do l delegado da Xunta en Madrid, José Ramón Ónega, na súa calidade de anfitrión do evento.

A Xunta destaca a importancia de dotar de valor engadido aos produtos do mar e de fortalecer a cadea do sector pesqueiro

Ante o logo de "Fisterra dende a Nube"

A Casa de Galicia en Madrid acolleu a presentación do proxecto turístico "Fisterradendea nube", elaborado polo Grupo de Acción Costeirapara fomentar e promover o turismo mariñeiro e no que interviñeron o delegado da Xuntaen Madrid, José Ramón Ónega López, o alcalde de Fisterra, José Manuel Trabae a directora xeral de desenvolvementoPesqueiro, Susana Rodríguez Carballo.

Mostrando o intervalo 581 - 590 de 875 resultados.