Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

Actualidade

Mostrando o intervalo 651 - 660 de 891 resultados.

Óscar Ibáñez ofreceu na Casa de Galicia unha conferencia concerto sobre as músicas "de ida e volta" entre Europa e América

Ibáñez tocando a gaita.

O músico e investigador pontevedrés Óscar Ibáñez ofreceu hoxe na Delegación da Xunta de Galicia en Madrid-Casa de Galicia a conferencia-concerto "Alén do mar" na que disertou sobre as músicas "de ida e volta" produto da mestizaxe cultural de Europa e América a través do Altántico, utilizando a música galega como fío condutor e analizando o caso particular da emigración galega a Iberoamérica.

A pintora pontevedresa Maquieira expón a mostra "Sosego" na Casa de Galicia en Madrid

Maquieira ante unha das súas obras.

A pintora pontevedresa Esperanza López Maquieira exhibe dende hoxe e ata o próximo día 28 na Delegación da Xunta de Galicia en Madrid-Casa de Galicia a exposición "Sosego", unha mostra das raíces e madeiros de árbores que pinta nas longas horas nocturnas na súa casa en Meis (Pontevedra) buscando o sosego que lle nega unha enfermidade, a Síndrome de Pernas Inquedas, que apenas lle permite durmir. Nesas horas, Maquieira sente "que me concentro máis e que estou só para a pintura, xa que a intimidade nocturna me permite illarme do mundo por completo". Explicou que sempre lle gustou a pintura, pero non empezou a pintar ata 1999, entón buscouse "un bo mestre, Manuel Aramburu, de Pontevedra, pintor e mestre onde os haxa".

"Silencio brisa e pintura" de Fernanda Fernández Suárez, na Casa nol mes de xullo

Fernanda Fernández Suárez ante unha das súas obras

Desde hoxe martes día 2 de xullo,ata o domingo 28, as salas A e L da Casa de Galicia, delegación da Xunta en Madrid, acollerán a exposición "Silencio, brisa e pintura", da artista de Vigo Fernanda Fernández Suárez. A súa obra, "de exquisita técnica realista, vai en busca incansable dunha perfección que persegue captar co pincel incluso o que o ollo non ve", cunha procura de perfección, tentando plasmar nos lenzos "ese algo máis" que o ollo non é capaz de captar, pero "a alma si".

O coordinador de Actividades Culturais da Casa de Galicia, galardoado co Premio ao autor do libro máis vangardista-escriDuende 2013

Jiménez, co diploma acreditativo.

O coordinador de Actividades Culturais da Delegación da Xunta de Galicia en Madrid-Casa de Galicia, Ramón Jiménez Pérez, foi galardoado co Premio ao autor do libro máis vangardista-escriDuende 2013 pola súa obra "O baile do emperatriz”, publicada pola editorial Pigmalión

A poeta ferrolana Rosa María Milleiro presenta na Casa de Galicia "Acariciei o freixo", o seu último poemario

Rosa María Milleiro co seu último poemario.

 A Delegación da Xunta de Galicia en Madrid/Casa de Galicia acolleu esta tarde a presentación do poemario "Acarié o freixo", da escritora ferrolana Rosa María Milleiro, que nesta ocasión expresa o seu universo literario en castelán. O libro foi editado por Pigmalión-Edypro e prologado polo escritor Xosé Carlos Caneiro.

Un cirurxián pediátrico español viaxa dende hai catro anos a África do Oeste a operar a nenos sen recursos en hospitais da Orde de San Juan de Dios

Rivilla explica unha operación que se proxecta ao fondo.

Fernando Rivilla, cirurxián pediátrico e voluntario de Juan Ciudad ONGD, ofreceu hoxe na Delegación da Xunta de Galicia/Casa de Galicia en Madrid unha conferencia na que contou a súa experiencia dende 2009 en África do Oeste, viaxando periodicamente xunto a un equipo de profesionais sanitarios para operar nenos e nenas de familias sen recursos en hospitais de San Juan de Dios. A pesar das dificultades e escaseza de medios que encontran alí, Rivilla e o seu equipo regresan ano tras ano, devolvendo o sorriso a moitos nenos que sufrían hernias, queimaduras, traumatismos e úlcera de buruli, entre outras afeccións.

 

  • Nos últimos catro anos realizáronse oito Campañas de Cirurxía Pediátrica en Serra Leoa, Liberia, Ghana e Benín, nas que se atenderon máis de 500 consultas externas e se operaron 250 nenos e nenas de familias sen recursos.
  • Os países de África Subsahariana seguen estando entre os menos favorecidos do mundo, rexistrando grandes carencias en canto a servizos sanitarios refírese, con elevadas taxas de mortalidade materno infantil.

Concerto de guitarra e clarinete do dúo Qitayes

Víctor Landeira, R. Jiménez e Rocío Campos

A Casa de Galicia, delegación da Xunta en Madrid, acolleu esta tarde o concerto de guitarra e clarinete ofrecido polo Dúo Quitayes, formación musical que naceu no ano 2010 na cidade holandesa de A Haia, e composta por Rocío Campos, clarinete e Víctor Landeira, guitarra e ademais neto de galegos que se estableceron en Canarias. O obxectivo de ambos os dous era, ademais de interpretar, investigar o escaso repertorio que existe para estes instrumentos e adaptar para eles as obras camerísticas máis importantes.

 

A figura de San Francisco de Asís pecha as XXIX Xornadas de Cultura Galega organizadas por Grugalma na Casa de Galicia

Mourelle, Blázquez e Valderrama.

 A figura de San Francisco de Asís ocupou hoxe a última sesión das XXIX Xornadas de Cultura Galega que o Grupo Cultural Galicia en Madrid (Grugalma), que preside o profesor Manuel Mourelle de Lema, celebrou na Delegación da Xunta de Galicia en Madrid-Casa de Galicia, co título "Dous personaxes que deron celebridade ao Camiño de Santiago". Eses dous personaxes son o Rei Fernando V de Castela, Fernando El Católico, nos 497 anos da súa morte, ao que se dedicou a sesión de onte, e de San Francisco de Asís, ante o próximo VIII Centenario da súa peregrinación.

Grugalma celebra as súas XXIX Xornadas de Cultura Galega na Casa de Galicia en Madrid

Batres, Jiménez e Mourelle de Lema.

O Grupo Cultural Galicia en Madrid (Grugalma), que preside o profesor Manuel Mourelle de Lema, iniciou hoxe na Delegación da Xunta de Galicia en Madrid-Casa de Galicia, as súas XXIX Xornadas de Cultura Galega, que finalizarán mañá. Esta edición ten por título "Dous personaxes que deron celebridade ao Camiño de Santiago" e se centra nas figuras do Rei Fernando V de Castela, Fernando El Católico, nos 497 anos da súa morte, e de San Francisco de Asís, ante o próximo VIII Centenario da súa peregrinación.

A Casa acolleu a presentación do poemario "Sin Permiso" de Nieves Gallardo, publicado pola editorial galega O Taller do Poeta

Primitivo Rojas, Nieves Gallardo, Ramón Jiménez, Castro Cebrián e Pérez Poza

Máis de medio centenar de persoas acudiron á Casa de Galicia, delegación da Xunta en Madrid, ao acto de presentación do poemario "Sin permiso" de Nieves Gallardo, publicado pola editorial pontevedresa "O Taller do Poeta", un feito que para "un acto de poesía en Madrid, é algo prodixioso", tal e como comentou o locutor e xornalista, Primitivo Rojas "e dígollo eu, que acudín a unhas cantas presentacións poéticas", engadiu.

Mostrando o intervalo 651 - 660 de 891 resultados.