Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

Actualidade

Mostrando o intervalo 681 - 690 de 875 resultados.

A relixión, o ritual e o simbolismo, trazos culturais da celticidade en Galicia

García Fdez-Albalát, Jiménez e Cerdeira.

A celticidade de Galicia, demostrada pola lingua, consiste en trazos culturais que inclúen parámetros máis amplos que a tipoloxía arqueolóxica, como é a profundidade da relixión, o ritual e o simbolismo. Así o sostivo hoxe a arqueóloga coruñesa especialista en relixión celta e membro de "Os Amigos da Cultura Celta" Blanca García Fernández-Albalát na conferencia "A celticidade de Gallaecia: Discusións e estado da cuestión", que impartiu na Delegación da Xunta de Galicia en Madrid-Casa de Galicia.

Luisa Rubines inaugura na Casa, con máis de cen persoas, a mostra fotográfica "As árbores do bo camiño", composta por impresionantes imaxes da Ribeira Sacra en caixas de luz

De esquerda a dereita, a xornalista Pilar Rubines, a artista Luisa Rubines, José Ramón Ónega e Ramón Jiménez

Un total de 35 fotografías, delas máis dun terzo en caixas de luz e o resto enmarcadas e en bastidores, compoñen a exposición "AS ÁRBORES DO BO CAMIÑO" da lucense Luisa Rubines que acollerán as salas A e B da delegación da Xunta de Galicia en Madrid ata o día primeiro de marzo. As protagonistas das imaxes son as árbores da Ribeira Sacra do Miño, que permanecen mergulladas gran parte do tempo e só poden verse cando baixa a canle do río.

Galicia, Castela-A Mancha e Andalucía únense en defensa da intensidade das axudas europeas no marco 2014- 2020

Esteban, Rueda e Ávila.

·         As tres administracións ratificaron en Madrid unha declaración conxunta en defensa da intensidade da axuda transitoria e dunha rede de seguridade

·         Adiántanse ao Consello Europeo do 7 e 8 de febreiro, onde se pretende alcanzar un acordo definitivo sobre o presuposto comunitario dos próximos sete anos

·         Esperan conseguir que se manteña a proposta da Comisión apoiada polo Parlamento Europeo e o Comité de Rexións

Ónega participa nun acto de promoción da Mancomunidade Terra Chá, en Fitur

Ónega, Arias e Castosa.

O delegado da Xunta de Galicia en Madrid, José Ramón Ónega, participou hoxe nun acto de promoción da Mancomunidade Terra Chá que tivo lugar en Fitur. Ónega resaltou as bondades desta bisbarra xunto ao seu presidente, Armando Castosa, que tamén fixo unha ampla exposición sobre ela, e a delegada da Xunta de Galicia en Lugo, Raquel Arias.

A Asociación Española de Cidades da Pesca (Aecipe) celebrou a súa Asemblea Xeral na Casa de Galicia en Madrid

Os membros da Asemblea con Ana Rodríguez.

A Asociación Española de Cidades da Pesca (AECIPE), celebrou hoxe na Casa de Galicia-Delegación da Xunta de Galicia en Madrid, en sesión ordinaria, á súa Xunta Directiva e Asemblea Xeral, como xa fixese coas últimas reunións da Asociación.

"O pausado Camiño Inglés": Outra forma de chegar a Compostela

Jesús Asorey, Aser Álvarez, JR Ónega, José Manuel Otero e CarlosTardáguila

A delegación da Xunta en Madrid acolleu esta mañá, coincidindo coa maior Feira Internacional de Turismo (FITUR) a presentación  da Guía “O pausado Camiño inglés; The Slow English Way”, edición bilingüe de peto e divulgativa sobre unha das rutas xacobeas máis atractivas e a máis descoñecida e menos transitada de todas. Esta publicación, que inclúe códigos QR que permiten descargar material audiovisual sobre cada unha das etapas desta ruta, é un dos froitos do convenio de colaboración da Deputación da Coruña coas Asociacións de Hostalería de Ferrol, A Coruña, Santiago e Hospeco en 2012, para a desestacionalización do turismo nesta provincia.

Nava Castro: "O custo do posto galego en Fitur será un 30% menos que en 2012"

Pita, Castro y Ónega.
  • A Secretaria Xeral de Turismo, Nava Castro, acompañada do director da Casa de Galicia en Madrid, José Ramón Ónega e da xerente de Turgalicia, Carmen Pita, explicou as principais novidades da participación de Turismo de Galicia na edición número 33 da Feira de Turismo de Madrid.
  • Galicia apostará en Fitur pola introdución da marca turística nos diferentes mercados emisores, a promo-comercialización e o apoio ao empresariado turístico galego.
  • Ademais dos dez novos modos de descubrir Galicia, o posto galego -que este ano ocupa menos espazo para racionalizar o custo- contará con módulos dedicados a todos os xeodestinos de Galicia, o Camiño de Santiago e o Turismo de Cidade.

O Club de Xornalistas Galegos homenaxea o desaparecido xornalista Antonio D. Olano na Casa de Galicia en Madrid

Un momento do acto.

O Club de Xornalistas Galegos en Madrid entregou hoxe á familia do xornalista galego Antonio D. Olano a distinción que ía recoller el mesmo este mes de xaneiro, a de "Mestre de xornalistas", que lle foi concedida en vida pero se entregou xa a título póstumo, tras o seu falecemento, o pasado 29 de decembro en Madrid. Fíxoo nun acto de homenaxe celebrado na Casa de Galicia en Madrid -que visitaba con frecuencia o homenaxeado-, no que ademais da entrega da distinción, que recolleu a súa irmá Pilar, se celebrou unha mesa redonda en torno á súa figura na que interviñeron o delegado da Xunta de Galicia en Madrid e director da Casa, José Ramón Ónega, os xornalistas Alfredo Amestoy, Carlos G. Reigosa e Pilar Falcón, presidenta do Club, e o produtor de televisión Alfonso Arteseros. Entre os asistentes ao acto, que encheron a sala principal da Casa, había numerosos xornalistas.

Presentada a segunda edición do libro "Lamazares. Viaxe íntima"

De esquerda a dereita: José Manuel Vargas, presidente de AENA; José Manuel Romay Beccaría, presidente do Consello de Estado; o pintor Antón Lamazares ao que está dedicado el libro; Ana Pastor Julián; José Ramón Ónega López, delegado da Xunta en Madrid y director de la Casa; Pilar Farjas, secretaria general de Sanidad y Consumo; Marta Fernández Currás, secretaria de estado de Presupuestos e Gastos del ministerio de Hacienda; José Crespo, alcalde de Lalín, vila natal de Lamazares e Enrique Beotas, coautor do libro.

La Casa de Galicia, delegación de la Xunta en Madrid acogió la presentación de la segunda edición del libro “Lamazares. Viaje íntimo” de Enrique Beotas, Sergio Casquet y Pedro Sempere, publicado por Quindici Editores. En el acto, que estuvo presidido por la ministra de Fomento, Ana Pastor, intervino, además del delegado de la Xunta y director de la Casa, José Ramón Ónega,  también el reconocido artista al que está dedicada la publicación, Antón Lamazares, que viajó a Madrid ex profeso desde Berlin, ciudad en la que reside por largas temporadas desde 2004.

Enxeñeiros químicos de Santiago reúnense na Casa con representantes doutras universidades para o proxecto "Novedar-Consolider"

José Ramón Ónega, no centro, cos integrantes do proxecto nun receso da xornada de traballo

 

"As nosas instalacións están á vosa disposición", dixo o delegado da Xunta en Madrid e director da Casa, José Ramón Ónega aos integrantes do grupo de traballo, representado por Juan M. Lema, da Escola de Enxeñeiros Químicos da Unversidade de Santiago de Compostela. "Estamos encantados de servir á investigación e a ciencia e aquí atoparán sempre o noso apoio e colaboración". Pola súa banda, Lema expresou a súa "satisfacción, tanto polo ofrecemento como pola cálida acollida que sempre nos dispensan".

Mostrando o intervalo 681 - 690 de 875 resultados.