Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

Actualidade

Mostrando o intervalo 61 - 70 de 852 resultados.

Representantes das rexións compradoras do proxecto EMPATTICS reuníronse na Delegación da Xunta en Madrid para puntuar as ofertas na segunda fase

O delegado de la Xunta, José Ramón Ónega López, saúda á coordinadora de Proxectos Europeos da ACIS, Susana Fernández Nocelo.

Representantes das rexións compradoras do proxecto EMPATTICS, cofinanciado pola Comisión Europea no marco do programa Horizonte 2020 e liderado pola Xunta de Galicia a través da Axencia Galega para a Xestión do Coñecemento en Saúde ( ACIS), reuníronse hoxe na Delegación da Xunta en Madrid/Casa de Galicia para puntuar as ofertas técnicas presentadas para a segunda fase das tres nas que se divide o proxecto. Foron recibidos polo delegado da Xunta en Madrid e director da Casa, José Ramón Ónega, quen lles dió a benvida e desexoulles unha boa xornada de traballo.

Juan de Betanzos segue sendo un heroe en Perú, gran historiador, culto, intelixente e con formación musical

1. O agregado Cultural da Embaixada de Perú Alonso Ruiz-Rosas (dereita), co coordinador de Actos da Casa Ramón Jiménez e a doutora Carmen Martín Rubio.

"O cronista galego Juan Díez de Betanzos segue sendo un heroe en Perú onde chegou con só 17 anos. Era culto, moi intelixente, ambicioso, cunha sólida formación musical e que se integrou perfectamente", asegurou a doutora en Historia de América, María del Carmen Martín Rubio na conferencia que baixo o título "O cronista galego Juan de Betanzos e o Reino Inca perdido na selva do Amazonas", pronunciou na Delegación da Xunta en Madrid. O acto contou coa asistencia do agregado Cultural da Embaixada do país andino en Madrid, Alonso Ruiz-Rosas, quen confirmou a afirmación da relatora.

O pintor pontevedrés Raúl Velloso expón na Delegación da Xunta en Madrid a mostra "Galicia no país das marabillas"

Raúl Velloso ante o cadro "Gaitero".

O pintor pontevedrés Raúl Velloso (Cangas do Morrazo, 1965) inaugurou hoxe na Delegación da Xunta de Galicia en Madrid/Casa de Galicia a exposición "Galicia no país da marabillas" composta por 46 obras con imaxes curvilíneas e cheas de colorido, de estilo moi persoal, que retratan edificios, paisaxes e personaxes de Galicia ben identificados. A exposición, coa que a Casa abre as actividades públicas deste novo ano 2019, móstrase en dúas salas e estará aberta ao público ata o próximo día 31.

O galego Dúo Rivera presentou na Delegación da Xunta en Madrid/Casa de Galicia o seu disco "En el medio del camino"

As musicas Raquel Rivera e María Luz Rivera (Dúo Rivera), o expresidente do Consello de Estado, José Manuel Romay, o delegado da Xunta, José Ramón Ónega, o coordinador de Actividades da Casa de Galicia, Ramón Jiménez, a xestora cultural Juana Escudero e a musicóloga e filósofa Marina Hervás.

O galego Dúo Rivera, composto polas músicas ourensás, residentes en Madrid, María Luz Rivera (piano) e Raquel Rivera (violín), presentou esta tarde na Delegación da Xunta en Madrid/Casa de Galicia o seu CD "En el medio del Camino", nun acto que contou coa colaboración da Deputación Provincial de Ourense e no que as artistas interpretaron algunhas pezas do repertorio do disco. O CD contén obras de autores galegos -Marcial de Adalid-, de temática galega -" Aureana do Sil", de Federico Mompou- e doutros autores españois (Falla e Turina).

O escritor Blanco Corredoira presentou na Delegación da Xunta/Casa de Galicia o seu último libro, "El secreto de Amarante. Misterios y leyendas al borde del Camino de Santiago"

Manolo Castro, Mercedes Martel, Ramón Jiménez, José María Blanco Corredoira e Basilio Rodríguez Cañada.

O escritor José María Blanco Corredoira, madrileño de ascendencia galega, presentou hoxe na Delegación da Xunta en Madrid/Casa de Galicia a súa última obra, "El secreto de Amarante. Misterios y leyendas al borde del Camino de Santiago", publicada na colección Narrativa do Grupo Editorial Sial-Pigmalión.

"Lume de Biqueira: 20 anos de música", exposición retrospectiva na Casa de Galicia no mes de decembro

1. Directivos e músicos de Lume de Biqueira pousan co delegado da Xunta en Madrid, José Ramón Ónega, Pilar Falcón e Carlos de Blas.

Países como Irlanda, Francia, Reino Unido, Italia, Lituania, ou China, ademais de multitude de cidades en España converteron a Lume Biqueira nunha das bandas celtas máis internacionais e activas do panorama actual. A súa xa longa traxectoria queda recollida na exposición fotográfica retrospectiva "LUME DE BIQUEIRA: 20 ANOS DE MÚSICA", que se inaugurou esta tarde e coa que a banda pecha os actos conmemorativos do vixésimo aniversario da súa fundación, en 1998; e que poderá verse na Casa de Galicia ata o día 30 deste mes.

O delegado da Xunta, José Ramón Ónega, participou na 7ª Edición do Nadal Galego en Madrid

No centro, el subdirector xeral de Emigración de Galicia, Antonio Casas Calviño, a presidenta do Club de Xornalistas Galegos, Pilar Falcón, e o delegado da Xunta, José Ramón Ónega.

O delegado da Xunta e director da Casa de Galicia en Madrid, José Ramón Ónega, participou onte á noite na celebración da 7ª Edición do Nadal Galego en Madrid que tivo lugar no madrileño Teatro La Latina organizada polo Club de Periodistas Gallegos en Madrid, que preside a xornalista lucense Pilar Falcón, en colaboración coa Xunta de Galicia. O acto contou coa presenza de, entre outros, o subdirector xeral de Emigración e da Comunidades Galegas da Xunta, Antonio Casas Calviño.

"Intencións" de María Luisa Rojo Grandío NOVAIS, na Casa de Galicia no mes de decembro

1. A artista NOVAIS ante unha das súas coloridas obras.

"Intencións" é o título da exposición de pintura da artista de Ponte do Porto, Camariñas, María Luisa Rojo Grandío que asina as súas obras como Novais e que poden verse durante o mes de decembro nas salas A e B da Delegación da Xunta en Madrid/Casa de Galicia. Na mostra, Novais plasma a súa vitalidade a través dunha paleta na que predominan laranxas e violetas, con gamas fortes e un estilo que pode ser, abstracción, expresionismo, cubismo, surrealismo e novaísmo, que sería o seu propio, resultado dalgunha das múltiples combinacións posibles entre os demais.

Na inauguración, o coor

A Fundación Barrié, en colaboración con SocialCo, celebrou na Delegación da Xunta en Madrid o "Taller de intercambio de experiencias en marca e comunicación interna 2017-2018"

Participantes e organizadoras do taller pousan co delegado da Xunta, José Ramón Ónega.

A Fundación Barrié, en colaboración con SocialCo -axencia de comunicación dixital especializada en ONG-, celebrou hoxe na Delegación da Xunta de Galicia en Madrid/Casa de Galicia o "Taller de intercambio de experiencias en Marca e Comunicación interna 2017-2018". Este taller realizouse nel marco do proceso de Consultoría, do Programa Más Social, desenvolto entre 2017 e 2018 pola Fundación Barrié, dirixido á realización dun plan de acción que axude a mellorar a comunicación interna das confederacións participantes con todas as súas entidades federadas.

A Fundación Barrié celebra na Casa de Galicia dúas xornadas de formación sobre Habilidades de Negociación e o taller de Experiencias en Marca e Comunicación Interna

1. O delegado da Xunta en Madrid José Ramón Ónega pronuncia unhas palabras de benvida a organizadores e participantes nas xornadas da Fundación Barrié.

Durante dous días, hoxe 29 e manaña 30 de novembro, a Fundación Barrié celebra na Delegación da Xunta en Madrid/Casa de Galicia dúas xornadas de formación, unha sobre desenvolvemento de habilidades de negociación, e a outra un taller de Intercambio de Experiencias en Marca e Comunicación Interna. Ambas accións intégranse dentro do programa Máis Social, da Fundación, que ten como obxectivo promover as sustentabilidade das entidades sociais en Galicia, e que grazas aos excelentes resultados, o formato realízase tamén a nivel nacional desde 2016.

Mostrando o intervalo 61 - 70 de 852 resultados.