Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

Actualidade

Mostrando o intervalo 761 - 770 de 854 resultados.

A conselleira do Mar da Xunta convoca a seus homónimos autonómicos na Casa de Galicia para achegar posturas ante Bruxelas

 

A Casa de Galicia en Madrid, acolleu hoxe a reunión convocada pola conselleira do Mar, Rosa Quintana, aos representantes das comunidades autónomas para debater o documento elaborado desde Galicia no que se analiza a proposta da Comisión Europea de establecemento de TACs e cotas para o ano 2012 e que se negociará en Bruxelas o próximo día 15. O delegado da Xunta en Madrid e director da Casa, José Ramón Ónega recibiu, pola súa condición de anfitrión á conselleira do Mar e aos seus homónimos e deulles a benvida á Casa, “que tamén é vosa para o que necesitedes e que estaremos encantados de pola a disposición da consellería para cantos encontros sexan precisos”. O obxectivo desta reunión era consensuar unha proposta das comunidades autónomas para facerlla chegar a través do MARM á Unión Europea. A idea é a de achegar posturas para negociar unha posición única e forte ante Bruxelas para defender os intereses xerais de frota española en xeral e da galega en particular.

O Delegado da Xunta de Galicia en Madrid agasalla o cónsul xeral de España en Xerusalén

O delegado da Xunta de Galicia en Madrid, José Ramón Ónega, agasallou hoxe o cónsul xeral de España en Xerusalén, Alfonso M. Portabales Vázquez, entregándolle unha distinción da Casa de Galicia-Delegación da Xunta de Galicia en Madrid que recoñece o seu afecto pola institución. O cónsul visitou a Casa acompañado por unha representación das asociacións galegas en Madrid composta por importantes directivos e empresarios.

Lagasca dá a coñecer na Casa de Galicia a súa nova liña de expresión en obras pictóricas de temática galega

 A Casa de Galicia-Delegación da Xunta de Galicia en Madrid acolleu hoxe a inauguración da exposición de pintura de Enrique Parra Lagasca, polifacético burgalés -profesor do a Universidade Pontifica de Comillas, enxeñeiro, músico, escritor e pintor- que dá a coñecer a súa nova liña de expresión en obras de temática galega que recrean escenas da Ría de Arousa, onde goza das súas vacacións dende hai moitos anos, ou a Lonxa de Vigo, ás que se engaden retratos e flores, que son outros temas habituais en Lagasca, nome artístico deste pintor, que tamén dá nome á exposición. A mostra pode visitarse ata o próximo día 29.

Mostra antolóxica retrospectiva de Antón Abreu Bastos na Casa de Galicia en Madrid

A Casa de Galicia-Delegación da Xunta de Galicia en Madrid acolleu esta noite a inauguración da exposición antolóxica retrospectiva do pintor galego Antón Abreu Bastos, falecido en 2004, na que están presentes distintas etapas da súa traxectoria artística, en cuxa temática existen paisaxes, pedras, figuración, etc. No acto estiveron presentes a súa viúva, a tamén pintora Elsa Pérez Vicente, e os seus fillos, Alejandra e Juan Sebastián, acompañados polo coordinador de Actividades da Casa, Ramón Jiménez. A exposición, que pode verse ata o próximo día 29, ocupa dúas salas da Casa.

O comisario dos Camiños a Santiago da Xunta de Castela e León, Manuel Fuentes, pronunciou o último relatorio do "Seminario José Cimadevila Covelo de Estudios Xacobeos" sobre o sistema de xestión dos 2083 Km. de Camiños na súa Comunidad

No acto, presidido polo coordinador de Actividades Culturais da Casa, Ramón Jiménez Pérez, interviñeron o presidente da Asociación de Amigos dos Camiños de Santiago de Madrid, José Antonio Ortiz e o comisario dos Camiños a Santiago en Castela e León, Manuel Fuentes Hernández que falou sobre o sistema de xestión dos Camiños na súa comunidade. Jiménez encargouse da presentación do acto e recordou nas súas breves palabras a longa e frutífera colaboración coa Asociación: "hoxe clausuramos a undécima edición e esperamos que poidamos celebrar, como mínimo outras tantas".

O oncólogo Javier Román García explicou na Casa de Galicia os últimos avances no tratamento médico do cancro

O tratamento actual do cancro entra de cheo no que se chamou a Medicina Personalizada. Trátase de axustar os tratamentos ás características moleculares e xenéticas dos tumores e ás especificidades dos pacientes para exercer a maior presión sobre as células tumorais tratando de evitar a agresión ás células dos órganos sans, segundo explicou hoxe o xefe do servizo de Oncoloxía Médica do Hospital Moncloa, Javier Román García, na Casa de Galicia en Madrid, onde impartiu a conferencia "Tratamento médico do cancro".

As vías romanas do Camiño de Santiago, obxeto dunha conferencia na Casa de Galicia en Madrid

As magníficas vías romanas do norte da península, no Camiño de Santiago, estaban preparadas tanto para o transporte rodado de grandes cargas como para o tránsito rápido de vehículos lixeiros. Por elas levouse a Roma o ouro da Gallaecia, entraron produtos doutras partes do mundo, transitou o propio Augusto e, entre outras cousas, desprazouse a peregrinación a Santiago. Hoxe foron obxecto dunha conferencia, "Enxeñaría romana nos Camiños de Santiago", impartida na Delegación da Xunta de Galicia en Madrid-Casa de Galicia polo enxeñeiro técnico de Obras Públicas Isaac Moreno Gallo.

A catedrática Mª Victoria Veguín Casas pronunciou o segundo relatorio do "Seminario José Antonio Cimadevila Covelo de Estudos Xacobeos", co título "Unha mirada matemática sobre o Camiño de Santiago"

No acto, participaron a conferenciante, María Victoria Veguín Casas, catedrática de Matemáticas de Instituto, e José Antonio Ortiz, presidente da Asociación de Amigos dos Camiños de Santiago de Madrid, que é a promotora do "Seminario José Antonio Cimadevila Covelo de Estudios Jacobeos", do que este ano se celebra a undécima edición. O relatorio, segundo do seminario, leva por título "Unha mirada matemática sobre o Camiño de Santiago".

A doutora coruñesa Mª Ángeles Fernández inaugura o ciclo de conferencias "Seminario José Cimadevila Covelo de estudos xacobeos" falando sobre "Saúde e enfermidade no Camiñoo de Santiago"

No acto, presidido polo delegado da Xunta de Galicia en Madrid e director da Casa, José Ramón Ónega interviñeron o presidente da Asociación dos Camiños de Santiago de Madrid, José Antonio Ortiz e a hematóloga e presidenta da Federación Española de Asociacións de Amigos do Camiño de Santiago, nacida en Muros e que desenvolve a súa actividade médica en Valencia, María Ángeles Fernández. A doutora organiza dende 1996 unha viaxe a Santiago con enfermos crónicos de corazón e na Casa falou desta gratificante experiencia.

A Casa de Galicia organizou a Mesa Redonda "A diáspora de galegos e xudeus"

A delegación da Xunta en Madrid acolleu a Mesa Redonda co título "A diáspora de galegos e xudeus". No acto, presidido polo secretario xeral de Emigración da Xunta de Galicia, Santiago Camba, interviñeron: o delegado da Xunta en Madrid e director da Casa de Galicia, José Ramón Ónega López, autor do libro "Os xudeus no Reino de Galicia"; o presidente da Comunidade Xudía de Madrid, Samuel Bengio; o presidente da Asociación de Médicos Galegos en Madrid (ASOMEGA), Francisco R. García Fernández; e o arquitecto Julio Touza, descendente das irmás Touza, cuxo comportamento humanitario foi recoñecido pola comunidade xudía.

Mostrando o intervalo 761 - 770 de 854 resultados.