Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

Actualidade

Mostrando o intervalo 791 - 800 de 897 resultados.

Pilar Rojo aposta por divulgar as normas e procedementos parlamentarios para dar a coñecer as institucións

Presidiu na Casa de Galicia en Madrid a presentación dun "Manual de actuación do Parlamentario" que nunha linguaxe amena pretende achegar a realidade do poder lexislativo a un público non especializado.

Pilar Rojo avanza que o Parlamento de Galicia presentará nos próximos días o seu propio "Manual Parlamentario" no marco dunha estratexia para achegar a Cámara á sociedade

Ónega resaltou en FITUR "os xeodestinos como nova visión da Galicia turística, capaz de recoller todas as singularidades de cada espacio"

No acto, que tivo lugar na sala de conferencias do estand de Galicia na Feira Interancional de Turismo en Madrid, FITUR, presentouse "FERROLTERRA como destino turístico", e nel interviñeron o delegado da Xunta en Madrid, José Ramón Ónega en representación da secretaria xeral de Turismo, Carmen Pardo; o alcalde de Ferrol, José Manuel Rey; o presidente da Deputación da Coruña, Diego Calvo; e a xerente de Turgalicia, Carmen Pita.

A web www.menugallego.es presentouse na Casa de Galicia

www.menugallego.es, primeira empresa de venda de comida galega elaborada a domicilio, presentouse hoxe na sede da Delegación da Xunta de Galicia en Madrid/Casa de Galicia. O acto contou coas intervencións de José Ramón Ónega, delegado da Xunta en Madrid; María Luisa Cid, concelleira de Turismo do Concello da Coruña; Fernando Romay, excompoñente da Selección Española de Baloncesto e medallista olímpico, e Ramón Santiago, director comercial da firma. Entre os asistentes ao acto tamén estaban Eduardo Blanco, exconcelleiro de Deportes da Coruña, e Tristana Moraleja, deputada pola Coruña.

O médico y académico García Barreno disertou na Casa de Galicia sobre o uso da linguaxe na medicina

"A pesar do éxito espectacular da medicina científica, numerosos problemas cos que se enfronta o médico non teñen solucións científicas; son cuestións legais, éticas ou morais que esixen máis que un coñecemento formal, outro filosófico; unha experiencia tradicionalmente relacionada coa literatura", expuxo hoxe o médico e membro da Real Academia Española Pedro R. García Barreno na Delegación da Xunta de Galicia en Madrid/Casa de Galicia, onde ofreceu a conferencia "Medicina e Humanismo: un médico na Real Academia Española".

Plácido L. Rodríguez trasládanos á India dende a Casa de Galicia a través da exposición "Arquitecturas da alma"

O fotógrafo ourensano Plácido L. Rodríguez expón na Casa de Galicia en Madrid a mostra "Arquitecturas da Alma", unha colección de fotografías en cor realizadas na India e Nepal coa que este profesional da imaxe retoma a fotografía de viaxe que domina na súa traxectoria. A mostra ocupa dúas salas da Casa e pode verse ata o próximo 30 de xaneiro.

A exposición "Vigo no corazón de Madrid",de Ambel, primeira das mostras artísticas de 2012 na Casa de Galicia

A inauguración da mostra de Rafael Jiménez Ambel correu a cargo do coordinador de Actividades Culturais da Casa, Ramón Jiménez, e nas súas palabras sinalou como "Ambel nos achega na súa exposición a Vigo, cidade que retrata nos seus cadros coma se dunha persoa se tratase, mostrando os distintos aspectos das súas rúas, os seus barrios e os seus edificios segundo o seu humor e os distintos ceos que a iluminan de día e a escurecen de noite. Real e fantasmagórica, antiga e moderna, ascendente e descendente, horizontal na táboa do mar, goyesca nos monstros que a sobrevoan como caprichos, xeométrica e picassiana, redonda e acolledora en torno ás ostras da Pedra, vangoghiana ás veces nas súas cores coma se un vento de Levante os tivese arrastrado ata a paleta do pintor. E é que non en van Jiménez Ambel, afincado en Galicia, xurdiu do luminoso sur a través do Mediterráneo".

A Casa de Galicia clausura o programa de actividades coa entrega de distincions a personalidades que colaboraron activamente coa Institución

A delegación da Xunta de Galicia en Madrid acolleu o acto de clausura do programa de actividades do ano, no que o delegado e director, José Ramón Ónega fixo entrega de distincións a diversas personalidades que colaboraron activamente con esta Institución. Os galardoados foron: Ana Pastor Julián, José Manuel Pérez Vázquez, Andrés Ramos Castro, Carlos de Blas Armada, Elías Rodríguez Varela, Gonzalo Rodríguez Mourullo, Enrique Beotas López, José Cerdeira Taboada e aos directores da Casa que lle precederon no cargo dende a súa fundación: Francisco Díaz Rey, José Antonio Ferreiro Piñeiro, Ramón López Vilas e Alfonso S. Palomares. O acto pechouse coa interpretación musical da prestixiosa violinista de orixe húngara Andrea Szamek, en cuxo repertorio non faltou música celta.

O responable da organización do Desfile de San Patricio en Nova York visita la Casa de Galicia en Madrid

 O delegado da Xunta de Galicia en Madrid, José Ramón Ónega, e unha representación do Club de Amigos da Cultura Celta -xurdido dentro da Orde da Vieira-, composta por Francisco Cal Pardo, Carlos de Blas e José Luis Rodríguez recibiron hoxe na Casa de Galicia en Madrid ao presidente da entidade que organiza o Desfile de San Patricio, en Nova York, John Dunleavy, que se acha de visita en Madrid e chegou acompañado de Tony Sánchez.

Rueda destaca na Casa de Galicia a figura de Modesto Seara por ser "un dos gallegos máis polifacéticos do último século"

O delegado da Xunta en Madrid e director da Casa, José Ramón Ónega López deu a benvida á institución galega tanto aos integrantes da mesa: "Alfonso Rueda Valenzuela, conselleiro de Presidencia, Administracións Públicas e Xustiza; Jorge Zermeño Infante, Embaixador dos Estados Unidos Mexicanos en España; Modesto Seara, Reitor do Sistema de Universidades Estatais de Oaxaca; Julio Lage González, director xeral da Fundación Innovación España, presidente do club da Sexta Provincia, e presidente de AEGAMA; Senén Barro Ameneiro, presidente de Rede Emprendia. Ex reitor da Universidade de Santiago de Compostela e responsable de Iniciativas Culturais do Club da Sexta provincia", así como como ás distintas personalidades que citou no seu saúdo por encontrarse na sala. No acto, Rueda agradeceu á institución "o seu compromiso de unir lazos entre a capital española e Galicia; do mesmo xeito que Beotas contribuíu coa súa carreira a reforzar esta unión a través das súas persoais entrevistas aos galegos que viven lonxe da terra, é dicir, "radiografando a galleguidade".

Enrique Beotas, xornalista, editor de "A Rebotica", falou na Casa de Galicia sobre a divulgación da prevención sanitaria

 "O único colectivo que comparece aos medios cando son requiridos sen esixir nada a cambio é a profesión médica. Faino sempre e dende sempre" para divulgar a prevención, os consellos orientadores e os novos saberes, mantivo hoxe na Casa de Galicia en Madrid o xornalista e editor do programa de raio "A Rebotica", Enrique Beotas, recordando "esa sagrada obriga do médico", a divulgación, “que a través do seu xuramento hipocrático, exerce o profesional da medicina cunha xenerosidade sen parangón”.

Mostrando o intervalo 791 - 800 de 897 resultados.