Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

Actualidade

Mostrando o intervalo 811 - 820 de 854 resultados.

Ana Pastor presidiu a inauguración do ciclo de conferencias "Medicina e Saúde" que se iniciou hoxe na Casa de Galicia

Ana Pastor, acompañada polo delegado da Xunta de Galicia en Madrid e o profesor de Medicina Nuclear J.M. Pérez-Vázquez

A vicepresidenta segunda do Congreso, ex ministra de Sanidade e médico, Ana Pastor, acompañada polo delegado da Xunta de Galicia en Madrid, José Ramón Ónega, inaugurou o ciclo divulgativo de conferencias "Medicina e Saúde" que se iniciou esta tarde na Casa de Galicia en Madrid. O ciclo está dirixido e coordinado por J. M. Pérez-Vázquez, Profesor xefe de Medicina Nuclear, do Hospital Xeral Universitario Gregorio Marañón, quen tamén ofreceu a conferencia inaugural, "A Medicina do século XXI-Primeira década".

A Casa de Galicia acolleu a presentación da XVI Semana Gastronomica e Cultural do Marisco que se celebrará na localidade madrileña de Alcobendas do 19 de abril ao 2 de maio

Mesa principal do acto de presentación da XVI Semana Gastronomica e Cultural do Marisco

García de Vinuesa: "Os galegos achegaron moito a Alcobendas e estámoslles moi agradecidos por conservar e compartir connosco a súa cultura, a súa gastronomía o seu folclore... que enriquece cada día a nosa localidade".

A Xuntanza empezou organizando, hai 16 anos, unha feira de catro días e nesta edición xa son dúas semanas.

O programa inclúe, xunto coa gastronomía, unha ampla e variada oferta cultural con exposicións de arte, proxeccións de películas e curtos, artesanía, alfombras florais...

O filólogo ourensano José Eduardo Valenzuela presentou hoxe en Madrid o seu libro Grita, Cuerpo mis Ochenta. Vida en Falsa Ficción

Mesa principal do acto de presentación do libro de José Eduardo Valenzuela

A obra, editada por Edymion é unha recompilación dos "diálogos que ten un autor co seu vello corpo, a súa vida, a súa obra, presente, pasado, realidades e sonos entre Madrid e Galicia", en palabras de Jiménez.

"¿Novela, autobiografía, diario, monólogo...?" para Angelina Gatell o libro de Valenzuela é "un compendio de todo iso".

"A nosa xeración tivo o privilexio de presenciar a vida e gran parte da obra dos principais creadores, Risco, Otero Pedrayo, Cuevillas, Blanco Amor, Valente... ", dixo José Luis Varela.

O profesor Alonso Montero presentou en Madrid a súa última publicación, dedicada ao lingüista Aníbal Otero, a súa época histórica e as súas circunstancias persoais

O profesor Alonso Montero xunto con José Ramón Ónega e o secretario xeral de Política Lingüística, Anxo M. Lorenzo no acto de presentación

Ónega: "É un libro imprescindible, esencial e necesario. Alonso Montero regálanos un tesouro para coñecer mellor Galicia, aos que sufriron polas súas ideas e aos que loitaron pola súa terra".

"Aníbal Otero estaba chamado a ser un dos alicerces da moderna filoloxía galega, mestre e guía das seguintes xeracións de investigadores da lingüística galega dende a Universidade de Santiago de Compostela, papel que non puido cumprir", dixo Anxo Lorenzo.

A Casa de Galicia acolleu a presentación en Madrid do I Festival Internacional Rias Baixas, de música, danza e teatro

Participantes de la presnteación del I Festival Internacional Rias Baixas

A Casa de Galicia acolleu esta mañá a presentación en Madrid do I Festival Internacional Rías Baixas, de Música, Danza e Teatro, que terá lugar na provincia de Pontevedra entre os días 1 e 23 do próximo mes de xullo, unha iniciativa do actor Sancho Gracia, o produtor Celestino Aranda e o director de escena, Miguel Narros, que codirixen o evento. O Festival conta co apoio institucional da Deputación de Pontevedra, da Consellería de Turismo e Cultura da Xunta de Galicia, do Ministerio de Cultura e da Secretaría Xeral Iberoamericana.

Feijóo subliña que Galicia é pioneira adoptando medidas que xeran confianza porque quere ser recoñecida como unha comunidade solvente e crible

O presidente de la Xunta, Alberto Núñez Feijóo na conferencia organizada pola Confederación Española de Asociacións de Xóvenes Empresarios

Asegura que en España a crise económica derivou nunha crise de confianza no país e nas súas posibilidades debido ao errático xeito en que foi afrontada, mediante unha reforma acometida "con présas e sen planificar adecuadamente", e a través de medidas "de escaso impacto, erráticas e impopulares"

Resalta que Galicia é pioneira en aprobar un proxecto de Lei de disciplina orzamentaria, que establece un teito de gasto non financeiro e blinda a sustentabilidade das contas públicas a curto, medio e longo prazo

A Casa de Galicia acolleu a presentación oficial en Madrid do "VI Congreso Mundial do Xamón" que se celebrará en Lugo o próximo outono

Mesa principal do acto de presentación

Medios e profesionais do sector alimentario déronse cita esta mañá na Casa de Galicia para coñecer os pormenores do VI Congreso Mundial do Xamón, un evento bianual que, por primeira vez celebrarase nunha cidade galega. Será en Lugo, os días 21, 22 e 23 de setembro. Na presentación oficial interviñeron o delegado da Xunta en Madrid e director da Casa de Galicia, José Ramón Ónega López; o tenente de alcalde e concelleiro de Deportes e Turismo do Concello de Lugo José Manuel Díaz Grandío; a directora de Mercadotecnia do Grupo COREN, María Gómez Franqueira; o director do Centro Tecnolóxico da Carne de Galicia e presidente do Comité Científico do Congreso Miguel Fernández; o coordinador de Asociación de Criadores de Gando Porcino Celta (ASOPORCEL) e secretario do Comité Científico e Organizador do Congreso José Antonio Carril, e Eduardo J. Núñez Torrón, presidente do Comité Organizador do Congreso e presidente da Cámara de Comercio, Industria e Navegación de Lugo.

Gabriel Elorriaga presenta na Casa de Galicia o seu último libro, 'La maldita oposición'

Mesa principal da presentación do libro de Gabriel Elorriaga, 'La maldita oposición'

O político, avogado e xornalista Gabriel Elorriaga Fernández presentou hoxe na Casa de Galicia en Madrid o seu último libro, 'La maldita oposición', unha recompilación de artigos publicados no xornal dixital Diariocrítico.com, prologado polo editor do medio, Fernando Jáuregui, e publicado pola editorial Pigmalión, que dirixe Basilio Rodríguez.

O pintor Gil Cerracín expón na Casa de Galicia unha selección de obras baixo o título xenérico de "Estampas de Galicia"

Pintor e arquitecto técnico, Rafael Gil Cerracín

Na Sala B da delegación da Xunta en Madrid, e ata o 29 deste mes, a Casa acolle unha selección de obras do pintor e arquitecto técnico, Rafael Gil Cerracín que leva por título, "Estampas de Galicia", xa que son precisamente, as paisaxes, recantos de cidades e lugares galegos os que protagonizan as súas obras. Obras, por outra parte, realizadas coas máis diversas técnicas: óleo, acuarela, técnicas mixtas, fotografía, debuxo a pluma, gravado e programas de ordenador, disciplina da que é docente.

Cristina Fernández Núñez expón na Casa de Galicia en Madrid "LISTEN:SILENT", unha selección das súas últimas creacións

Acto de inauguración da mostra de pintura da artista viguesa Cristina Fernández Núñez

A Casa de Galicia en Madrid acolle ata o 29 de abril, nas súas salas A e L, a mostra de pintura da artista viguesa Cristina Fernández Núñez, co título "LISTEN:SILENT", unha selección con preto dunha trintena de cadros de diferentes formatos. A moza creadora xoga coas palabras "escoita e silencio", que en inglés soan moi similar e ademais utilizan case os mesmos carácteres. "Para escoitar, é necesario o silencio e tamén dito ao revés ten sentido", di.

Mostrando o intervalo 811 - 820 de 854 resultados.