Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

Actualidade

Mostrando o intervalo 1 - 10 de 899 resultados.

José Ramón Ónega, delegado da Xunta en Madrid, distinguido coa Insignia de Ouro de Asomega

Julio Ancochea, presidente de ASOMEGA, entrega a Insignia de Ouro 2020 a José Ramón Ónega, delegado da Xunta en Madrid

- " Nunca olvidarei esta xenerosa proba de amizade e afecto", dixo o delegado da Xunta.

- O presidente da Xunta e o do Parlamento de Galicia uníronse virtualmente ao acto.

- Julio Ancochea destacou o papel de Ónega como embaixador de Galicia.

Asomega entrega mañá a súa Insignia de Ouro 2020 ao director da Casa de Galicia en Madrid, José Ramón Ónega

O director da Casa de Galicia /delegado da Xunta en Madrid, D. José Ramón Ónega López
  • O acto de entrega do máximo recoñecemento da Asociación de Médicos Galegos ao delegado de la Xunta en Madrid terá lugar na Casa de Galicia.

  • Será o xoves, 26 de novembro ás 13 h.

  • Debido ás circunstancias só se poderá asistir online.

A Casa de Galicia en Madrid reabre as súas portas

A Casa de Galicia en Madrid reabre as súas portas a efectos administrativos.

Poderase visitar tamén a exposición interrompida o 13 de marzo, " Hai mulleres", de Otero Regal, ata o próximo 30 de xullo. As visitas non poderán, con todo, acceder en grupo.

As bandeiras a media hasta na Delegación da Xunta/Casa de Galicia en homenaxe ás vítimas do COVID-19

Bandeiras a media hasta na Delegación da Xunta en Madrid polas vítimas do COVID-19.

O Goberno de Galicia, que preside Alberto Núñez Feijóo, decretou loito oficial na Comunidade galega durante todo o mes de maio en homenaxe ás vítimas falecidas polo coronavirus COVID-19 e as súas familias.

O Goberno galego considera que finalizada a fase aguda da crise sanitaria é o momento de recoñecer as súas vítimas. En homenaxe a elas, na Delegación da Xunta en Madrid/Casa de Galicia ondean as bandeiras a media hasta.

Suspendidas temporalmente as actividades na Casa de Galicia en Madrid

Con motivo da situación sanitaria creada pola expansión do virus COVID-19 (Coronavirus), suspéndense temporalmente as actividades na Casa de Galicia en Madrid.

Avisaremos do seu reinicio con novas convocatorias de actos.

 

"HAI MULLERES", esculturas e cadros cerámicos de Otero Regal na delegación da Xunta en Madrid durante o mes de marzo

1. Otero Regal na súa exposición HAI MULLERES.

A exposición"HAI MULLERES" xurdiu como unha homenaxe ao mundo da muller, e son esculturas e cadros cerámicos do artista lucense Alfonso Otero Regal, quen expón a mostra como homenaxe ao mundo matriacal galego do que procede, "mulleres sempre cheas de forza e vitalidade". O xerme da mostra é o libro do mesmo título escrito por 48 autores no que cada un deles aporta un poema sobre a muller que máis marcou a súa vida, e que Otero Regal editou e ilustrou, axuntando literatura e artes plásticas.

Terceira entrega do cómic "A espada de San Eufrasio"

1. De esquerda a dereita Manuel López Poy, Pepe Rey, Ramón Jiménez, Miguel Fernández e o editor Lorenzo Pascual.

Os amantes do cómic histórico baseado na Idade Media están de parabén porque teñen no mercado un novo título que se presentou esta tarde na Delegación da Xunta en Madrid, o libro "La espada de San Eufrasio. Un pacto con Satanás", dos guionistas Pepe Rey, Miguel Fernández e o debuxante Manuel López Poy, terceira entrega da colección publicada por Diábolo Edicións. Neste novo libro continúa a conspiración que dá lugar á Revolta Irmandiña na primavera de 1495.

O Museo Casa da Troia recibiu na Delegación da Xunta en Madrid o premio "Memorial José Antonio Díaz Reneses aos valores na tuna"

1. Intervenientes e actuantes nunha ampla foto de familia como recordo do encontro.

A Delegación da Xunta en Madrid/Casa de Galicia acolleu hoxe a entrega do premio "Memorial José Antonio Díaz Reneses aos valores na tuna" ao Museo Casa de la Troya por "o respecto e o traballo pola conservación e a promoción do patrimonio cultural da nosa irmandade universitaria" e a homenaxe a Alejandro Pérez Lugín no 150 aniversario do seu nacemento.

Xornada de traballo e formación de EFA Piñeiral de Arzúa na Delegación da Xunta en Madrid

1. Foto de Familia. De EFA Mary Espiñeira, Berta Cobo, María Jesús Limés; da Xunta, o delegado en Madrid José Ramón Ónega e o coordinador de Actos Ramón Jiménez; co alumnado de EFA Piñeiral.

A Delegación da Xunta en Madrid/Casa de Galicia acolle hoxe a celebración da "XORNADA DE FORMACIÓN EFA PIÑEIRAL DE ARZÚA" na que preto dunha vintena de alumnos de Formación Profesional de "Comercio e Marketing" e de "Panadería e Pastelería" de EFA PIÑEIRAL de Arzúa (A Coruña) coñeceron iniciativas e experiencias de diferentes profesionais que desempeñan o seu traballo en Madrid, co obxectivo de que sirvan de coñecemento, inspiración e posible exemplo para a futura vida laboral dos estudantes.

José Crespo afirma na Delegación da Xunta en Madrid que "Lalín ten a festa gastronómica máis importante de España, recoñecida como de Interese Turístico Internacional"

De esda. a dta.- Os deputados Joaquín García e Ana Belén Vázquez, a xornalista Sonsoles Ónega, a vicepresidenta segunda do Congreso, Ana Pastor, o alcalde de Lalín, José Crespo, o delegado da Xunta, José Ramón Ónega, o presidente da ONCE, Miguel Ángel Carballeda, a tenente de alcalde de Lalín, Begoña Blanco, o sacerdote Andrés Ramos, o médico José Manuel Pérez Vázquez, o empresario Julio Lage, o presidente da Xuntanza de Galegos en Alcobendas, Ovidio Cadenas, e o pintor Antón Lamazares.

A LII Feira do Cocido de Lalín, recoñecida recentemente como primeira festa gastronómica de España que alcanza a distinción de Festa de Interese Turístico Internacional e que celebra o seu día grande o 16 deste mes, presentouse esta tarde na Delegación da Xunta en Madrid/Casa de Galicia, nun acto presidido polo alcalde de Lalín, José Crespo, que tivo como anfitrión ao delegado da Xunta e director da Casa de Galicia, José Ramón Ónega, e que contou coa presenza da pregoeira desta edición, a escritora e xornalista Sonsoles Ónega, e o presidente da ONCE e comendador do Cocido de Lalín Miguel Ángel Carballeda. Entre as personalidades que acudiron ao acto atopábanse a vicepresidenta segunda do Congreso dos Deputados, Ana Pastor, os deputados Ana Belén Vázquez e Joaquín García Díez, o pintor Antón Lamazares e destacados membros da colectividade galega en Madrid como Julio Lage, José Manuel Pérez Vázquez, Andrés Ramos e Ovidio Cadenas.

Mostrando o intervalo 1 - 10 de 899 resultados.