¿Podémosche axudar?
Saúdo do director

A miña cordial e afectuosa benvida ao noso sitio na rede a todos os galegos e aos que, sen selo, aman a nosa cultura, as nosas tradicións, a nosa paisaxe e a nosa hospitalidade. Aquí teñen a súa casa. Ler máis

Eventos especiais

A Casa de Galicia en Madrid reabre as súas portas

A Casa de Galicia en Madrid reabre as súas portas a efectos administrativos.

Poderase visitar tamén a exposición interrompida o 13 de marzo, "Hai mulleres", de Otero Regal, ata o próximo 30 de xullo. As visitas non poderán, con todo, acceder en grupo.

Exposicións

Axenda

xullo 2020

Hoxe

Exposición de escultura e cadros cerámicos "HAI MULLERES", de Alfonso Otero Regal

O artista mariñán reivindica con esta mostra o seu profundo feminismo a través dunha serie de esculturas cerámicas elaboradas en alta temperatura (1.340°C), gres refractario, esmaltes, óxidos e decoración realizada totalmente a man con pincel.

Poderá visitarse ata o 30 de xullo, en horario de 10 a 14 h. e de 16 a 20 h. Festivos: de 10 a 14 horas.

Próximos eventos

Non hai eventos programados próximamente.

Actualidade

As bandeiras a media hasta na Delegación da Xunta/Casa de Galicia en homenaxe ás vítimas do COVID-19

Bandeiras a media hasta na Delegación da Xunta en Madrid polas vítimas do COVID-19.

O Goberno de Galicia, que preside Alberto Núñez Feijóo, decretou loito oficial na Comunidade galega durante todo o mes de maio en homenaxe ás vítimas falecidas polo coronavirus COVID-19 e as súas familias.

O Goberno galego considera que finalizada a fase aguda da crise sanitaria é o momento de recoñecer as súas vítimas. En homenaxe a elas, na Delegación da Xunta en Madrid/Casa de Galicia ondean as bandeiras a media hasta.

"HAI MULLERES", esculturas e cadros cerámicos de Otero Regal na delegación da Xunta en Madrid durante o mes de marzo

1. Otero Regal na súa exposición HAI MULLERES.

A exposición"HAI MULLERES" xurdiu como unha homenaxe ao mundo da muller, e son esculturas e cadros cerámicos do artista lucense Alfonso Otero Regal, quen expón a mostra como homenaxe ao mundo matriacal galego do que procede, "mulleres sempre cheas de forza e vitalidade". O xerme da mostra é o libro do mesmo título escrito por 48 autores no que cada un deles aporta un poema sobre a muller que máis marcou a súa vida, e que Otero Regal editou e ilustrou, axuntando literatura e artes plásticas.

Terceira entrega do cómic "A espada de San Eufrasio"

1. De esquerda a dereita Manuel López Poy, Pepe Rey, Ramón Jiménez, Miguel Fernández e o editor Lorenzo Pascual.

Os amantes do cómic histórico baseado na Idade Media están de parabén porque teñen no mercado un novo título que se presentou esta tarde na Delegación da Xunta en Madrid, o libro "La espada de San Eufrasio. Un pacto con Satanás", dos guionistas Pepe Rey, Miguel Fernández e o debuxante Manuel López Poy, terceira entrega da colección publicada por Diábolo Edicións. Neste novo libro continúa a conspiración que dá lugar á Revolta Irmandiña na primavera de 1495.

O Museo Casa da Troia recibiu na Delegación da Xunta en Madrid o premio "Memorial José Antonio Díaz Reneses aos valores na tuna"

1. Intervenientes e actuantes nunha ampla foto de familia como recordo do encontro.

A Delegación da Xunta en Madrid/Casa de Galicia acolleu hoxe a entrega do premio "Memorial José Antonio Díaz Reneses aos valores na tuna" ao Museo Casa de la Troya por "o respecto e o traballo pola conservación e a promoción do patrimonio cultural da nosa irmandade universitaria" e a homenaxe a Alejandro Pérez Lugín no 150 aniversario do seu nacemento.