¿Podémosche axudar?
Saúdo do director

A miña cordial e afectuosa benvida ao noso sitio na rede a todos os galegos e aos que, sen selo, aman a nosa cultura, as nosas tradicións, a nosa paisaxe e a nosa hospitalidade. Aquí teñen a súa casa. Ler máis

Exposicións

Exposición de pintura "Sigo a Plantar Árbores", de Ehlaba Carballo de Dios

Ata o 30/10/2018
"Sigo a Plantar Árbores XV" - Óleo sobre lenzo - 100 x 100 cm

A pintora de Xunqueira de Espadanedo presenta unha mostra pictórica coa árbore como elemento simbólico e representativo, elemento recorrente ao longo da súa traxectoria artística. Os bosques do seus cadros están compostos por árbores cos troncos rectos, formas puras, que transmiten unha mensaxe de verticalidade.

A exposición, que se inaugura o 2 de outubro, poderá contemplarse ata o día 30, en horario de 10 a 14 e de 16 a 20 horas. Festivos: de 10 a 14 horas.

Axenda

outubro 2018

Hoxe

Non hai eventos.

Próximos eventos

Presentación do libro "Arturo Baltar: El caminante que deshoja paisajes", de Marifé Santiago Bolaños, publicado por Ediciones Huso

23/10/2018 19:30
Portada e contraportada do libro.

Ao longo de nove capítulos, a autora viaxa polo universo humano do escultor ourensán entre textos, fotografías e un deuvedé coas palabras do protagonista.

No acto de presentación participarán Marifé Santiago, autora do libro; Nicolás García, de CATORCE Producciones; Raquel Rivera, violinista do Dúo Rivera; Jesús Vázquez, alcalde de Ourense; e Mayda Bustamante, de Huso Editorial.

Presentación do libro "LA HISTORIA DE LA FILOSOFÍA – COMO NUNCA TE LA HABÍAN CONTADO-" de Marcelino Agís Villaverde, publicado por Hércules de Ediciones

25/10/2018 19:30
Portada do libro

Con este título Marcelino Agís Villaverde, considerado unha das figuras máis brillantes da Filosofía en Galicia, publica un libro no que deixa ao carón os textos académicos para presentar unha obra na que achega a filosofía ao gran público cunha prosa atractiva e literaria.

No acto intervirán, ademais do autor, Manuel Maceiras Fafián, catedrático de Filosofía (emérito) da Universidade Complutense de Madrid; Tomás Domingo Moratalla, profesor de Filosofía da UNED en Madrid; e Laura Rodríguez Herrera, editora.

Actualidade

Presentación do libro "Cocina artesana cantábrica", na Delegación da Xunta en Madrid

1. De esquerda a dereita, Hipólito García BOLO, David González, Ramón Jiménez, Mariano Gamo e José Juan Martínez Ferreiro.

A Delegación da Xunta en Madrid/Casa de Galicia acolleu esta tarde a presentación do libro "Cocina artesana cantábrica", terceiro número da serie Especial de cociña e poesía "Sesos y Tripas", (poemas sacados das tripas, receitas feitas con miolo), publicado por edicións Venguerén. O libro inclúe 35 receitas tradicionais de peixe de restaurantes artesanais da cornixa cantábrica e 36 poemas de autores destas terras, con ilustracións de Patricia Villamarín.

Presentación do DVD da longametraxe El vientre de Europa do director Juan Pinzás

1. O DVD, en primeiro termo, co director Juan Pinzás, o coordinador de Actividades Ramón Jiménez, o escritor e analista de cinema Fernando Alonso Barahona e o historiador Diego Moldes.

A Delegación da Xunta en Madrid/Casa de Galicia acolleu esta tarde a presentación do DVD da longametraxe El vientre de Europa, escrita e dirixida polo cineasta vigués Juan Pinzás, único director español recoñecido oficialmente polo movemento Dogma 95, nomeado ao Goya en 2014, e cuxa estrea en cinemas tivo lugar en España no mes de novembro do pasado ano, previa rolda de prensa nesta Casa. O DVD que se presentou hoxe é unha coidada edición con subtítulos en inglés e inclúe, ademais da película, un excelente material extra con 70 minutos de duración, así como o ‘decálogo pinzasiano' explicado polo propio director creado para esta película.

Máis dunha vintena de profesionais galegas en Madrid visitaron a Casa de Galicia para coñecer a súa actividade e a posibilidade de utilizar os seus servizos

O delegado da Xunta en Madrid pousa riseiro coas profesionais que prometeron volver á Casa aos actos relacionados cos seus traballos e inquietudes persoais.

Máis dunha vintena de profesionais de diferentes ámbitos visitaron esta mañá a Delegación da Xunta en Madrid/Casa de Galicia para coñecer as funcións que desempeña, a programación, así como posibles aspectos de colaboración. Foron recibidas polo delegado da Xunta en Madrid e director da Casa, José Ramón Ónega, quen lles deu a benvida e explicou unha breve historia da Casa, o edificio, e as diferentes salas e dependencias. Ademais respondeu a cantas cuestións lle expuxeron tanto relacionadas cos intereses profesionais como culturais e de lecer.

Vicente Araguas presenta na Delegación da Xunta en Madrid o libro "La lluvia en el mar. Una antología de poesía gallega contemporánea"

Os escritores Manuel Pereira, Antonio Domínguez Rey e Vicente Araguas, o delegado da Xunta, José Ramón Ónega, a escritora Luz Pichel, o editor Basilio Rodríguez Cañada e o escritor Miguel Anxo Fernán Vello.

 

O escritor, profesor e crítico literario coruñés Vicente Araguas presentou hoxe na Delegación da Xunta en Madrid/Casa de Galicia o libro "La lluvia en el mar. Una antología de poesía gallega contemporánea", publicado polo Grupo Editorial Sial Pigmalión en edición bilingüe, galego-castelán, no que nesta ocasión exerceu de antólogo e editor e para o que seleccionou unha parte da obra de vinte e seis poetas galegos actuais. Na presentación acompañaron a Araguas o presidente de Sial Pigmalión, Basilio Rodríguez Cañada, o delegado da Xunta e director da Casa de Galicia, José Ramón Ónega López, e os poetas antologados na obra Antonio Domínguez Rey, Miguel Anxo Fernán-Vello, Manuel Pereira e Luz Pichel, que recitaron algúns dos poemas recolleitos nela e expuxeron a súa particular visión da poesía.