Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

Notas de prensa

Mostrando o intervalo 21 - 30 de 845 resultados.

ASOMEGA celebra o seu 25 Aniversario

1. Dr. López, Dra. Ana Fernández-Tojeiro, o delgado da Xunta José Ramón Ónega, Dr. Ancochea e de pé, Dr. Ruza, Dr. Álvarez de Mon e Dr. Charro.

A Asociación de Médicos Galegos en Madrid ASOMEGA, cumpre 25 anos da súa fundación e para celebralo realizou na Delegación da Xunta en Madrid/Casa de Galicia un "Acto Conmemorativo do XXV Aniversario" no que participaron diferentes personalidades do ámbito da medicina, socios e directivos destes anos. O encontro estivo presidido polo delegado da Xunta en Madrid e director da Casa de Galicia, José Ramón Ónega e nel interviñeron casi todos os presidentes que tivo ASOMEGA ata a data: Dr. Julio Ancochea Bermúdez, presidente actual; o Dr. Aniceteo Luís Charro Salgado, presidente de Honra; o Dr. Francisco Javier Ruza, expresidente da institución e o tamén expresidente Melchor Álvarez de Mon.

A Secretaría Xeral da Emigración felicitou a FAGAMA pola defensa da lingua no Día das Letras

1. De esquerda a dereita, Clodio Gzlez biógrafo de Fraguas, Ovidio Cadenas, presidente de FAGAMA, o delegado da Xunta en Madrid José Ramón Ónega, Antonio Casas subdirector xeral da Emigración e Fernando Gómez secretario de FAGAMA.

A Secretaría Xeral da Emigración felicitou esta mañá os centros e asociacións galegas con sede na capital de España pola defensa e a firme aposta que fan desde hai décadas pola preservación e difusión da nosa lingua durante un acto organizado pola Federación de Asociacións Galegas en Madrid (FAGAMA), que tivo lugar na Casa de Galicia madrileña, e á que asistiron o director de esta entidade, José Ramón Ónega López, e o subdirector xeral da Emigración e das Comunidades Galegas, Antonio Casas Calviño, quen quixo agradecer o seu labor aos asistentes a esta celebración do Día das Letras Galegas.

A Conferencia de Directores e Decanos de Enxeñería Química (CODDIQ) celebra a súa Asemblea Xeral na Casa de Galicia en Madrid

1. Pousado dos asistenetes á Asemblea co delegado da Xunta en Madrid José Ramón Ónega.

A Delegación da Xunta en Madrid/Casa de Galicia acolleu esta mañá a celebración da Asemblea Xeral da CODDIQ á que asistiron máis dunha vintena de profesionais. Este acto, de carácter anual, reúne aos representantes das súas institucións asociadas, centros universitarios onde se imparten os estudos de Enxeñería Química, para informar sobre o estado desta rama da Enxeñería, tanto no ámbito profesional como académico.

Os perfís dos avós de Rajoy, Zapatero, Iglesias, Rivera e Sánchez, no libro de Alfonso García López

1. De esquerda a dereita, o autor Alfonso García López, o delegado da Xunta en Madrid José Ramón Ónega, o xeneral Rodríguez-Villasante e o coordinador de Actividades da Casa Ramón Jiménez.j

Perseguín a verdade con rigor e honradez, á vez que con respecto e neutralidade", dixo Alfonso García López do seu libro "Algunos abuelos de la democracia", no que tras múltiples investigacións traza os perfís dos catro avós dalgúns dos políticos máis relevantes dos nosos días: Rajoy, Zapatero, Iglesias, Rivera e Sánchez. A obra foi presentada esta tarde na Delegación da Xunta en Madrid/Casa de Galicia e o obxectivo do autor, notario xubilado, foi o de "buscar a verdade das súas biografías" baseándose na documentación procedente de máis de trinta arquivos, entre eles, o General da Administración, de Alcalá de Henares; o Centro Documental da Memoria Histórica, de Salamanca; ou o Arquivo Histórico Nacional de Madrid.

Milladoiro, Emilio Cao, Luar na Lubre ou The Chieftains soaron na Casa de Galicia para celebrar o Día das Letras, nas audicións de Molpeceres

1. De esquerda a dereita, Ángel Hernando presidente de Albedro, o delegado da Xunta en Madrid José Ramón Ónega, o coordinador da Casa Ramón Jiménez e o relator, Fernando Molpeceres.

Emilio Cao, Luar na Lubre, Milladoiro, The Chieftains, Gwendal ou Lunasa soaron esta tarde na Delegación da Xunta en Madrid/Casa de Galicia para celebrar o Día das Letras, na conferencia "Audicións de música celta. A etiqueta das músicas atlánticas", a cargo de Fernando Molpeceres, mestre gaiteiro da Real Banda da Deputación de Ourense e profesor de gaita desde 2005 na Banda Lume de Biqueira. O acto, que estivo presidido polo delegado da Xunta en Madrid e director da Casa de Galicia, José Ramón Ónega, realizouse en colaboración coa Asociación de Música e Investigación Albedro e a banda Lume de Biqueira, cuxo presidente Ángel Hernando tamén estivo presente. Molpeceres preparou unha selección de músicas que incluíu grupos e músicos de distintos lugares de Galicia, Irlanda, pasando por Estados Unidos, Escocia ou Bretaña.

Miranda reúnese con directivos das principais entidades galegas de Madrid para trazar as liñas de colaboración cunha das colectividades máis relevantes de España

1.Directivos e representates de entidades galegas en Madrid con Rodríguez Miranda e José Ramón Ónega. Foto de familia previa á reunión.

O secretario xeral da Emigración, Antonio Rodríguez Miranda, mantivo hoxe unha xuntanza con directivos das principais entidades e asociacións galegas en Madrid para trazar as liñas de colaboración para os vindeiros meses e repasar a situación dunha das colectividades galegas máis relevantes do país. Á reunión convocada polo departamento autonómico asistiron representantes do Centro Gallego Noroeste de Madrid, a Asociación Galega Corredor de Henares, a Xuntanza de Galegos en Alcobendas, a Federación de Asociacións Galegas en Madrid, o Centro Gallego de la Sierra de Madrid, a Casa de Galicia en Alcorcón, o Centro Gallego de Madrid, a Asociación Cultural Xirandela, o Club de Periodistas Gallegos en Madrid, a Asociación de Empresarios Galegos en Madrid (AEGAMA), a Banda de Música e Investigación Albedro, a Asociación Cultural da Vieira,, a Agrupación Artística Gallega Rosalía de Castro, o Centro Galego de Móstoles, e o Centro Gallego de Tres Cantos.

O psiquiatra Bartolomé Freire explicou na Delegación da Xunta en Madrid algunhas claves para obter o máximo partido da vida de xubilado

De esquerda a dereita: o psiquiatra Bartolomé Freire, o delegado da Xunta, José Ramón Ónega, o escritor e xornalista Alfonso S. Palomares e o psiquiatra e psicanalista Carlos Mingote, momentos antes da presentación do libro.

O doutor Bartolomé Freire, psiquiatra coruñés xubilado, explicou hoxe na Delegación da Xunta de Galicia en Madrid/Casa de Galicia algunhas claves para obter o máximo partido da vida de xubilado, un período que implica cambios, novos retos e oportunidades. Fíxoo durante a presentación do libro "La jubilación, una nueva oportunidad", publicado por LID editorial e do que é autor. Acompañaron a Freire na presentación o delegado da Xunta, José Ramón Ónega, o escritor e xornalista Alfonso S. Palomares e o médico psiquiatra e psicanalista Carlos Mingote Adán.

"Deus no capitalismo", exposición de Juan González Iglesias, na Delegación da Xunta en Madrid, no mes de maio

1. O artista, Juan González Iglesias, ante unha das súas obras.

"Deus no capitalismo", é o título da exposición de pintura que poderá verse durante o mes de maio na Delegación da Xunta en Madrid/Casa de Galicia, do artista de ascendencia galega Juan González Iglesias cuxa obra rompe, de forma radical, cos estritos conceptos da arte convencional e adéntrase en terreos que van máis aló da plástica.

Ius Publicum Innovatio, spin-off da Universidade de Coruña, asina un convenio co Parlacen para o intercambio de experiencias científicas e académicas

O delegado da Xunta, José Ramón Ónega (1i), con Irma Amaya, presidenta do Parlacen (4i), Jaime Rodríguez-Arana, presidente IPI (1d) e membros dos seus respectivos equipos.

A Delegación da Xunta en Madrid/Casa de Galicia acolleu nas súas instalacións a firma dun convenio marco de colaboración entre Ius Publicum Innovatio (IPI), spin-off da Universidade da Coruña, e o Parlamento Centroamericano (Parlacen). O convenio, que foi asinado pola presidenta do Parlacen, a deputada Irma Amaya, e o presidente de Ius Publicum Innovatio, o catedrático de Dereito Administrativo Jaime Rodríguez-Arana, pretende facilitar espazos de reflexión e consulta sobre a necesidade de fortalecer o proceso de integración centroamericana de maneira integral a través do intercambio de experiencias científicas e académicas. Ambas as partes foron recibidas polo delegado da Xunta, José Ramón Ónega, quen lles felicitou pola iniciativa.

O Delegado da Xunta en Madrid, José Ramón Ónega, participou na apertura da XXIII Lectura Continuada do Quixote, organizada polo madrileño Círculo de Bellas Artes

O delegado da Xunta, José Ramón Ónega, no atril, participando na XXIII Lectura Continuada do Quixote, en representación do presidente de Galicia, Alberto Núñez Feijóo.

O Delegado da Xunta en Madrid, José Ramón Ónega, participou esta tarde na apertura da XXIII Lectura Continuada do Quixote, organizada polo madrileño Círculo de Belas Artes en conmemoración do Día Internacional do Libro e coincidindo coa entrega do Premio Cervantes 2018, que nesta edición recoñeceu a obra da poeta uruguaia Ida Vitale. Ónega participou na Lectura representando ao presidente da Xunta de Galicia, Alberto Núñez Feijóo.

Mostrando o intervalo 21 - 30 de 845 resultados.