Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

Notas de prensa

Mostrando o intervalo 411 - 420 de 862 resultados.

Diego Pardo Amado: "Rosalía: unha escritora revolucionaria"

O profesor Diego Pardo Amado e o delegado José Ramón Ónega López, instantes antes da disertación.

"Rosalía foi unha escritora revolucionaria. Postulaba pola soltaría feminina como solución frente a o matrimonio convencional", dixo como exemplo na Casa de Galicia Diego Pardo Amado, doutor en Filoloxía galego-portuguesa que traballa no John Rutherford Centre da Universidade de Oxford (Reino Unido), na conferencia que pronunciou hoxe sobre a insigne poeta. O acto estivo presidido polo delegado da Xunta en Madrid e director da Casa José Ramón Ónega, quen destacou na súa intervención a sólida formación do  conferenciante, especializado na figura de Rosalía, sobre a que publicou dous libros, así como numerosos artigos en diversas revistas especializadas.

A Casa de Galicia en Madrid acolleu a presentación das Festas patronais lucenses de San Froilán 2015

Basadre e Ónega, co programa de festas.

A Delegación da Xunta de Galicia en Madrid-Casa de Galicia acolleu hoxe a presentación das festas patronais lucense San Froilán 2015, a cargo da tenente de alcalde e concelleira de Cultura, Turismo, Xuventude e Promoción da Lingua do Concello de Lugo, Carmen Basadre, a quen acompañou na presentación o delegado da Xunta, José Ramón Ónega, en tanto que anfitrión do acto.

Marina Mayoral presenta na Casa de Galicia en Madrid a súa última novela, "El abrazo"

Merino, Mayoral, Ónega e Piñero.

A escritora lucense Mariña Mayoral presentou hoxe na Delegación da Xunta de Galicia en Madrid-Casa de Galicia a súa última novela, “El abrazo”, editada por Stella Maris. Interviñeron no acto, ademais da autora, o delegado da Xunta en Madrid, José Ramón Ónega, o escritor e membro da Real Academia Española José María Merino e o representante da editorial en Madrid, Juan María Piñero.

Canaletto, Pissarro e Crosz, na quinta sesión do ciclo "Obras Mestras da pintura do s. XV ao s.XX", de Diego Diz

Presentación da sesión.

Canaletto, Pissarro e George Crosz foron hoxe os protagonistas da quinta sesión do ciclo de clases-conferencias “Obras mestras da pintura do século XV ao século XX”, titulada “Visións da cidade”. Ciclo que ao longo do ano está a impartir na Delegación da Xunta de Galicia en Madrid-Casa de Galicia o profesor de arte Diego Diz, que foi presentado pola responsable de Prensa da Casa María Luisa Clemente, en representación do delegado da Xunta, José Ramón Ónega.

A Casa acoge este mes a exposición de fotografía "Rías Baixas. O viño do mar" de Xurxo Lobato, organizada en colaboración coa D.O. Rías Baixas

Xurxo Lobato posa coa súa cámara ante algunhas das fotos panorámicas que integran a exposición.

A Casa de Galicia acolle ata o 28 deste mes a exposición de fotografía "Rías Baixas, o viño do mar, ou viño do mar, The wine of the sea" cunha trintena de imaxes do fotógrafo Xurxo Lobato tomadas nas bisbarras nas que se se produce o viño albariño durante as catro estacións do ano. A mostra está organizada en colaboración co Consello Regulador da Denominación de Orixe Rías Baixas.

Nuria Pena expón na Casa de Galicia a mostra "Obra gráfica", composta só por gravados

Nuria Pena ante unha das súas obras.

Nuria Pena, artista lucense afincada na Coruña, inaugurou hoxe na Delegación da Xunta de Galicia en Madrid-Casa de Galicia a exposición "Obra gráfica", composta só por gravados, que poderá verse ata o próximo día 25. Presentaron a exposición, ademais da autora, o delegado da Xunta de Galicia en Madrid, José Ramón Ónega, e a pintora María Luisa Valero.

Cerca de 200 medios e profesionais acoden hoxe á Casa á presentación e cata dos viños ourensanos da D.O. Monterrei

Paadín, Mijares R. Zarraquiños e Ónega brindan polo éxito dos viños da DO Monterrei.

A Casa de Galicia en Madrid acolle hoxe a presentación en Madrid dos viños da Denominación de Orixe Monterrei dirixida a prensa especializada e profesionais do sector, -máis de 200 confirmacións- que consiste nunha xornada de cata -en horario de mañá e tarde- de 51 marcas da colleita 2014, todas elas pertencentes a 20 adegas amparadas pola D.O. Monterrei, e organizada en colaboración coa Asociación Madrileña de Sumilleres.
Unha espectacular imaxe do lagar milenario de granito de Oimbra, (Monterrei), tamaño natural, foi o escenario no que se desenvolveu o acto de presentación no que interviñeron o delegado da Xunta en Madrid e director da Casa José Ramón Ónega López; o enólogo Luis Paadín autor da "Guía de Vinos, Bodegas y Destilados de Galicia", a presidenta da D.O. Asunción Rodríguez Zarraquiños, e a presidenta da Asociación Española de Xornalistas e Escritores do Viño (AEPEV) Isabel Mijares. 

O presidente da Xunta Alberto Núñez Feijóo e a ministra de Fomento Ana Pastor Julián presidiron na Casa a celebración do Día de Galicia en Madrid acompañados polo delegado da Xunta en Madrid e director da Casa José Ramón Ónega López

O presidente Núnez Feijóo, a ministra Ana Pastor e o delegado da Xunta en Madrid José Ramón Ónega posan con todos os galardonados.

O presidente da Xunta, Alberto Núñez Feijóo, destacou hoxe o "traballo diario e honestidade imperturbable" das persoas que axudan a facer "unha Galicia mellor", nacesen ou non nesta comunidade, pois "non" fai falta ser galego para amar Galicia, nin fai falla ser galego para defendela, apoiala e engrandecela.

Feijóo outorgou durante a celebración do Día de Galicia en Madrid, -xunto coa ministra Pastor- as distincións que entrega anualmente a Casa de Galicia a persoas que, dende as súas respectivas responsabilidades, colaboran con este organismo. Todos eles forman parte "dese amplo grupo de galegos, de nacemento ou de adopción, que honrades a Galicia, que facedes da vosa tarefa diaria unha ferramenta para recuperar os mellores valores da nosa terra".
 

"A noite estrelada" de Van Gogh, protagonista no ciclo "Obras mestras da pintura do século XV ao século XX"

Jiménez e Diz, antes da conferencia.

O profesor de arte Diego Diz abordou hoxe na Delegación da Xunta de Galicia en Madrid-Casa de Galicia a cuarta sesión de clases-conferencias que constitúen o ciclo "Obras mestras da pintura do século XV ao século XX". Co título de "A propósito da paisaxe: estudo de A noite estrelada de Van Gogh, 1889" tratou "dos dominios da noite e do anhelo do absoluto", como anunciou o coordinador de Actividades Culturais da Casa, Ramón Jiménez, que presentou a sesión en representación do delegado da Xunta de Galicia en Madrid, José Ramón Ónega.

Aegama celebra na Casa de Galicia en Madrid unha Xornada de Desenvolvemento Empresarial

Un momento da Xornada.

A Asociación de Empresarios Galegos en Madrid (Aegama) celebrou hoxe na Delegación da Xunta de Galicia en Madrid-Casa de Galicia a Xornada de Desenvolvemento Empresarial "Sen cambio nin metas non hai logro", na que o delegado da Xunta en Madrid, José Ramón Ónega, deu a benvida aos participantes.

Mostrando o intervalo 411 - 420 de 862 resultados.