Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

Notas de prensa

Mostrando o intervalo 41 - 50 de 848 resultados.

A CAMOVI, corre ata Madrid

1. O delegado da Xunta en Madrid, José Ramón Ónega e a alcaldesa de Viveiro, Marisol Loureiro, coa imaxe icónica da CAMOVI, Ramón Branco, os intervenientes no acto e parte do equipo organizador.

A IX Carreira de Montaña polos montes de Viveiro, CAMOVI, que se celebrará na costeira vila lucense, o día 27 de abril e que conta cun espectacular trazado circular desde o que, prácticamente se pode contemplar o mar en todo momento, presentouse esta mañá na Delegación da Xunta en Madrid/Casa de Galicia. Son 42 kms de "puro monte galego" aínda que tamén está a posibilidade da CAMOVI 18 K, un trail ma?is curto de 18 quilo?metros para os principiantes e que comparte a última etapa da carreira longa. É unha cita para os amantes deste deporte que se desenvolve nunha contorna privilexiada, chea de atractivos gastronómicos, culturais e turísticos.

Presentada na Delegación da Xunta en Madrid "El último barco", última novela de Domingo Villar, coa asistencia de preto de duascentas persoas

1. De esquerda a dereita, o autor Domingo Villar, a xornalista Susana Santaolalla, a editora Ofelia Grande e o delegado da Xunta José Ramón Ónega.

A Delegación da Xunta en Madrid/Casa de Galicia acolleu esta tarde a presentación da última novela de Domingo Villar, "El último barco", editada por Siruela, e coa que o autor de "La playa de los ahogados" volve, dez anos despois, co celebrado inspector Leo Caldas, que conta cunha lexión de seguidores. O acto espertou moito interés como o proba o que se achegaron á Casa preto de duascentas persoas e foi preciso habilitar a Sala B para que puidesen seguilo por circuíto interno de televisión. En "El último barco", con máis de 700 páxinas, Caldas investiga a desaparición dunha moza en Vigo, Mónica, a filla do doutor Andrade, que vive en Moaña, un tranquilo pobo alén da ría. A historia desenvólvese en escenarios naturais da zona.

A Casa de Galicia en Madrid, distinguida pola Enxebre Orden da Vieira co Trofeo Galeguidade 2019

O delegado da Xunta, José Ramón Ónega, recibe a distinción de mans do secretario xeral de Emigración da Xunta, Antonio Rodríguez Miranda. (Foto: A. Seixas).

A Delegación da Xunta de Galicia en Madrid/Casa de Galicia foi distinguida pola Enxebre Orde da Vieira co Trofeo Galeguidade 2019 a persoa xurídica, que foi recollido o sábado 23 de marzo polo delegado da Xunta e director da Casa, José Ramón Ónega, no transcurso do Quincuaxésimo segundo Capítulo Xeral da entidade, que se celebrou durante unha prolongada velada nun coñecido hotel de Madrid. No acto participaron, entre outros, o secretario xeral de Emigración da Xunta de Galicia, Antonio Rodríguez Miranda, que fixo entrega do Trofeo, o presidente da Asociación Cultural da Vieira -soporte xurídico da Enxebre Orde da Vieira-, Enrique Santín, e o seu coordinador, Carlos de Blas, así como os membros do seu Consello; entre os numerosos asistentes achábase o secretario xeral de Política Lingüística da Xunta de Galicia, Valentín García.

 

A edición en castelán de SUEÑOS ELÉCTRICOS de Ramón Caride presentouse na Delegación da Xunta en Madrid

1. De esquerda a dereita, o autor Ramón Caride, Vicente Araguas, Ramón Jiménez, Jesús Manuel Marcos e Basilio Rodríguez Cañada.

"SUEÑOS ELÉCTRICOS" de Ramón Caride, volve aos escaparates, agora en castelán grazas a Sial Pigmalión. A Delegación da Xunta en Madrid/Casa de Galicia acolleu esta tarde a presentación en Madrid da nova edición. A novela, escrita en galego no ano 92, fora gañadora do premio Blanco Amor, cando o biólogo, escritor e profesor Caride tiña só 35 anos. En "Sueños eléctricos" o prolífico autor, con obras en diversos xéneros, plasmou un mundo distópico cuxos habitantes están deseñados por expertos en xenética e a crítica considerouna como a novela fundadora da ciencia ficción galega.

Fagama celebrou a súa Asemblea Xeral Ordinaria esta tarde na Delegación da Xunta en Madrid/Casa de Galicia

1. Parte dos asistentes, na tradicional foto de familia.

A Federación de Asociacións Galegas en Madrid (FAGAMA) celebrou esta tarde na Delegación da Xunta de Galicia en Madrid/Casa de Galicia a súa Asemblea Xeral Ordinaria correspondente a 2019, na que aprobou as actividades e orzamentos executados no ano anterior, 2018, e as previsións en ambos apartados para o ano en curso.

A Delegación da Xunta acolle a primeira presentación en Madrid do cómic galego de ambientación medieval "La espada de San Eufrasio"

Na mesa, durante a presentación, os guionistas Manuel López Poy e Pepe Rey, o coordinador de Actividades da Casa, Ramón Jiménez, o dibuxante Miguel Fernández e o editor Lorenzo Pascual.

Unha familia de campesiños galegos, desposuída da súa casa e obrigada a fuxir da vinganza dos señores feudais, refúxiase nas recónditas montañas da Serra dos Ancares e para sobrevivir únese a unha cuadrilla de salteadores que actúan no Camiño de Santiago. Na súa loita pola supervivencia cruzaranse coa guerra que libran os poderosos, unha guerra xorda de todos contra todos na que os nobres e a Igrexa dispútanse o poder en terras e riquezas e loitan pola gloria que outorga a posesión dunha misteriosa espada traída de Terra Santa, por un santo home, un cruzado cuxo cadáver xace nunha perdida ermida. Este é o argumento central de "La espada de San Eufrasio", a serie de cómic galega, de ambientación medieval, protagonista do acto celebrado hoxe na Delegación da Xunta en Madrid/Casa de Galicia: a presentación, por primeira vez en Madrid, de "La aldea maldita" e "Tierra de lobos", os seus dous primeiros capítulos.

A artista viguesa Cuadrado expón "obras cargadas de simbolismo que convidan a reflexionar sobre a dualidade do ser humano"

A pintora Conchi Cuadrado e algúns dos cadros que compoñen a mostra.

"Obras cargadas de simbolismo que convidan a reflexionar sobre a dualidade do ser humano" son, segundo as palabras da súa autora, as obras que a artista viguesa Cuadrado exhibe este mes na mostra títulada "Sentimentos", inaugurada esta tarde na Delegación da Xunta de Galicia en Madrid/Casa de Galicia. Unha obra que "se move entre a realidade e o soño" e convida á xente a "pararse a pensar nos seus sentimentos".

"Paisaxes galegas", antolóxica do pintor José Leyra Domínguez, na Casa de Galicia en Madrid no mes de marzo

1. Ángel María Leyra Faraldo e Santiago Leyra Curiá ante un dos óleos da antolóxica de José Leyra Domínguez, pai e avó respectivamente de ambos.

A Delegación da Xunta en Madrid/Casa de Galicia acolle durante o mes de marzo a exposición antolóxica de pintura, "PAISAXES GALEGAS", do destacado intelectual de Ferrol José Leyra Domínguez, (1912-1997). A mostra compóñena unha coidada selección das súas obras máis representativas, de temática esencialmente paisaxística, nas que Leyra plasmou a súa persoal visión da súa contorna e que reflectiu idealizada, especialmente as frondosas fragas e os densos soutos, cunha paleta rica en cores e predominio dos característicos verdes que resaltan grazas ao coidado tratamento da luz; sen esquecer as mariñas das costas ferrolás: Valdoviño, San Xurxo, Cobas ou Doniños.

O delegado da Xunta, José Ramón Ónega, asistiu á inauguración da exposición "Vivir sin miedo, vivir con memoria"

O delegado da Xunta, José Ramón Ónega (1º pola dereita) pousa con autoridades e directivos da Asociación.

O delegado da Xunta en Madrid, José Ramón Ónega, representou hoxe ao presidente de Galicia, Alberto Núñez Feijóo, na inauguración da exposición "Vivir sin miedo, vivir con memoria", que tivo lugar na Sala de Exposición Maruja Mallo organizada pola Asociación Víctimas del Terrorismo e presentada por, entre outros, a presidenta da Asociación, Maite Araluce, e o presidente da Comunidad de Madrid, Ángel Garrido. Entre os asistentes tamén se achaban o exministro de Xustiza Rafael Catalá e a deputada do PP e expresidenta da Asociación María del Mar Branco.

 

 

Ramón Loureiro presentou en Madrid a súa última novela, "Al Rey de los Ángeles", na que reaparece o manuscrito de "El Quijote"

A editora Laura Rodríguez, os escritores Ramón Pernas e Milagros Frías, o delegado da Xunta, José Ramón Ónega, o autor da novela, Ramón Loureiro, o crítico Ángel Basanta e o escritor e exministro César Antonio Molina.

O escritor e xornalista fenés Ramón Loureiro presentou esta tarde na Delegación da Xunta en Madrid/Casa de Galicia a súa última novela, "Al Rey de los Ángeles", na que logrou que reapareza o manuscrito de "El Quijote". Editada por Hércules de Edicións, "Al Rey de los Ángeles" é a quinta novela en castelán do autor, Premio Julio Camba de Xornalismo, e supón o seu regreso á ficción tras a publicación, en 2013, de "La asombrosa conquista de la isla ballena". A obra culmina así o ciclo iniciado pola chamada Triloxía do Norte, composta por "Las galeras de Normandía", "León de Bretaña" e "El lejano reino de la Vía Láctea".

Mostrando o intervalo 41 - 50 de 848 resultados.