Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

Notas de prensa

Mostrando o intervalo 41 - 50 de 873 resultados.

Medio centenar de profesionais acudiron á Delegación da Xunta en Madrid ao "II Seminario do Programa Más Social da Fundación Barrié"

1. De Esquerda a dereita, Greta Fábregas, Pilar G. de Viedma, o delegado da Xunta en Madrid José Ramón Ónega e Carlos Cortés.

O Programa Formativo MÁS SOCIAL da Fundación Barrié celebrou na Delegación da Xunta en Madrid o "Segundo Seminario", que leva por título "Como previr e xestionar os conflitos dentro do teu equipo ou cos teus grupos de interese (usuarios, familias, financiadores, outras entidades,…)?"; e a el acudiron case medio centenar de profesionais, (48, concretamente) de 25 entidades diferentes pertencentes a unha decena de colectivos relacionados co Terceiro Sector. Entre os asistentes atopábanse responsables de postos directivos, membros de organismos de goberno e persoal técnico.

"Hasta los andares", de Laura Orens, presentada hoxe na Delegación da Xunta en Madrid

1. De esquerda a dereita, Albahaca Martín da editorial, Ramón Jiménez coordinador da Casa de Galicia, a autora Laura Orens e o esccritor Juanjo Ramírez.

Chámase Fraguiña de Bergantiños. É unha aldeíña imaxinaria que cae pola Costa da Morte. Nela, calquera dos seus habitantes podería ser o asasino do primeiro morto do novo milenio. É o enigma que expón aos axentes do orde, e por extensión ao lector, a novela de xénero policíaco editada por Grupo Tierra Trivium, "Hasta los andares", de Laura Orens, e que esta tarde se presentou na Delegación da Xunta en Madrid/Casa de Galicia.

María Xosé Porteiro presenta na Casa de Galicia "Sándalo", novela ponte entre Galicia e Cuba a través de historias das migracións

A doutora en Ciencias Sociais Ángeles Sallé, a ex directora xeral da Cidadanía Española no Exterior Pilar Pin, a xornalista, política e autora da novela, María Xosé Porteiro, o escritor e xornalista Alfonso S. Palomares, a secretaria de Estado de Migracións en funcións, Consuelo Rumí, o delegado da Xunta, José Ramón Ónega, e dous familiares dos intervenientes no acto.

María Xosé Porteiro, xornalista, política e escritora de ascendencia galega, vinculada á emigración galega a Cuba, onde se criou, e gran coñecedora da Galicia Exterior, presentou hoxe na Delegación da Xunta de Galicia en Madrid/Casa de Galicia a súa última novela, "Sándalo", publicada 17 anos despois da primeira, " Covardes". " Sándalo" preséntase como unha nave que percorre douscentos anos de historia entre Europa e América, "alberga feitos históricos, ulises galaicos, orixes afrocubanos, secretas sociedades de figuras públicas, independencias políticas e pendencias eróticas" e tende unha ponte entre Galicia e Cuba, unha relación antiga pola que fai un percorrido sentimental a través de diversas historias das migracións. A obra está escrita en galego e foi publicada por Editorial Galaxia.

O escultor coruñés Miguel Couto expón na Casa de Galicia a retrospectiva "dous mil dezanove" de esculturas en bronce

Miguel Couto xunto á súa obra "En femenino IV".

O escultor coruñés (Malpica de Bergantiños, 1971) Miguel Couto exhibe ata o próximo día 28 na Delegación da Xunta en Madrid/Casa de Galicia a mostra de esculturas en bronce "dous mil dezanove", unha retrospectiva (2008-2018) de estilizadas pezas de tamaño menor e medio. Acompañou ao escultor na inauguración da exposición o coordinador de Actividades da Casa, Ramón Jiménez, quen interveu en representación do delegado e director da mesma, José Ramón Ónega.

A exposición de pintura "EVOCACIÓNS" de Victoria Ramírez Escudero, na Delegación da Xunta en Madrid no mes de xuño

1. Victoria Ramírez ante unha das súas obras.

Monumentos e lugares emblemáticos da Coruña, Madrid, Eivissa ou Venecia, xunto con escenas de mar e bodegóns compoñen a maior parte da exposición de pintura "Evocacións" da artista coruñesa afincada en Madrid, Victoria Ramírez Escudero e que poderá verse na Delegación da Xunta en Madrid/Casa de Galicia durante todo o mes de xuño. Unha obra elegante, equilibrada e que busca a beleza grazas á súa depurada técnica ao óleo, que se reflicte nun perfecto dominio da cor e o uso da luz, achegando lirismo ás súas composicións.

I Seminario do Programa de Formación "Más Social" da Fundación Barrié

1. De esquerda a dereita, a coordinadora de Programas da Fundación Greta Fábregas, o delegado da Xunta en Madrid José Ramón Ónega e o director de formación Carlos Cortés.

A Delegación da Xunta en Madrid acolle durante o día de hoxe o primeiro seminario de traballo da nova edición do "Programa Formativo Más Social" da Fundación Barrié na súa extensión a nivel Nacional, dados os excelentes resultados obtidos en Galicia. Un programa que se exporta fóra da comunidade de orixe porque tamén a nivel nacional está a dar moi bos froitos.

Francisco Rodríguez Pastoriza presenta na Delegación da Xunta o seu último libro, "A obra xornalística de José Gómez de la Cueva (Johan Caballeira)"

O xornalista e escritor Francisco Rodríguez Pastoriza, na presentación do seu último libro, "A obra xornalística de José Gómez de la Cueva (Johan Carballeira)", en primeiro plano.

O xornalista, profesor e escritor pontevedrés (de Bueu) Francisco Rodríguez Pastoriza presentou hoxe na Delegación da Xunta en Madrid/Casa de Galicia o seu último libro, "A obra xornalística de José Gómez de la Cueva (Johan Carballeira)", publicado por Edicións Laiovento, co que rende homenaxe ao xornalista, escritor e último alcalde republicano de Bueu José Gómez de la Cueva, coñecido polo pseudónimo de Johan Carballeira, co que asinaba a súa obra poética e moitos dos seus artigos xornalísticos. Nel, Rodríguez Pastoriza analiza, en galego, moitos dos artigos e temas tratados por Gómez de la Cueva en castelán e rescata a súa obra "para que non caia no esquecemento".

Xornada Empresarial de AEGAMA: "Intelixencia Artificial e Big Data aplicados ao eCommerce"

1. De esquerda a dereita Víctor Cortizo, José Luis Martínez, o delegado da Xunta en Madrid José Ramón Ónega, a directora de AEGAMA Isabel Noriega, Carolina Arroyo e Carlos Trujillo.

"INTELIXENCIA ARTIFICIAL E BIG DATA APLICADOS AO ECOMMERCE: Como seleccionar os produtos gañadores", é o título da Xornada Empresarial que AEGAMA, Asociación de Empresarios Galegos en Madrid, celebrou esta tarde na Delegación da Xunta en Madrid/Casa de Galicia para os seus socios e colaboradores. No acto, ao que asistiron máis de medio centenar de profesionais estivo presidida polo delegado da Xunta en Madrid e director da Casa de Galicia, José Ramón Ónega, e nel interviñeron: Isabel Noriega, directora de AEGAMA; José Luis Martínez Arana, presidente de EMPRESARIO 2.0; Carlos Trujillo e Carolina Arroyo, ambos os vendedores en Amazon; e o avogado Víctor Cortizo.

ASOMEGA celebra o seu 25 Aniversario

1. Dr. López, Dra. Ana Fernández-Tojeiro, o delgado da Xunta José Ramón Ónega, Dr. Ancochea e de pé, Dr. Ruza, Dr. Álvarez de Mon e Dr. Charro.

A Asociación de Médicos Galegos en Madrid ASOMEGA, cumpre 25 anos da súa fundación e para celebralo realizou na Delegación da Xunta en Madrid/Casa de Galicia un "Acto Conmemorativo do XXV Aniversario" no que participaron diferentes personalidades do ámbito da medicina, socios e directivos destes anos. O encontro estivo presidido polo delegado da Xunta en Madrid e director da Casa de Galicia, José Ramón Ónega e nel interviñeron casi todos os presidentes que tivo ASOMEGA ata a data: Dr. Julio Ancochea Bermúdez, presidente actual; o Dr. Aniceteo Luís Charro Salgado, presidente de Honra; o Dr. Francisco Javier Ruza, expresidente da institución e o tamén expresidente Melchor Álvarez de Mon.

A Secretaría Xeral da Emigración felicitou a FAGAMA pola defensa da lingua no Día das Letras

1. De esquerda a dereita, Clodio Gzlez biógrafo de Fraguas, Ovidio Cadenas, presidente de FAGAMA, o delegado da Xunta en Madrid José Ramón Ónega, Antonio Casas subdirector xeral da Emigración e Fernando Gómez secretario de FAGAMA.

A Secretaría Xeral da Emigración felicitou esta mañá os centros e asociacións galegas con sede na capital de España pola defensa e a firme aposta que fan desde hai décadas pola preservación e difusión da nosa lingua durante un acto organizado pola Federación de Asociacións Galegas en Madrid (FAGAMA), que tivo lugar na Casa de Galicia madrileña, e á que asistiron o director de esta entidade, José Ramón Ónega López, e o subdirector xeral da Emigración e das Comunidades Galegas, Antonio Casas Calviño, quen quixo agradecer o seu labor aos asistentes a esta celebración do Día das Letras Galegas.

Mostrando o intervalo 41 - 50 de 873 resultados.