Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

Notas de prensa

Mostrando o intervalo 541 - 550 de 872 resultados.

A Casa de Galicia acolleu o estrea do documental "Celso Emilio Ferreiro, o poeta da vida", de Aser Álvarez

Aser, Jiménez e Reigosa.

 A Delegación da Xunta de Galicia en Madrid-Casa de Galicia acolleu hoxe a estrea da curtametraxe documental "Celso Emilio Ferreiro, o poeta da vida", dirixida por Aser Álvarez, e recollida no DVD "102 Testemuños de aniversario", coordinada por Plácido Romero. Presentárono o seu director, o xornalista galego Carlos G. Reigosa e o coordinador de Actividades Culturais da Casa, Ramón Jiménez, quen saudou os asistentes en nome do delegado da Xunta de Galicia, José Ramón Ónega. Entre os asistentes estaban o escritor Sabino Torres e o escultor Leiro.

A Adega Marqués de Vizhoja presenta na Casa os seus novos produtos

Jorge Pelaez, Paula Vázquez e J. R. Ónega na presentación dos produtos de Vizhoja

A delegación da Xunta en Madrid, Casa de Galicia, acolleu esta mañá un acto empresarial informativo: a presentación dos novos licores e a última anada dos seus viños da adega galega Marqués de Vizhoja. A xornada, que se iniciou as 11:00 horas e concluíu sobre 14:30 horas, estaba dirixida unicamente a medios, bloggers e profesionais do sector. A encargada de dar a coñecer os novos produtos foi a presentadora galega Paula Vázquez, que é imaxe da empresa dende o ano 2005. No acto interviñeron o delegado da Xunta, José Ramón Ónega; Jorge Pelaez, propietario da empresa e Paula Vázquez.

Os profesores Mourelle de Lema e Blázquez Martínez clausuraron as XXX Xornadas de Cultura Galega de Grugalma

Blázquez, Jiménez e Mourelle de Lema.

A segunda e última sesión das XXX Xornadas de Cultura Galega que se celebraron na Delegación da Xunta de Galicia en Madrid-Casa de Galicia, organizadas polo Grupo Cultural Galicia en Madrid (Grugalma) en torno ao tema "España: unidade histórica e diversidade sincrónica", tivo como relatores aos profesores José María Blázquez Martínez, co relatorio "Unidade histórica de Hispania na época romana", e Manuel Mourelle de Lema, presidente do Grugalma, que interveu co relatorio "A evolución da Marca Hispánica". Estiveron acompañados polo coordinador de actividades culturais da Casa, Ramón Jiménez, que presentou a sesión e dió a benvida en nome do Delegado da Xunta de Galicia en Madrid, José Ramón Ónega.

A Casa acolleu a celebración das XXX Xornadas de Cultura Galega de GRUGALMA

García Moreno, Jiménez Pérez e Mourelle de Lema

A Casa de Galicia, delegación da Xunta en Madrid acolleu esta tarde a primeira sesión das XXX Xornadas de Cultura Galega que un ano máis organiza Manuel Mourelle de Lema, profesor emérito da Universidade Complutense de Madrid, membro da Real Academia da Historia e presidente do Grupo Cultural Galicia en Madrid (GRUGALMA), coa conferencia: "Gotia e España en 711" a cargo de Luis Agustín García Moreno, catedrático da Universidade de Alcalá de Henares (UHA), Membro da Real Academia da Historia e premio de Investigación do Consello Social da UHA.

Presentación en Madrid do libro "Dejadme marchar" da autora coruñesa Begoña Peñamaría Marcos

Gonzalo L. Torres, Begoña Peñamaría, Romay Beccaría, Otero Lastres y José Ramón Ónega en la presentación del libro Dejadme marchar

A delegación da Xunta en Madrid, Casa de Galicia, acolleu esta tarde a presentación do libro "Deixádeme marchar" da deseñadora de moda, Begoña Peñamaría Marcos, -publicado por InÉditor-, que o escribiu como homenaxe ao seu irmán Sergio, falecido por un cancro fulminante aos 33 anos, para manter vivo o seu recordo e transmitir unha mensaxe de esperanza e apoio a outras familias que pasan por un transo similar".

No acto interviñeron, ademais da autora, o delegado da Xunta en Madrid, José Ramón Ónega; Gonzalo López Torres, editor e responsable do selo InÉditor; o catedrático de Dereito Mercantil, avogado e escritor, José Manuel Otero Lastres; e o presidente do Consello de Estado, José Manuel Romay Beccaría, encargado de pechar a presentación.

A Casa de Galicia en Madrid acolleu a estrea en Madrid do vídeo promocional de Lugo e súa provincia "I´m from Lugo & I don´t deny it"

Castro, Ares, Ónega, Barrios, Muinelo e Jiménez.

A Delegación da Xunta de Galicia en Madrid-Casa de Galicia acolleu esta tarde a presentación en Madrid do vídeo musical promocional de Lugo e a súa provincia "I´m from Lugo & I don´t deny it" ("Son de Lugo e non o nego"), do grupo musical Batital, promovido pola Asociación Cultural do mesmo nome. Nel actúan as sopranos Alba Messa e Noemi Mazoy e as cantantes Lucía Pérez e Pilocha, ademais doutros músicos da provincia; e conta coa participación de máis dun millar de lucenses, entre eles, Luis Tosar, Marta Rivera, Diego López, Elías Rodríguez, Martín Barreiro, José de Cora, Liborio García, Jorge Acuña, Fernando Ónega e Jenaro Castro.

Máis de medio centenar de xuristas acuden a Casa a presentación das "Xornadas Xurídicas de Sarria Román García Varela"

García Varela Iglesias, García López, Romay Beccaría, Ignacio Sierra, Lema Devesa e Ónega López

A delegación da Xunta de Galicia en Madrid acolleu esta tarde a Presentación das VIII Xornadas Xurídicas de Sarria "Román García Varela", organizadas polo Concello lucense en colaboración con IURISGAMA (Asociación de Xuristas Galegos en Madrid). As Xornadas, que agora levan o nome do seu desaparecido fundador, celebran este ano a VIII edición -contan polo tanto cunha consolidada traxectoria-, e nelas, os días 6 e 7 de xuño, daranse cita xuristas de toda España para tratar temas tamén de interese xeral, en concreto, este ano versarán en torno a "A protección ao consumidor no século XXI".

Presentación e proxección do documental "o Instante eterno" sobre a vida e a obra do poeta Xosé María Díaz Castro

X. Antonio Cascudo, Ramón Jiménez e Alfonso Blanco, coa moneda de Díaz Castro en primero plano

A Casa acolleu hoxe a presentación e proxección do documental “O INSTANTE ETERNO", de Xosé Antonio Cascudo Rodríguez, sobre o poeta Xosé María Díaz Castro, a quen se dedica este ano o DÍA DÁS LETRAS GALEGAS, realizado para promover e difundir a vida e obra do poeta da localidade lucense de Guitiriz de cara á celebración do centenario do seu nacemento que foi o pasado 19 de febreiro.

No acto interviñeron o coordinador de Actividades Culturais da Casa, Ramón Jiménez Pérez;  o director e guionista do audiovisual, Xosé Antonio Cascudo e o presidente da Asociación Cultural Xermolos, Alfonso Blanco.

O presidente do Banco Popular, Ángel Ron Güimil, novo Membro de Honra de IURISGAMA

J. R. Ónega, Elena G. Moñux, Romay, Ángel Ron e Carlos Lema

A delegación da Xunta en Madrid, Casa de Galicia, foi o escenario elixido pola Asociación de Xuristas Galegos en Madrid (IURISGAMA) para o nomeamento como Membro de Honra concedida ao presidente do Banco Popular, o santiagués Ángel Ron Güimil, o máis novo da banca española.

Na mesa estaban o presidente do Consello de Estado, premio Montero Ríos, e tamén membro de Honra de IURISGAMA, José Manuel Romay Beccaría; o delegado da Xunta en Madrid e director da Casa de Galicia, José Ramón Ónega López; o presidente do Banco Popular, Ángel Ron Güimil; a viceconselleira de Xustiza e Administracións Públicas da Comunidade de Madrid, Elena González Moñux; e o presidente da Asociación de Xuristas Galegos en Madrid (IURISGAMA), avogado e catedrático de Dereito Mercantil da Universidade Complutense de Madrid, Carlos Lema Devesa.

A presidenta del Parlamento Galego, Pilar Rojo, inaugurou na Casa de Galicia en Madrid a exposición "51 páxinas das nosas letras"

Os protagonistas acompañados polos autores das medallas, entre outros

A presidenta do Parlamento de Galicia, Pilar Rojo, o secretario xeral de Cultura da Xunta de Galicia, Anxo Lorenzo, o presidente da Real Academia Galega (RAG), Xesús Alonso Montero, e o delegado da Xunta de Galicia en Madrid, José Ramón Ónega, participaron esta tarde na inauguración da exposición "51 páxinas dás nosas letras", que se exhibe na Delegación da Xunta de Galicia en Madrid-Casa de Galicia ata o próximo día 30. Ao concorrido acto, que superou con amplitude o centenar de persoas, asistiron, entre outros, o vicepresidente e o secretario do Parlamento de Galicia, deputados galegos e os autores das medallas, Manuel Ferreiro Badía e Siro López.

Mostrando o intervalo 541 - 550 de 872 resultados.