Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

Notas de prensa

Mostrando o intervalo 621 - 630 de 890 resultados.

Conferencia "O Camiño de Santiago como modelo internacional de revitalización das Peregrinacións contemporáneas: claves do éxito", polo catedrático de Compostela Rubén C. Lois

Rubén Lois a esquerda, e José Antonio Ortiz

A Casa de Galicia, delegación da Xunta en Madrid acolle esta semana a celebración da décimo terceira edición do Seminario José Antonio Cimadevila Covelo de Estudios Jacobeos, organizado pola Asociación de Amigos dos Camiños de Santiago de Madrid. Este ciclo conta con catro relatorios a cargo de especialistas en diferentes temas relacionados co Camiño. Rubén C. Lois, catedrático de Xeografía da Universidade de Santiago de Compostela foi o encargado esta tarde de pronunciar a conferencia inaugural, baixo o título, "O Camiño de Santiago como modelo internacional de revitalización das Peregrinacións contemporáneas: claves do éxito".

As marcas de gourmet máis innovadoras e unha novela compartieron espacio na Casa de Galicia

Os protagonistas do acto brindan con Ónega.

A Casa de Galicia-Delegación da Xuntade Galicia en Madrid, acolleu hoxe o evento "O Mar, a inspiración dos novos emprendedores", organizado por Summum Delicatessen, firma galega especializada a comercialización das marcas gourmet máis innovadoras, entre as que destacan ConservasSiccas, Conservas Chanquete, Obrador de Lamprea e Bodega Corisca. Tamén se presentou a novela "Finis Terrae" do escritor novel Adolfo Valverde Quintas.

Presentación en Madrid do poemario "Me diste la tierra" de Branca Vilela

Araguas, Nistal,Irigoyen, Vilela, Jiménez e Basilio, instantes antes da presentación

A delegación da Xunta en Madrid acolleu a presentación do poemario “Me diste la tierra", da poeta coruñesa de Fisterra, Branca Vilela, publicado por Edicións Pigmalión, un libro sobre sentimentos e reflexións. No acto, cuxa presentación correu a cargo do coordinador de actividades da Casa, Ramón Jiménez, interviñeron, ademais da autora, o crítico literario e escritor Vicente Araguas; o poeta, escritor e artista, Ramón Irigoyen; a escritora Gloria Nistal; e o presidente do Grupo editorial Sial-Pigmalión Basilio Rodríguez Cañada.

A centenaria pianista galega Carmen Díez visita as instalacións da Casa de Galicia en Madrid

Díez recibe el Diploma de manos de J.R.Ónega.

A insigne e centenaria pianista galega e catedrática de piano polo Real Conservatorio Superior de Música de Madrid Carmen Díez Martín visitou hoxe a Delegación da Xunta en Madrid-Casa de Galicia, onde foi recibida polo delegado, José Ramón Ónega, quen a homenaxeou entregándolle un Diploma de recoñecemento da Casa de Galicia.

Presentación en Madrid de "Cantares Gallegos Hoxe. Unha lectura actualizada de Rosalía de Castro" de María Pilar García Negro

Veiguela, García Negro, Ónega, Jiménez e Alvarellos

Esta tarde, a delegación da Xunta en Madrid acolleu a presentación do libro "Cantares Galegos Hoxe. Unha lectura actualizada de Rosalía de Castro" por María Pilar García Negro, ao cumprirse o 150 aniversario da publicación. No acto, presidido polo delegado da Xunta en Madrid, e director da Casa, José Ramón Ónega López, interviñeron ademais da autora e profesora María Pilar García Negro; o coordinador de actividades da Casa, Ramón Jiménez; a catedrática e investigadora e presidenta da Asociación de Mulleres Galegas Rosalía de Castro, Helena Veiguela; e o editor, Henrique Alvarellos.

José Ramón Ónega, nomeado Presidente de Honra do Centro Gallego de Madrid

Trillo, Coladas, Ónega, De Castro, Pastor e Calvo Sotelo.

O delegado da Xunta de Galicia en Madrid, José Ramón Ónega, foi nomeado onte á noite Presidente de Honra do centenario Centro Galego de Madrid, distinción que recibiu de mans do presidente do Centro, Fernando de Castro López-Vilarino. O acto tivo lugar no transcurso dunha cea celebrada nas instalacións da entidade á que asistiron, entre outros moitos, a ministra de Fomento, Ana Pastor, o presidente do Consello de Estado, Romay Beccaría, o maxistrado do Tribunal Supremo Ramón Trillo, o letrado maior do Consello de Estado, Leopoldo Calvo Sotelo, e o xornalista Fernando Ónega, ademais de maxistrados, políticos, catedráticos, representantes das principais entidades galegas en Madrid e familiares e amigos do homenaxeado. Tamén se citaron adhesións de, entre outros, o presidente da Xunta, Alberto Núñez Feijóo, o vicepresidente da Xunta, Alfonso Rueda, o exministro César Antonio Molina, o exalcalde de Madrid José María Álvarez del Manzano, o político Jorge Moragas, e os parlamentarios José Manuel Barreiro, José Blanco López e José Luis Rivera López.

CCAMINA presenta "A relatividade do imposible: coaching no Camiño de Santiago"

Nava Castro, Álvarez, Ónega e Villar.

Dez directivos de empresas líderes, cinco etapas e 121 km percorridos son só os números da “Primeira CCAMINATA de Líderes”, celebrada o pasado mes de setembro. Os seus verdadeiros resultados presentáronse hoxe, 14 de novembro, na Casa de Galicia de Madrid durante a Conferencia “A relatividade do imposible: Coaching no Camiño de Santiago” na que participaron a Directora da Axencia de Turismo da Xunta de Galicia, Nava Castro; o director da Casa de Galicia en Madrid e delegado da Xunta na capital, José Ramón Ónega; Carlos Álvarez, presidente da Fundación Innaxis, e a fundadora e directora de CCAMINA, Mariela Villar.

Santín, Palomares, Reigosa e Ónega debaten na Casa de Galicia sobre as patoloxías dos políticos

Ónega, Martín Villa, Santín, Reigosa, J.L. Pardo e Palomares.

 "A patoloxía dos políticos" é o título dun libro recente do escritor e empresario Enrique Santín e o da mesa redonda que con motivo da publicación dese libro se celebrou hoxe na Casa de Galicia en Madrid. Nela participaron, ademais do autor do libro, os escritores e xornalistas Alfonso S. Palomares e Carlos G. Reigosa e o delegado da Xunta de Galicia en Madrid, José Ramón Ónega, que moderou o encontro, ante numeroso e relevante público, entre o que se achaban o presidente do Consello de Estado, José Manuel Romay Beccaría, e o ex ministro Rodolfo Martín Villa.

"Lágrimas de Luna" riende homenaxe aos poetas galegos

Jiménez presentó al grupo Lágrimas de Luna que lidera David Coll

Composicións de Luis Pimentel, Curros Enríquez, Celso Emilio Ferreiro, Rosalía e Valle resoaron hoxe na Casa de Galicia, delegación da Xunta en Madrid na voz do poeta David Coll, acompañada con diferentes obras musicais de autores clásicos e formacións actuais. Coll lidera o grupo "Lágrimas de Luna", que realiza espectáculos poético-musicais e que prepararon este, especialmente para a ocasión con poemas só de escritores galegos.

Presentación do Poemario "Silencio habitado" de Olga Patiño

Basilio Rodríguez Cañada,Miguel Losada, Olga Patiño, Ramón Jiménez, Mercedes Frías e Antonino Nieto

A Casa de Galicia, delegación da Xunta en Madrid, acolleu esta tarde a presentación do poemario "SILENCIO HABITADO", da poeta, actriz directora de teatro e profesora, Olga Patiño Nogueira, prologado por Luz Pozo Garza e publicado por Pigmalión Ediciones. No acto, cuxa presentación foi realizada polo coordinador de Actividades, Ramón Jiménez, interviñeron, ademais da autora, a escritora e xornalista, Milagros Frías; o crítico literario e escritor, Miguel Losada; o poeta, escritor e artista, Antonino Nieto e o presidente do grupo editorial Sial Pigmalión, Basilio Rodríguez Cañada.

Mostrando o intervalo 621 - 630 de 890 resultados.