Subscricións

Subscribete ás actualizacións da nosa axenda para estar sempre informado dos eventos  que acontecen na nosa casa. A subscrición está dispoñible en calquera dos seguintes formatos:

Notas de prensa

Mostrando o intervalo 751 - 760 de 878 resultados.

A Casa acolleu a xornada "Internacionalización e Xestión da Diversidade", organizada por AEGAMA e a Fundación para a Diversidade e nela destacaron o valor da expansión no estranxeiro en tempos de crise como incentivo para o mercado español.

A Casa de Galicia foi o lugar elixido pola Asociación de Empresarios Galegos en Madrid (AEGAMA) e a Fundación para a Diversidade, para poñer de manifesto a necesidade de que "as organizacións formulen unha estratexia para a xestión da diversidade se queren levar a cabo un proceso de internacionalización". Para iso, celebraron na Delegación da Xunta en Madrid a xornada "Internacionalización e Xestión da Diversidade", un evento no que se tratou de mostrar as diferentes canles que pode desenvolver unha empresa en materia de diversidade.

La Delegación Gallega en Madrid acogió el concierto "La herencia contrapuntística" de la joven pianista lucense Susana Trigo

“La música compone los ánimos descompuestos y alivia los trabajos que nacen del espíritu”, dijo el delegado de la Xunta y Director de la Casa, José Ramón Ónega López, citando a Cervantes en el Quijote para ilustrar la presentación de la joven pianista lucense Susana Trigo. Así mismo, Ónega enumeró algunos de los aspectos más relevantes del CV de la intérprete y el repertorio ejecutado con piezas de los compositores G. Ligeti, J. S. Bach, D. Shostakovich y L. Van Beethoven.

Presentado na Casa de Galicia en Madrid o poemario "Ronca o mar", da coruñesa María Canosa

A Casa de Galicia en Madrid-Delegación da Xunta de Galicia acolleu esta tarde a presentación do poemario "Rouca o mar", da coruñesa María Canosa Blanco, editado por Pigmalión. No acto interviñeron, ademais da autora do libro, Vicente Araguas, crítico literario e poeta, Antonio Nieto, poeta, Basilio Rodríguez Cañada, escritor e editor, e Ramón Jiménez, coordinador de Actos Culturais da Casa.

Luis Miguel Falcón García advirte na Casa de Galicia da importancia do diagnóstico precoz do cancro de próstata

O urólogo Luis Miguel Falcón García advertiu hoxe na Casa de Galicia-Delegación da Xunta de Galicia en Madrid da importancia do diagnóstico precoz do cancro de próstata, que é doadamente curable se se diagnostica a tempo; por iso, dixo, recoméndase que a partir dos cincuenta anos os homes sexan conscientes dos controis pertinente, pois, ademais, se trata dun cancro que non dá moitos síntomas. Fíxoo na conferencia "O que Ud. debe saber sobre a saúde da súa próstata", que o prestixioso urólogo ofreceu ante un interesado auditorio.

José María Arias Mosquera, presidente do Banco Pastor e da Fundación Barrié, nomeado Membro de Honra de Iurisgama

A Asociación de Xuristas Galegos en Madrid (Iurisgama) nomeou Membro de Honra a José María Arias Mosquera, presidente da Fundación Barrié e do Banco Pastor, nun acto que tivo lugar, hoxe, na Casa de Galicia en Madrid, patrocinado polo Colexio de Avogados da Coruña, no que o galardoado recibiu do presidente da Asociación, Carlos Lema Devesa, a placa que lle acredita como tal.

Entre os asistentes ao acto achábanse o presidente do Tribunal Constitucional, Pascual Sala; o presidente da Sala 1ª do Tribunal Supremo, Juan Antonio Xiol Ríos; Ángel Ron Güimil, presidente do Banco Popular; o ex presidente do Tribunal Constitucional Álvaro Rodríguez Bereijo; o vicedecano do Colexio de Avogados da Coruña, Augusto Pérez Cepeda; maxistrados do Tribunal Supremo e directivos das entidades galegas en Madrid.

Os xornalistas e biógrafos de Fraga Pilar Falcón e Fernando Jáuregui recordaron ao político galego na Casa de Galicia

Os xornalistas Pilar Falcón e Fernando Jáuregui, biógrafos de Manuel Fraga, recordaron hoxe na Casa de Galicia-Delegación da Xunta de Galicia en Madrid a figura do político galego, que foi fundador do Partido Popular e presidente da Xunta, na mesa redonda "Fraga visto polos seus biógrafos", que tivo lugar esta tarde. Previamente presentouse un busto de Manuel Fraga asinado polo escultor Santiago de Santiago, que o doou á Casa, da que Fraga foi fundador.

O delegado da Xunta en Madrid galardoado pola Federación de Autónomos Galegos

O delegado da Xunta en Madrid e director da Casa de Galicia, José Ramón Ónega López recolleu o premio que lle foi concedido pola Federación de Autónomos de Galicia no transcurso dunha gala que se celebrou o venres 9 de marzo no auditorio do madrileño concello de Alcobendas. Nas imaxes posa co galardón  xunto ao presidente da Federación, Francisco Javier Pérez Bello.

A multinacional galega EQUANTIA presentou na Casa, ante investidores e y distribuidores, dous dos seus produtos empresariais

A empresa galega, EQUANTIA, cuxa sede central encóntrase en Vigo, presentou esta mañá dous dos seus produtos en Madrid a investidores e distribuidores, dentro da expansión proxectada para este ano.

EQUANTIA é un grupo de consultoras especializadas en diferentes liñas de actuación: EQUANTIA, en Comercio Exterior e Proxectos Europeos; CONFIALIS, en servizos de Consultoría, Auditoría, Outsourcing e Formación, en materia de Protección de Datos; e CAPITALIZA, Organización de consultoría estratéxica e Auditoría de Responsabilidade Social Corporativa.

O escritor gallego José R. Rodríguez explicou na Casa de Galicia a vinculación histórica dos galegos con Filipinas

Os galegos están vinculados á historia de Filipinas dende o seu descubrimento por Magallanes, ao que acompañaron na súa expedición, e tiveron presenza no arquipélago dende entón, segundo a exposición realizada hoxe na Casa de Galicia en Madrid polo xornalista e escritor ourensano, José R. Rodríguez, que ofreceu a conferencia "Presencia de Galicia en Filipinas", baseada nun estudo do que é autor, xunto co historiador filipino Lino Dizon, sobre a presenza dos galegos en devir histórico das illas Filipinas, editado recentemente co nome de "Cruceiro".

O silencio, a serenidade e a luz, protagonistas das obras que a lucense María Jesús Pérez Carballo exhibe na Casa de Galicia

 O silencio, a serenidade, os espazos baleiros onde a luz é o elemento fundamental na creación son os compoñentes das atmosferas que a pintora lucense e catedrática de debuxo María Jesús Pérez Carballo transmite na mostra de pintura que dende hoxe e ata o próximo día 30 ocupa dúas salas de exposicións na Casa de Galicia en Madrid: "Na mirada, Breamo", de obra realizada nos últimos anos.

Mostrando o intervalo 751 - 760 de 878 resultados.